ଶେଫାଳୀ ଜରିଓ୍ୱାଲାଙ୍କ ମୃତ୍ୟୁପରେ ପୂରା ଇଣ୍ଡଷ୍ଟ୍ରୀ ସ୍ତବ୍ଧ ହୋଇଯାଇଛି । ସମସ୍ତେ ତାଙ୍କୁ ଶ୍ରଦ୍ଧାଞ୍ଜଳୀ ଦେବାରେ ଲାଗିଛନ୍ତି । ସମସ୍ତେ ଭିନ୍ନଭିନ୍ନ ଅନ୍ଦାଜରେ ଶେଫାଳୀଙ୍କୁ ମନେ ପକାଉଛନ୍ତି । କିଏ ପୋଷ୍ଟ ଲେଖୁଛି ତ ଆଉ କିଏ ତାଙ୍କ ସହିତ ଫଟୋ ସେୟାର କରୁଛି । ଏହାରି ଭିତରେ ଗୀତ କାଣ୍ଟା ଲଗାର ମେକର୍ସ ଏକ ନିଆରା ଢଙ୍ଗରେ ଶେଫାଳୀଙ୍କୁ ଶ୍ରଦ୍ଧାଞ୍ଜଳୀ ଦେଇଛନ୍ତି । ଆଗକୁ କେବେ ବି କାଣ୍ଟା ଲଗାର ସିକୁଏଲ ତିଆରି ହେବ ନାହିଁ ବୋଲି ସେ ପ୍ରକାଶ କରିଛନ୍ତି । ସେହି ଗୀତଟି ସେମାନେ ଶେଫାଳୀଙ୍କୁ ସମର୍ପିତ କରିଛନ୍ତି । ଆଉ କେହି କେବେ ବି ଏହି ଗୀତରେ ଅଭିନୟ କରିବେ ନାହିଁ ବୋଲି ମେକର୍ସ ପ୍ରକାଶ କରିଛନ୍ତି । ଶେଫାଳୀ ଏହି ମ୍ୟୁଜିକ୍ ଭିଡିଓରୁ ନିଜର କ୍ୟାରିୟର ଆରମ୍ଭ କରିଥିଲେ । ଏଥିରେ ତାଙ୍କର ବୋଲï ଅନ୍ଦାଜ ଓ ଡ୍ୟାନ୍ସିଂ ଷ୍ଟାଇଲ ସମସ୍ତଙ୍କୁ ଖୁବ ପସନ୍ଦ ଆସିଥିଲା । ଏହି ଗୀତଟି ତାଙ୍କୁ ଏକ ନୂଆ ପରିଚୟ ପ୍ରଦାନ କରିଥିଲା । ମାତ୍ର ୧୯ ବର୍ଷ ବୟସରେ ସେ ନିଜ ପାଇଁ ଖୁବ ଭଲ ଫ୍ୟାନ୍ବେଶ୍ ତିଆରି କରିପାରିଥିଲେ । ଏହାପରେ ତାଙ୍କୁ ଆହୁରି ଅନେକ ମ୍ୟୁଜିକ୍ ଭିଡିଓରେ ଦେଖିବାକୁ ମିଳିଥିଲା, ହେଲେ କାଣ୍ଟା ଲଗା ଏବେ ବି ଲୋକଙ୍କର ପସନ୍ଦ ।
Comments are closed.