ନୂଆଦିଲ୍ଲୀ: ଇସ୍ରାଏଲରେ ଗୁରୁବାର ଅପରାହ୍ନରେ ଆତଙ୍କବାଦୀ ଆକ୍ରମଣ ହୋଇଛି। ଜେରୁଜେଲମ୍ ପୋଷ୍ଟ୍ର ଏକ ରିପୋର୍ଟ ଅନୁଯାୟୀ ଗୁରୁବାର ଅପରାହ୍ନରେ ହାନ୍ନା-କର୍କୁର ରାଜପଥ ନିକଟସ୍ଥ ଏକ ବସ୍ ଷ୍ଟାଣ୍ଡ୍ରେ ଜଣେ ଇସ୍ଲାମିକ ଆତଙ୍କବାଦୀ ଏକ ଗାଡ଼ିକୁ ଅସ୍ତ୍ର କରି ପଥଚାରୀଙ୍କ ଉପରେ ଚଢ଼ାଇ ଦେଇଥିଲା। ୧୪ ଜଣ ଏହି ଘଟଣାରେ ଆହତ ହୋଇଛନ୍ତି ଏବଂ ୫ ଜଣଙ୍କ ଅବସ୍ଥା ସଙ୍କଟାପନ୍ନ ଅଛି। ଆହତଙ୍କ ମଧ୍ୟରେ ୩ ଜଣ ମହିଳା ଅଛନ୍ତି। ସମସ୍ତଙ୍କ ବୟସ ୨୦ ରୁ ୭୦ ମଧ୍ୟରେ। ଇସ୍ରାଏଲର ଜାତୀୟ ଜରୁରୀ ମେଡିକାଲ ସେବା ବିଭାଗ ଅନୁଯାୟୀ ଆଜି ଅପରାହ୍ନ ୪.୧୮ରେ ଏହି ଘଟଣା ଘଟିଛି। ୨ ଜଣ ଆତଙ୍କୀ ପୁଲିସଙ୍କୁ ଛୁରାମାଡ଼ କରିଥିବା ମଧ୍ୟ ଜଣାପଡ଼ିଛି। ପୁଲିସ ଗୁଳିରେ ଜଣେ ଆତଙ୍କବାଦୀ ନିହତ ହୋଇଛି। ଇସ୍ରାଏଲ ପୁଲିସ ମୁଖପାତ୍ର କହିଛନ୍ତି, ଆତଙ୍କବାଦୀମାନେ ଆଜି ରାଜପଥ ପାର୍ଶ୍ବ ବସ୍ ଷ୍ଟେସନ୍ରେ ଲୋକଙ୍କୁ ଟାର୍ଗେଟ୍ କରିଥିଲେ।
Comments are closed.