ନୂଆଦିଲ୍ଲୀ: ମୌସୁମୀ ଅଧିବେଶନର ଅବ୍ୟବହିତ ପୂର୍ବରୁ କେନ୍ଦ୍ର ସରକାର ଆସନ୍ତା ଜୁଲାଇ ୧୯ ତାରିଖରେ ଏକ ସର୍ବଦଳୀୟ ବୈଠକ କରିବେ। ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ଏସଂକ୍ରାନ୍ତ ସୂଚନା ଦେଇ କହିଛନ୍ତି ଯେ କେନ୍ଦ୍ର ସରକାର ସଂସଦର ମୌସୁମୀ ଅଧିବେଶନ ସଂକ୍ରାନ୍ତରେ ଆସନ୍ତା ଜୁଲାଇ ୧୯ ତାରିଖରେ ଏକ ସର୍ବଦଳୀୟ ବୈଠକ ଡାକିଛନ୍ତି। ଜୁଲାଇ ୨୧ ତାରିଖରୁ ସଂସଦର ମୌସୁମୀ ଅଧିବେଶନ ଆରମ୍ଭ ହେବ ଏବଂ ଅଗଷ୍ଟ ୨୧ ତାରିଖ ପର୍ଯ୍ୟନ୍ତ ଏହା ଚାଲିବ। ସ୍ବାଧୀନତା ଦିବସ ଉତ୍ସବ ପାଇଁ ଅଗଷ୍ଟ ୧୩ ଏବଂ ୧୪ ତାରିଖରେ କୌଣସି ଗୃହକାର୍ଯ୍ୟ ହେବନାହିଁ। ଉଲ୍ଲେଖଯୋଗ୍ୟ, ପହଲଗାମ ଆତଙ୍କବାଦୀ ଆକ୍ରମଣ ଏବଂ ଅନ୍ୟାନ୍ୟ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା ପାଇଁ ଏବଂ ବିଶେଷ କରି ସର୍ବଦଳୀୟ ପ୍ରତିନିଧି ଦଳ ବିଦେଶରୁ ଫେରିବା ପରେ ସଂସଦର ଏକ ସ୍ବତନ୍ତ୍ର ଅଧିବେଶନ କରିବାକୁ ବିରୋଧୀ ଦଳ ନେତାମାନେ ଦାବି କରିଥିବା ବେଳେ ଆଜି ରିଜିଜୁ ଏହି ସୂଚନା ଦେଇଛନ୍ତି। ପହଲଗାମ ଆତଙ୍କବାଦୀ ଆକ୍ରମଣର ଜବାବ ଦେଇ ସରକାର ମେ’ ୭ ତାରିଖରେ ଆରମ୍ଭ କରିଥିବା ‘ଅପରେସନ୍ ସିନ୍ଦୂର’ ପରେ ଏହା ପ୍ରଥମ ଅଧିବେଶନ।
Comments are closed.