ୱାସିଂଟନ୍: ‘ଇଂରାଜୀ’କୁ ଆମେରିକାର ସରକାରୀ ଭାଷାର ମାନ୍ୟତା ମିଳିଛି। ଶନିବାର, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଏହି ସମ୍ପର୍କିତ ସରକାରୀ ବିଜ୍ଞପ୍ତିରେ ସ୍ବାକ୍ଷର କରିଛନ୍ତି। ବିଜ୍ଞପ୍ତିରେ ଦର୍ଶାଯାଇଛି ଯେ ଏକ ରାଷ୍ଟ୍ରୀୟ ଭାଷା ଏକତ୍ରିତ ଓ ସଂଯୋଗୀ ସମାଜର ମୂଳଭିତ୍ତି । ନାଗରିକମାନେ ମୁକ୍ତ ଭାବେ ନିଜର ବିଚାରକୁ ଏକ ଭାଷାରେ ଆଦାନପ୍ରଦାନ କରିପାରିଲେ ୟୁନାଇଟେଡ୍ ଷ୍ଟେଟ୍ସ ଶକ୍ତିଶାଳୀ ହେବ। ଏହାପୂର୍ବରୁ, ପୂର୍ବତନ ରାଷ୍ଟ୍ରପତି ବିଲ୍ କ୍ଲିଣ୍ଟନ୍, ଇଂରାଜୀ ଭାଷାରେ ସ୍ବଳ୍ପଅଭିଜ୍ଞ କିମ୍ବା ଅନଭିଜ୍ଞ କର୍ମଚାରୀଙ୍କ ନିମନ୍ତେ ଭାଷାନ୍ତର ଭଳି ସହାୟତା ଯୋଜନା ଯୋଗାଇଦେବା ବାଧ୍ୟତାମୂଳକ କରାଯାଇଥିଲା। ଟ୍ରମ୍ପ୍ଙ୍କ ନୂତନ ବିଜ୍ଞପ୍ତିରେ ଏହି ନିର୍ଦ୍ଦେଶକୁ ଖାରଜ କରାଯାଇଛି। ଇଂରାଜୀରେ ଅନଭିଜ୍ଞ କର୍ମଚାରୀଙ୍କ ନିମନ୍ତେ ସହାୟତା ଯୋଜନା ରଖିବା ‘ସ୍ବେଚ୍ଛାକୃତ’ ବୋଲି ଉଲ୍ଲେଖ କରାଯାଇଛି।
Comments are closed.