ଆପିଏଲ ଖେଳ ସମୟରେ ବ୍ୟବସାୟୀ ବିଜୟ ମାଲ୍ୟା ବର୍ତ୍ତମାନ ପୁଣି ଚର୍ଚ୍ଚାକୁ ଆସିଛନ୍ତି । ତେବେ ଏହାରି ଭିତରେ ତାଙ୍କୁ ନେଇ ବି ଟାଉନ୍ ଅଭିନେତ୍ରୀ ସମୀରା ରେଡି ଏକ ବୟାନ ଦେଇଛନ୍ତି ଯାହା ଖୁବ ଆଲୋଚନାର ବିଷୟ ପାଲଟିଛି । ସମୀରାଙ୍କ ମତରେ ବିଜୟ ମାଲ୍ୟା ତାଙ୍କର କନ୍ୟା ଦାନ କରିଥିଲେ । ତେବେ ଏହା ସମୀରାଙ୍କର ଏକ ପୁରୁଣା ଭିଡିଓ ଯାହା ବର୍ତ୍ତମାନ ଭାଇରାଲ ହେଉଛି । ଯେଉଁଥିରେ ସେ ଏସମ୍ପର୍କରେ କଥା ହୋଇଛନ୍ତି । ୨୦୧୪ରେ ସମୀରା ଦେଇଥିବା ଏକ ସାକ୍ଷାତକାରରେ ପ୍ରକାଶ କରିଥିଲେ କି ବିଜୟ ମାଲ୍ୟା ତାଙ୍କ ମା’ଙ୍କ ପଟରୁ ଜଣେ ଏକମାତ୍ର ସମ୍ପର୍କୀୟ ଥିଲେ ଯିଏ ତାଙ୍କର କନ୍ୟା ଦାନ କରିଥିଲେ । ସୂଚନା ଅନୁସାରେ ୨୦୧୪ରେ ସମୀରା ବ୍ୟବସାୟୀ ଅକ୍ଷୟ ବର୍ଦେଙ୍କୁ ବିବାହ କରିଥିଲେ । ଏହି ବିବାହ ଖୁବ କମ୍ ଲୋକଙ୍କ ଗହଣରେ କରାଯାଇଥିଲା । ତେବେ ବର୍ତ୍ତମାନ ଫ୍ୟାନମାନେ ସୋସିଆଲ ମିଡିଆରେ ଏହି ସାକ୍ଷାତକାରକୁ ଖୁବ ଭାଇରାଲ କରାଇବାରେ ଲାଗିଛନ୍ତି ।
Comments are closed.