ସରିଛି ୭୨ ତମ ବିଶ୍ୱସୁନ୍ଦରୀ ପ୍ରତିଯୋଗିତା । ବାଜି ମାରିଛନ୍ତି ଥାଇଲାଣ୍ଡର ଓପଲ ସୁଚାତା । ହେଲେ ଏହି ପ୍ରତିଯୋଗିତାରେ ଭାରତକୁ ପ୍ରତିନିଧିତ୍ୱ କରିଥିଲେ ରାଜସ୍ଥାନର ନନ୍ଦିନୀ । ଯାହାଙ୍କୁ ନେଇ ପୂରା ଦେଶ ଏବେ ଗର୍ବ କରୁଛି ।ଚଳିତ ବିଶ୍ୱ ସୁନ୍ଦରୀ ପ୍ରତିଯୋଗିତା ଭାରତର ପାଇଁ ଖୁବ ଗୁରୁତ୍ୱପୂର୍ଣ୍ଣ ଥିଲା, କାରଣ ଚଳିତଥରର ହୋଷ୍ଟ ନିଜେ ଭାରତ ସାଜିଥିଲା । ଭାରତର ହାଇଦ୍ରାବାଦରେ ଏହି ପ୍ରତିଯୋଗିତାର ଆୟୋଜନ କରାଯାଇଥିଲା । ତେବେ ଏଥିରେ ଭାରତ ବିଜେତା ହୋଇ ନଥିଲେ ମଧ୍ୟ ବେଶ୍ ଆଗକୁ ଯାଇଥିଲେ ଭାରତୀୟ ପ୍ରତିଯୋଗୀ । ଭାରତକୁ ଏହି ପ୍ରତିଯୋଗିତାରେ ରାଜସ୍ଥାନର ନନ୍ଦିନୀ ଗୁପ୍ତା ରିପ୍ରେଜେଣ୍ଟ କରୁଥିଲେ, ଯାହାଙ୍କୁ ଶ୍ରେଷ୍ଠ ୨୦ଜଣଙ୍କ ଭିତରେ ସ୍ଥାନିତ କରାଯାଇଥିଲା । ରାଜସ୍ଥାନରେ ୨୦୦୩ରେ ଜନ୍ମ ହୋଇଥିବା ନନ୍ଦିନୀ ପିଲାଟିଦିନୁ ଅଭିନୟ, ନୃତ୍ୟ ଓ ମଡେଲିଂ ପାଇଁ ରୁଚି ରଖିଥିଲେ । କୋଟାରେ ପିଲାଦିନ କାଟିଥିବା ନନ୍ଦିନୀ ବର୍ତ୍ତମାନ ମୁମ୍ବାଇର ଏକ କଲେଜରେ ଅଧ୍ୟୟନ ରତ । ତେବେ ମାତ୍ର ୧୯ ବର୍ଷରେ ତାଙ୍କର ବିୟୁଟି ପେଜାଣ୍ଟ ଜିତିବାର ଧାରା ଆରମ୍ଭ ହୋଇ ଯାଇଥିଲା । ୨୦୨୩ରେ ଫେମିନା ମିସ ଇଣ୍ଡିଆ ପ୍ରତିଯୋଗିତାରେ ବିଜେତା ହୋଇଥିଲେ । ଯାହା ଥିଲା ତାଙ୍କ ସଫଳତାର ପ୍ରଥମ ସିଢି । ଏହାପୂର୍ବରୁ ସେ ମିସ ରାଜସ୍ଥାନ ପ୍ରତିଯୋଗିତାରେ ମଧ୍ୟ ସଫଳତା ପାଇ ସାରିଛନ୍ତି । ଏହାପରେ ୨୦୨୫ରେ ମାତ୍ର ୨୧ ବର୍ଷ ବୟସରେ ସେ ବିଶ୍ୱ ସୁନ୍ଦରୀ ପ୍ରତିଯୋଗିତାରେ ଭାରତକୁ ପ୍ରତିନିଧିତ୍ୱ କରିଥିଲେ । ମାତ୍ର ୧୦ ବର୍ଷରୁ ମିସ୍ ଇଣ୍ଡିଆ ବନିବାର ସ୍ୱପ୍ନ ସେ ଦେଖୁଥିଲେ । ସବୁବେଳେ ନିଜ ଆତ୍ମବିଶ୍ୱାସ ଓ କଠିନ ପରିଶ୍ରମକୁ ପାଥେୟ କରି ଆଗକୁ ବଢିଛନ୍ତି ନନ୍ଦିନୀ । ଯଦି ଜଣେ ବ୍ୟକ୍ତି ନିଜକୁ ବଦଳେଇ ପାରିବ ତେବେ ସେ ଦୁନିଆକୁ ମଧ୍ୟ ବଦଳାଇ ପାରିବ ବୋଲି ନନ୍ଦିନୀ ବିଶ୍ୱାସ ରଖନ୍ତି । ତେବେ ମିସ୍ଓ୍ୱାଲïର୍ରେ ଭାଗ ନେବା ଆଗରୁ ନନ୍ଦିନୀ ବଲିଉଡ ଡେବ୍ୟୁ କରି ସାରିଛନ୍ତି । କ୍ରାଇମ ଥି୍ରଲର ଫିଲ୍ମ ଦି ହାଇଷ୍ଟରେ ସେ ସ୍ପେସାଲ ଆପିଅରାନ୍ସରେ ବଲିଉଡ ଡେବ୍ୟୁ କରିଛନ୍ତି । ତେବେ ଆଗକୁ ସେ ଜଣେ ସଫଳ ଅଭିନେତ୍ରୀ ହେବାକୁ ଆଶା ରଖିଛନ୍ତି । ସୋସିଆଲ ମିଡିଆରେ ମଧ୍ୟ ନନ୍ଦିନୀଙ୍କର ଖୁବ କ୍ରେଜ ଦେଖିବାକୁ ମିଳିଥାଏ । ନନ୍ଦିନୀଙ୍କର ସୋସିଆଲ ମିଡିଆରେ ଅନେକ ଫ୍ୟାନ୍ ଫଲୋଇଂ ରହିଛନ୍ତି ଯେଉଁମାନେ ତାଙ୍କୁ ଖୁବ ପସନ୍ଦ କରନ୍ତି । ଇନ୍ଷ୍ଟାଗ୍ରାମରେ ତାଙ୍କର ଅନେକ ଫ୍ୟାନ୍ ଫଲୋଇଂ ରହିଛନ୍ତି ଯେଉଁଠି ସେ ନିଜ ମଡେଲିଂ, ଫଟୋ ଶୁଟ ଓ ପ୍ରେଜେଣ୍ଟସନ୍ର ଅପଡେଟ୍ ସେୟାର କରି ଥାଆନ୍ତି । ନନ୍ଦିନୀଙ୍କର କେବଳ ସୋସିଆଲ ମିଡିଆ କ୍ରେଜ ରହିଛି ତାହା ନୁହେଁ ସେ ବିଭିନ୍ନ ସାମାଜିକ କାର୍ଯ୍ୟରେ ମଧ୍ୟ ନିଜକୁ ନିୟୋଜିତ କରନ୍ତି, ଯାହା ତାଙ୍କୁ ଭିଡ ଭିତରେ ଭିନ୍ନ କରିଥାଏ । ବିଶ୍ୱ ସୁନ୍ଦରୀ ପ୍ରତିଯୋଗିତାରେ ତାଙ୍କ ଭିନ୍ନ ଶୈଳୀରେ ଉତ୍ତର ସମସ୍ତଙ୍କୁ ପସନ୍ଦ ଆସିଥିଲା । ସେ ଏକ ଅନ୍ତର୍ଜାତୀୟ ପ୍ଲାଟଫର୍ମରେ ଭାରତକୁ ନାଁକୁ ନିଜ ଉପସ୍ଥାପନା ଶୈଳୀରେ ଖୁବ ଉପରକୁ କରିଛନ୍ତି । ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କୁ ନିଜର ଆଇଡଲ ମାନୁଥିବା ନନ୍ଦିନୀ ଆଗକୁ ବଲିଉଡରେ ଭଲ କ୍ୟାରିୟର କରିବାକୁ ଆଶା ରଖିଛନ୍ତି ।
Comments are closed.