କୋଚି: କେରଳ ହାଇକୋର୍ଟର ଜଣେ ବିଚାରପତି ଜଷ୍ଟିସ ଏ ବଦରୁଦ୍ଦିନଙ୍କ ବାସଭବନରୁ ଚୋରି ହୋଇଛି। କୋଚି ପୁଲିସରେ ଏନେଇ ଏକ ଅଭିଯୋଗ ଦାଏର ହୋଇଛି। ପୁଲିସରେ ଦାଏର ହୋଇଥିବା ଅଭିଯୋଗରେ ଦର୍ଶାଯାଇଛି ଯେ ବିଚାରପତିଙ୍କ ବେଡରୁମ୍ରୁ ସୁନା ଚୋରି ହୋଇଛି। ପୁଲିସ ଏହି ଘଟଣାରେ ବିଏନ୍ଏସ୍ ୩୦୫ ଅଧୀନରେ ଏକ ଏତଲା ରୁଜୁ କରିଛି। ପ୍ରାଥମିକ ତଦନ୍ତ ପରେ ପୁଲିସ ପ୍ରଥମେ କେଉଁମାନଙ୍କୁ ଜେରା କରାଯିବ ତା’ର ଏକ ତାଲିକା ପ୍ରସ୍ତୁତ କରିବ। ଜଣେ ବରିଷ୍ଠ ବିଚାରପତିଙ୍କ ଶୋଇବାଘରୁ ଚୋରି ହୋଇଥିବାରୁ ଏହି ମାମଲାର ଗମ୍ଭୀରତାକୁ ଦୃଷ୍ଟିରେ ରଖି ମାମଲାର ତଦନ୍ତକୁ ଜୋରଦାର କରାଯାଇଛି। ଉକ୍ତ ଘଟଣା ପରେ ସମ୍ପୃକ୍ତ ଅଞ୍ଚଳରେ ସୁରକ୍ଷା ସ୍ଥିତିକୁ ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି। ଏହା ଜାଣିବାକୁ ମିଳିଛି ଯେ ପଡ଼ୋଶୀ ରାଜ୍ୟର କିଛି ସଂଘବଦ୍ଧ ଗୋଷ୍ଠୀ କେରଳରେ କିଛି ନିର୍ଦ୍ଦିଷ୍ଟ ଲୋକଙ୍କ ଘରୁ ଚୋରି କରୁଛନ୍ତି। ଅଣ କେରଳୀ ଚୋରଙ୍କ ବିରୋଧରେ ମଧ୍ୟ ମାମଲା ବଢ଼ିବାରେ ଲାଗିଛି। ଗୃହ ବିଭାଗ ଦ୍ବାରା ପ୍ରସ୍ତୁତ ସୂଚନା ଯାହାକୁ ଗତବର୍ଷ ବିଧାନସଭାରେ ଉପସ୍ଥାପନ କରାଯାଇଥିଲା ସେଥିରେ ଦର୍ଶାଯାଇଛି ଯେ ୨୦୨୧ରେ ୧୯୨ଟି ଚୋରି ମାମଲାରେ ଅଣ କେରଳୀୟଙ୍କ ସମ୍ପୃକ୍ତି ରହିଛି। ଏହି ସଂଖ୍ୟା ବଢ଼ିବାରେ ଲାଗିଛି।
Comments are closed.