ଡେବ୍ୟୁ ପରଠାରୁ ବେଶ୍ ଚର୍ଚ୍ଚାରେ ଅଛନ୍ତି ନାୟିକା ସହର ବାମ୍ବା । କରଣ ଦେୱଲଙ୍କ ସହ ଅଭିନୟ ପରେ ବର୍ତ୍ତମାନ ନିଜର ଅପକମିଂ ପ୍ରୋଜେକ୍ଟକୁ ନେଇ ଖୁବ ଚର୍ଚ୍ଚାରେ ଅଛନ୍ତି ସହର ।
ଖୁବଶୀଘ୍ର କିଙ୍ଗଖାନଙ୍କ ପୁଅ ଆରିୟନ ଖାନ ନିର୍ଦ୍ଦେଶକଭାବେ ଡେବ୍ୟୁ କରିବାକୁ ଯାଉଛନ୍ତି । ତେବେ ଏହି ସିରିଜର ଲିଡିଂ ଲେଡିଙ୍କୁ ନେଇ ଖୁବ ଚର୍ଚ୍ଚା ବର୍ତ୍ତମାନ ଦେଖିବାକୁ ମିଳୁଛି । ଏଥିରେ ଫିମେଲ ଲିଡରେ ସହରଙ୍କ ନାଁ ଘୋଷଣା ହେବା ପରେ ତାଙ୍କ ସମ୍ପର୍କରେ ଜାଣିବାକୁ ସମସ୍ତଙ୍କ ଭିତରେ ଆଗ୍ରହ ଦେଖିବାକୁ ମିଳିଛି । ତେବେ ସହର ବର୍ତ୍ତମାନ ଲାଇମ୍ ଲାଇଟକୁ ଆସିଲେ ମଧ୍ୟ ଅନେକ ଦିନ ହେବ ଇଣ୍ଡଷ୍ଟ୍ରୀରେ ଅଛନ୍ତି । ପାଖାପାଖି ୬ବର୍ଷ ହେଲା ସେ ଏହି ଇଣ୍ଡଷ୍ଟ୍ରୀରେ ଆକ୍ଟିଭ ଅଛନ୍ତି । ୧୯୯୯ରେ ଜନ୍ମିତ ସହରଙ୍କର ଜନ୍ମସ୍ଥାନ ହେଉଛି ହିମାଚଳ ପ୍ରଦେଶରେ । ମଡେଲ ଭାବେ ନିଜର କ୍ୟାରିୟର ଆରମ୍ଭ କରିଥିବା ସହରଙ୍କୁ ପ୍ରଥମେ ୨୦୧୯ରେ ବଡ ପରଦାରେ ଦେଖିବାକୁ ମିଳିଥିଲା । ଏଥିରେ ସେ ସନି ଦେୱଲଙ୍କ ପୁଅ କରଣ ଦେୱଲଙ୍କ ସହିତ ସ୍କ୍ରିନ ସେୟାର କରିଥିଲେ । ଏହାପରେ ୨୦୨୨ରେ ତାଙ୍କୁ ଇମ୍ରାନ ହାସିମଙ୍କ ସହିତ ଏକ ମ୍ୟୁଜିକ ଭିଡିଓରେ ଦେଖିବାକୁ ମିଳିଥିଲା । ଏହି ଭିଡିଓଟି ଖୁବ ପ୍ରଶଂସା ସାଉଁଟିଥିଲା ମଧ୍ୟ । ଏହା ଏକ ହାର୍ଟବ୍ରେକ ଟ୍ରାକ ଥିଲା ଯାହାକୁ ଦର୍ଶକ ଖୁବ ପସନ୍ଦ କରିଥିଲେ । ଏହାସହ ତାଙ୍କୁ ୱେବ ସିରିଜରେ ମଧ୍ୟ ଦେଖିବାକୁ ମିଳିଥିଲା । ତାଙ୍କୁ ରୋମାଣ୍ଟିକ ଡ୍ରାମା ସିରିଜ୍ ଦିଲ୍ ବେକରାରରେ ଦର୍ଶକ ଦେଖିଥିଲେ ଏବଂ ଖୁବ ପସନ୍ଦ ମଧ୍ୟ କରିଥିଲେ । ଏଥିରେ ତାଙ୍କର ଏକ ନୂଆ ଅନ୍ଦାଜ ଦର୍ଶକ ଦେଖିଥିଲେ । ସୋସିଆଲ ମିଡିଆରେ ସହରଙ୍କର ଖୁବ କ୍ରେଜ ଦେଖିବାକୁ ମିଳିଥାଏ । ସେ ଯେତେବେଳେ ବି କିଛି ପୋଷ୍ଟ କରନ୍ତି ଫ୍ୟାନମାନେ ଏହାକୁ ଖୁବ ଲାଇକ କରନ୍ତି । ସେହିଭଳି ଆରିଅନ ଖାନଙ୍କ ନିର୍ଦ୍ଦେଶନାରେ ଦର୍ଶକ ତାଙ୍କୁ ଦେଖିବାକୁ ଖୁବ ଉତ୍ସାହିତ ଥିବା ଦେଖିବାକୁ ମିଳିଛି । ନିଜର ଏହି ପ୍ରୋଜେକ୍ଟକୁ ନେଇ ସହର ମଧ୍ୟ ଖୁବ ଖୁସି ସହିତ ଉତ୍ସାହିତ ମଧ୍ୟ ଅଛନ୍ତି । ଦର୍ଶକଙ୍କୁ ତାଙ୍କର ଏହି ନୂଆ ପ୍ରୋଜେକ୍ଟ ଖୁବ ପସନ୍ଦ ଆସିବ ବୋଲି ସେ ମତ ଦେଇଛନ୍ତି ।
