ଧନଶ୍ରୀ ଓ ଚହଲଙ୍କ ବିବାହ ବିଚ୍ଛେଦ ଅନେକ ସମୟ ପର୍ଯ୍ୟନ୍ତ ଚର୍ଚ୍ଚାରେ ରହିଥିଲା । ଏଥିରେ ଚହଲଙ୍କ ଫ୍ୟାନ ଧନଶ୍ରୀଙ୍କୁ ଟ୍ରୋଲ କରୁଥିବାର ମଧ୍ୟ ଦେଖିବାକୁ ମିଳିଥିଲା । ତେବେ ବର୍ତ୍ତମାନ ଉଭୟ ନିଜନିଜ ଜୀବନରେ ଆଗକୁ ବଢିଥିବାର ଦେଖିବାକୁ ମିଳିଛି । ନିଜର ଜୀବନକୁ ନେଇ ନିକଟରେ ଧନଶ୍ରୀ ମନଖୋଲି କଥା ହୋଇଛନ୍ତି । ଭଲପାଇବା ଜୀବନର ଏକ ଭଲ ଅନୁଭବ । ତେବେ ଏହାକୁ ନେଇ କୌଣସି ଯୋଜନା କରାଯାଇ ପାରିବ ନାହିଁ ବୋଲି ଧନଶ୍ରୀ ମତ ଦେଇଛନ୍ତି । ଏହା କେତେବେଳେ କାହା ସହିତ ବି ହୋଇ ପାରିବ । ସେହିଭଳି ଆଗକୁ ମଧ୍ୟ ସେ ଜୀବନରେ କାହାକୁ ଭଲ ପାଇବେ ସେ ନେଇ କିଛି ଭାବି ନାହାନ୍ତି ବୋଲି ଏହି ସାକ୍ଷାତକାରରେ ମତ ଦେଇଛନ୍ତି । ସେହିଭଳି ଭଗବାନଙ୍କ ଉପରେ ତାଙ୍କର ଖୁବ ଭରସା ରହିଛି, ସେ ନିଜ ଜୀବନରେ କୌଣସି ଅସୁବିଧାରେ ପଡିବେ ନାହିଁ ବୋଲି ତାଙ୍କର ବିଶ୍ୱାସ ରହିଛି ।
Comments are closed.