ନିକଟରେ ଘୋଷଣା ହୋଇଥିବା ଜାତୀୟ ଚଳିଚ୍ଚିତ୍ର ପୁରସ୍କାରରେ ଟେଲିଭିଜନ କଳାକାରଙ୍କୁ ଗୁରୁତ୍ବ ଦିଆଯାଉନଥିବା ନେଇ ଟେଲି ଆକ୍ଟ୍ରେସ ରୁପାଲି ଗାଙ୍ଗୁଲି ଅଭିଯୋଗ ଆଣିଛନ୍ତି । କେତେବେଳେ ବି ଟିଭି ଅଭିନେତାଙ୍କର ଅଭିନୟକୁ କେହି ଗୁରୁତ୍ବ ଦିଅନ୍ତି ନାହିଁ ବୋଲି ସେ ମତ ଦେଇଛନ୍ତି । ବର୍ତ୍ତମାନ ମନୋରଞ୍ଜନ ଇଣ୍ଡଷ୍ଟ୍ରୀର ବିଭିନ୍ନ କାଟାଗୋରୀ ପାଇଁ ଜାତୀୟ ପୁରସ୍କାର ଥିବାବେଳେ କେବଳ ଟେଲି ଭିଜନ ଅଭିନେତାଙ୍କ ପାଇଁ ଏପରି କୌଣସି ପୁରସ୍କାର ନାହିଁ । ରାଜ୍ୟ ସ୍ତରରେ ଥିବା ଆଞ୍ଚଳିକ ଫିଲ୍ମ ପାଇଁ ମଧ୍ୟ ଏହି ପୁରସ୍କାରର ବ୍ୟବସ୍ଥା ରହିିଛି । ଆଜିକାଲି କଣ୍ଟେଣ୍ଟ କ୍ରିଏଟରଙ୍କୁ ମଧ୍ୟ ପୁରସ୍କାର ପ୍ରଦାନ କରାଯାଉଛି, ହେଲେ ଟିଭି କଳାକାରଙ୍କ ଅଭିନୟକୁ କେହି କେବେ ଗୁରୁତ୍ବ ଦେଉନାହାନ୍ତି ବୋଲି ରୁପାଲି ମତ ଦେଇଛନ୍ତି । ତେବେ ବର୍ତ୍ତମାନ ବିଜେପି ନେତ୍ରୀ ସ୍ମୃତି ଇରାନୀ ପୁଣି ଟେଲିଭିଜନକୁ ଫେରିଥିବାରୁ ଏ ଦିଗରେ ଦୃଷ୍ଟି ଦେବେ ବୋଲି ରୁପାଲୀ ଆଶା ରଖିଛନ୍ତି । ସବୁଠାରୁ କଷ୍ଟ ଟେଲି କଳାକାରମାନେ କରିଥାଆନ୍ତି । ସେମାନଙ୍କ ପାଇଁ ସୁଟିଂ କରିବା ଖୁବ କଷ୍ଟ ହୋଇଥାଏ ତଥାପି ସେମାନେ ଦର୍ଶକଙ୍କ ମନୋରଞ୍ଜନ ପାଇଁ ସମସ୍ତ କଷ୍ଟ କରିଥାଆନ୍ତି , ହେଲେ ସେମାନଙ୍କୁ କୌଣସି ପ୍ରଶଂସା ମିଳିନଥାଏ ବୋଲି ରୁପାଲି ମତ ରଖିଛନ୍ତି ।
