ୱାସିଂଟନ୍: ଆମେରିକାର ନବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ କ୍ୟାବିନେଟ୍ରେ ଆଉ ଜଣେ ଭରତୀୟଙ୍କୁ ସୁଯୋଗ ମିଳିଛି। ଭାରତୀୟ ବଂଶୋଦ୍ଭବ ଆମେରିକାର ଓକିଲ ହରମିତ କେ ଧିଲୋନଙ୍କୁ ମିଳିଛି ବଡ଼ ଦାୟିତ୍ୱ। ଧିଲୋନଙ୍କୁ ନ୍ୟାୟ ବିଭାଗରେ ଆସିଷ୍ଟାଣ୍ଟ ଆଟର୍ଣ୍ଣି ଜେନେରାଲ ଭାବେ ମନୋନୀତ କରାଯାଇଛି। ଟ୍ରମ୍ପ ତାଙ୍କ ସୋସିଆଲ ମିଡିଆ ପୋଷ୍ଟରେ ଧିଲୋନଙ୍କୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ ଧିଲୋନ ଫ୍ରି ସ୍ପିଚ୍ ସେନ୍ସରସିପ୍ ପାଇଁ ସ୍ୱର ଉତ୍ତୋଳନ କରୁଥିବାବେଳେ ଟେକ୍ କମ୍ପାନୀଗୁଡିକୁ ଟାର୍ଗେଟ୍ କରିଥିଲେ। କେବଳ ଏତିକି ନୁହେଁ, ତାଙ୍କ ସହକର୍ମୀଙ୍କ ବିରୋଧରେ ଭେଦଭାବ କରୁଥିବା ନୀତି ପାଇଁ ସେ କର୍ପୋରେଟ୍ ବିରୋଧରେ ଏକ ଆଇନଗତ ମାମଲା ମଧ୍ୟ ଦାୟର କରିଥିଲେ। ଟ୍ରମ୍ପ କହିଛନ୍ତି, ‘ହରମିତ୍ ଦେଶର ସର୍ବୋଚ୍ଚ ନିର୍ବାଚନ ଆଟର୍ଣ୍ଣିଙ୍କ ମଧ୍ୟରୁ ଅନ୍ୟତମ। ସେ ଶିଖ ସମ୍ପ୍ରଦାୟ ସହିତ ଜଡିତ। ନ୍ୟାୟ ବିଭାଗରେ ତାଙ୍କର ନୂତନ ଭୂମିକା ସହିତ ସେ ସାମ୍ବିଧାନିକ ଅଧିକାରର ସୁରକ୍ଷାକାରୀ ମଧ୍ୟ ହେବେ।’
ହରମିତ ଧିଲୋନ୍ଙ୍କ ଜନ୍ମ ୨ ଏପ୍ରିଲ ୧୯୬୯ରେ ଚଣ୍ଡିଗଡ଼ରେ ହୋଇଥିଲା। ଯେତେବେଳେ ତାଙ୍କୁ ଦୁଇ ବର୍ଷ ହୋଇଥିଲା ସେତେବେଳେ ତାଙ୍କ ପରିବାର ଚଣ୍ଡିଗଡରୁ ଆମେରିକାକୁ ସିଫ୍ଟ ହୋଇ ଯାଇଥିଲେ। ଆମେରିକାର ଉତ୍ତର କାରୋଲିନାରେ ତାଙ୍କର ଲାଳନ ପାଳନ ହୋଇଥିଲା। କିନ୍ତୁ ପରେ ସେ ନ୍ୟୁୟର୍କ ସହରକୁ ଚାଲି ଆସିଥିଲେ। ହରମିତ୍ ଡାର୍ଟମାଉଥ୍ କଲେଜରୁ ଇଂରାଜୀରେ ସ୍ନାତକ ହାସଲ କରିଥିଲେ। ସେ ଜଣେ ଆଇନ କିରାଣୀ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ। ପରେ ସେ ନ୍ୟାୟ ବିଭାଗର ସାମ୍ବିଧାନିକ ନିର୍ଯାତନା ବିଭାଗରେ କାର୍ଯ୍ୟ କରିଥିଲେ। ପରେ ସେ ୨୦୦୬ରେ ନିଜର ଏକ ଆଇନ ସଂସ୍ଥା ଧିଲୋନ ଲ’ ଗ୍ରୁପ୍ ପ୍ରତିଷ୍ଠା କରିଥିଲେ।
Comments are closed.