ନୂଆଦିଲ୍ଲୀ: ଜଳବାୟୁ ପରିବର୍ତ୍ତନ ପାଇଁ ଦେଶରେ ବାରମ୍ବାର ଗ୍ରୀଷ୍ମ ଲହରୀ ହେଉଛି। ଗ୍ରୀଷ୍ମ ଲହରୀ ପ୍ରଭାବରେ ଦେଶରେ ୯୦ ପ୍ରତିଶତ ଲୋକ ଏବେ ବିପଦରେ ଅଛନ୍ତି। କେମ୍ବ୍ରିଜ ବିଶ୍ବବିଦ୍ୟାଳୟର ଏକ ଅଧ୍ୟୟନ ଅନୁଯାୟୀ ଦିଲ୍ଲୀରେ ଗ୍ରୀଷ୍ମଲହରୀର ଅତି ସାଂଘାତିକ ପ୍ରଭାବ ଦେଖାଦେଇଛି। ଗ୍ରୀଷ୍ମ ଲହରୀ ପାଇଁ ଗତ ୫୦ ବର୍ଷ ମଧ୍ୟରେ ଦେଶରେ ୧୭ ହଜାର ଲୋକଙ୍କ ମୃତ୍ୟୁ ହୋଇଛି। ଭୂବିଜ୍ଞାନ ମନ୍ତ୍ରାଳୟର ପୂର୍ବତନ ସଚିବ ଏମ୍ ରାଜୀବନଙ୍କ ତଥ୍ୟ ଅନୁଯାୟୀ ୫୦ ବର୍ଷରେ ୧୭ ହଜାର ଲୋକ ଗ୍ରୀଷ୍ମଲହରୀ ଯୋଗୁଁ ପ୍ରାଣ ହରାଇଛନ୍ତି। ଦେଶରେ ଏବେ ପ୍ରାୟ ଅଧିକାଂଶ ରାଜ୍ୟରେ ତାପମାତ୍ରା ୪୦ ଡିଗ୍ରି ଉପରେ ରହୁଛି। ମହାରାଷ୍ଟ୍ରରେ ଦିନକରେ ଅଂଶୁଘାତ ଯୋଗୁଁ ୧୩ ଜଣଙ୍କ ମୃତ୍ୟୁ ହୋଇଥିଲା। ଦେଶରେ ୯୦ ପ୍ରତିଶତ ଲୋକ ଗ୍ରୀଷ୍ମ ଲହରୀ ପ୍ରଭାବରୁ ଅତି ବିପଜ୍ଜନକ ଶ୍ରେଣୀରେ ଅଛନ୍ତି। କିଛି ରାଜ୍ୟରେ ତାପମାତ୍ରା ୪୫ ଡିଗ୍ରି ମଧ୍ୟ ଅତିକ୍ରମ କରିଯାଇଛି। କେନ୍ଦ୍ରୀୟ, ପୂର୍ବ, ପଶ୍ଚିମ, ଉତ୍ତର-ପୂର୍ବ ଅଞ୍ଚଳରେ ବିକାଶମୂଳକ କାର୍ଯ୍ୟ ପାଇଁ ଗ୍ରୀଷ୍ମ ଲହରୀ ବିପଦ ବଢ଼ୁଛି। ଦେଶରେ ୩୮୦ ନିୟୁତ ଲୋକ କଥା ୭୫ ପ୍ରତିଶତ କର୍ମଚାରୀ ଗୀଷ୍ମ ଜନିତ ଚାପରେ ଅଛନ୍ତି।
Comments are closed.