କାଜୋଲ ଓ ଶାହରୁଖ ଖାନ୍ଙ୍କର ଅନେକ କାହାଣୀ ସବୁବେଳେ ସୋସିଆଲ ମିଡିଆରେ ଚର୍ଚ୍ଚାରେ ରହିଥାଏ । ଉଭୟଙ୍କର ବନ୍ଧୁତା ଖୁବ ଗଭୀର ହୋଇଥିବାରୁ ସେମାନଙ୍କ ଭିତରେ ବିଭିନ୍ନ ପ୍ରକାର ମଜାଳିଆ ଘଟଣା ଘଟିଥାଏ । ନିକଟରେ ସେହିଭଳି ଏକ ଘଟଣା କାଜୋଲ ମିଡିଆ ଆଗରେ ବର୍ଣ୍ଣନା କରିଛନ୍ତି । କାଜୋଲ ଦେଇଥିବା ଏକ ଷ୍ଟେଟମେଣ୍ଟରେ ବାଜିଗର ସୁଟିଂ ବିଷୟରେ ବର୍ଣ୍ଣନା କରିଛନ୍ତି । ସୁଟିଂ ସମୟରେ ଗୋଟିଏ ଦିନ ଶାହରୁଖ କାହା ସହିତ କିଛି କଥା ହେଉନଥିଲେ, ଯାହା କାଜୋଲଙ୍କୁ ଖୁବ ଖରାପ ଲାଗିଥିଲା । ଏପରିକି ସେ ଶାହରୁଖଙ୍କ ପାଖକୁ ଯାଇ ଏ ବିଷୟରେ କହିଥିଲେ । ସେ ଅନ୍ୟମାନଙ୍କୁ ଶାହରୁଖ ଖଡୁସ ବୋଲି କହିଥିଲେ । ସେହିଭଳି ଶାହରୁଖ ମଧ୍ୟ ସେତେବେଳେ କାଜୋଲଙ୍କ ବ୍ୟବହାରରେ ଅସନ୍ତୁଷ୍ଟ ହୋଇ ତାଙ୍କୁ ଚୁପ ରହିବାକୁ ନିବେଦନ କରିଥିଲେ । ଏପରିକି ସେଟ୍ରେ କିଛି ଲୋକଙ୍କୁ କହିଥିଲେ କାଜୋଲଙ୍କୁ ଚୁପ କରାଇବା ପାଇଁ । ନବେଦଶକର ହିଟ୍ ଯୋଡି ହେଲେ କାଜୋଲ ଓ ଶାହରୁଖ । ଉଭୟଙ୍କୁ ଅନେକ ସିନେମାରେ ଏକାଠି ଦେଖିବାକୁ ମିଳିଛି । ଉଭୟଙ୍କ ଫ୍ୟାନ ଫଲୋଇଂ ଆଜି ବି ରହିଛି, ଆଜି ବି ଲୋକ ଏମାନଙ୍କ ଅନ୍ସ୍କ୍ରିନ୍ କେମେଷ୍ଟ୍ରୀ ଦେଖିବାକୁ ଅପେକ୍ଷା କରି ରହିଥାଆନ୍ତି ।
Comments are closed.