ନୂଆଦିଲ୍ଲୀ : କଂଗ୍ରେସ ନେତା ରାହୁଲ ଗାନ୍ଧି ଆସନ୍ତା ଜାନୁଆରି ୧୪ ତାରିଖରୁ ତାଙ୍କ ‘ଭାରତ ଯୋଡ଼ୋ ଯାତ୍ରା’ର ଦ୍ବିତୀୟ ସଂସ୍କରଣ ଆରମ୍ଭ କରିବାକୁ ଯାଉଛନ୍ତି। ରାହୁଲ ଯାତ୍ରାଙ୍କ ନାଁ ‘ଭାରତ ନ୍ୟାୟ ଯାତ୍ରା’ ରଖିଛନ୍ତି। ଏହି ଯାତ୍ରା ଦେଶର ପୂର୍ବରୁ ପଶ୍ଚିମ ଅଞ୍ଚଳ ପର୍ଯ୍ୟନ୍ତ ଚାଲିବ। ଉତ୍ତରପୂର୍ବରେ ମଣିପୁରରୁ ଯାତ୍ରା ଆରମ୍ଭ ହୋଇ ପଶ୍ଚିମରେ ମହାରାଷ୍ଟ୍ରର ମୁମ୍ବାଇରେ ଯାତ୍ରା ଶେଷ ହେବ। ରାହୁଲଙ୍କ ଭାରତ ନ୍ୟାୟ ଯାତ୍ରା ୧୪ ରାଜ୍ୟର ୮୫ ଜିଲ୍ଲା ଅତିକ୍ରମ କରିବ। ମଣିପୁର, ନାଗାଲାଣ୍ଡ, ଆସାମ, ମେଘାଳୟ, ପଶ୍ଚିମବଙ୍ଗ, ବିହାର , ଝାଡ଼ଖଣ୍ଡ, ଓଡ଼ିଶା, ଉତ୍ତରପ୍ରଦେଶ, ମଧ୍ୟପ୍ରଦେଶ, ଛତିଶଗଡ଼, ରାଜସ୍ଥାନ, ଗୁଜରାଟ ଏବଂ ମହାରାଷ୍ଟ୍ରରେ ୬,୨୦୦ କିମି ପର୍ଯ୍ୟନ୍ତ ଯାତ୍ରା ଚାଲିବ। କଂଗ୍ରେସ ମୁଖ୍ୟ ମଲ୍ଲିକାର୍ଜୁନ ଖଡ଼ଗେ ଜାନୁଆରି ୧୪ରେ ମଣିପୁରରୁ ଏହି ଯାତ୍ରା ଶୁଭାରମ୍ଭ କରିବେ। ଭାରତ ନ୍ୟାୟ ଯାତ୍ରାରେ ଅଧିକ ଲୋକଙ୍କ ନିକଟରେ ପହଞ୍ଚିବାପାଇଁ ବସ୍ରେ ଯାତ୍ରା କରାଯିବ। ଯାତ୍ରା ମଝିରେ କିଛି ସମୟ ପାଇଁ ନେତାମାନେ ଚାଲିବେ। କଂଗ୍ରେସ ସାଧାରଣ ସଚିବ କେସି ବେଣୁଗୋପାଳ ବୁଧବାର ଏକ ସାମ୍ବାଦିକ ସମ୍ମିଳନୀ କରି ଏହି ଘୋଷଣା କରିଛନ୍ତି। ଖଡ଼ଗେ କହିଛନ୍ତି ଦକ୍ଷିଣରେ କନ୍ୟାକୁମାରୀରୁ ଆରମ୍ଭ ହୋଇ ଉତ୍ତରରେ କାଶ୍ମୀରରେ ଶେଷ ହୋଇଥିବା ଭାରତ ଯୋଡ଼ୋ ଯାତ୍ରା ହେଉଛି ଏକ ‘ଐତିହାସିକ ଯାତ୍ରା’।
Comments are closed.