ବଲିଉଡ ଅଭିନେତ୍ରୀ ଡାଏନା ପେଣ୍ଟି ଫିଲ୍ମ କକ୍ଟେଲ୍ରେ ବଲିଉଡ ଡେବ୍ୟୁ କରିଥିଲେ । ତେବେ ସମସ୍ତଙ୍କ ଜାଣିବାରେ ଏହା ତାଙ୍କର ଡେବ୍ୟୁ ଫିଲ୍ମ ହେଲେ ଏହା ପୂର୍ବରୁ ମଧ୍ୟ ଡାଏନାଙ୍କୁ ଏକ ଫିଲ୍ମ ପାଇଁ ଫାଇନାଲ କରାଯାଇଥିଲା । ହେଲେ କିଛି କାରଣ ବଶତଃ ଡାଏନାଙ୍କୁ ଏହି ଫିଲ୍ନରୁ ବାହାର କରିଦିଆଯାଇଥିଲା । ପ୍ରଥମେ ତାଙ୍କୁ ଇମ୍ତିଆଜ ଅଲ୍ଲୀଙ୍କର ଫିଲ୍ମ ରକଷ୍ଟାର୍ ପାଇଁ ତାଙ୍କୁ ଅଫର ମିଳିଥିଲା । ସେ ସମୟରେ ସେ ନ୍ୟୁୟର୍କରେ ମଡେଲିଂ କରୁଥିଲେ । ହେଲେ ପରେ ଇମ୍ତିଆଜ ତାଙ୍କୁ ଏହି ରୋଲ ଦେବା ପାଇଁ ମନା କରିଥିଲେ, କାରଣ ଡାଏନା ସେହି ସମୟରେ ଏଥିପାଇଁ ପ୍ରସ୍ତୁତ ହୋଇନଥିଲେ । ଇମ୍ତିଆଜ ତାଙ୍କର ପ୍ରଶଂସା କରିଥିଲେ ହେଲେ ସେହି ସମୟରେ ସେ ଅଭିନୟ ପାଇଁ ପ୍ରସ୍ତୁତ ହୋଇ ନଥିଲେ ବୋଲି ଡାଏନାଙ୍କୁ ବୁଝାଇଥିଲେ । ଏହାକୁ ଡାଏନା ମଧ୍ୟ ଖୁବ ସକରାତ୍ମକ ସହକାରେ ନେଇଥିଲେ । ଏହାର ଏକ ବର୍ଷ ପରେ କକ୍ଟେଲ ଫିଲ୍ମରେ ସେ ବି ଟାଉନ୍ ଡେବ୍ୟୁ କରିଥିଲେ ।
Comments are closed.