ରାଉରକେଲା : ୨ ଦିନ ଧରି ନିଖୋଜ ଥିବା ନାବାଳକଙ୍କ ମୃତଦେହ କୋଏଲ ନଦୀରୁ ଉଦ୍ଧାର । ଦୀର୍ଘ ୩୦ ଘଣ୍ଟା ପରେ କୋଏଲ ନଦୀର ତୁମକେଲା ଘାଟ ନିକଟରୁ ମିଳିଛି ମୃତଦେହ । ମୃତ ଛାତ୍ର ହେଉଛନ୍ତି ପ୍ରତୀକ ବଡାଇକ । ୨ ଦିନ ପୂର୍ବରୁ ସାଙ୍ଗ ମାନଙ୍କ ସହ ଗାଧୋଇବାକୁ ଯାଇ ବୁଡ଼ିଯାଇ ନିଖୋଜ ଥିଲେ ।
ସୂଚନା ଅନୁସାରେ ଗତ ୩ ତାରିଖ ଅପରାହ୍ନ ୪ଟା ବେଳେ ୩ ଜଣ ସାଙ୍ଗ ସେକ୍ଟର ୧୯ କୋଏଲ ନଦୀ ହମିରପୁର ଘାଟକୁ ଗାଧୋଇବା ପାଇଁ ଯାଇଥିଲେ । ଗାଧୋଇବା ବେଳେ ଅସାବଧାନତା ବଶତଃ ତିନି ଜଣ ବୁଡ଼ିଯାଇଥିଲେ । ଦୁଇ ସାଙ୍ଗ ବୁଡ଼ିଯିବା ଦେଖି ସ୍ଥାନୀୟ ଲୋକେ ଉଭୟଙ୍କୁ ଉଦ୍ଧାର କରିଥିଲେ । କିନ୍ତୁ ନଦୀରେ ବୁଡ଼ି ନିଖୋଜ ହୋଇଥିଲେ ପ୍ରତୀକ । ଆଜି ପ୍ରତିକଙ୍କ ମୃତଦେହ ଉଦ୍ଧାର ହେବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
Comments are closed.