ତାପସୀ ପନ୍ନୁ ନିଜର ସିରିଏସ ରୋଲ ପାଇଁ ବେଶ ପରିଚିତ । ତାଙ୍କୁ ଅନେକ ଗମ୍ଭୀର ଚରିତ୍ରରେ ଅଭିନୟ କରିଥିବାର ଦର୍ଶକ ଦେଖିଛନ୍ତି । ସେହି ସମସ୍ତ ଚରିତ୍ରକୁ ତାପସୀ ଖୁବ ନିଖୁଣଭାବେ ପରଦାରେ ଫୁଟାଇ ମଧ୍ୟ ପାରନ୍ତି । ତେବେ ସୂଚନା ଅନୁସାରେ କିଛି ଭିନ୍ନ ଟ୍ରାଏ କରିବାକୁ ଚେଷ୍ଟା କରୁଛନ୍ତି ତାପସୀ । ଖୁବଶୀଘ୍ର ତାଙ୍କୁ ଏକ କମେଡି ଡ୍ରାମାରେ ଦେଖିବାକୁ ମିଳିବ । ମୁଦସର୍ ଅଜିଜଙ୍କ ପ୍ରଯୋଜିତ ଜମାନା କ୍ୟା କହେଗାରେ ତାପସୀଙ୍କୁ ଦେଖିବାକୁ ମିଳିବ । ଫିଲ୍ମ ପାଇଁ ତାପସୀ ମଧ୍ୟ ଖୁବ ଉତ୍ସାହିତ ଥିବା ଜଣା ପଡିଛି । କମେଡି ଚରିତ୍ରରେ ସବୁବେଳେ ଦର୍ଶକଙ୍କ ହୃଦୟକୁ ଛୁଇଁବା ସହଜ ହୋଇଥାଏ, ତେଣୁ ସେ ଏହି ଚରିତ୍ରରେ ନିଜର ବେଷ୍ଟ ଦେବେ ବୋଲି ମତ ଦେଇଛନ୍ତି ।
