ଆଜି ଏସ୍ସିଓ ବିଦେଶ ମନ୍ତ୍ରୀଙ୍କ ବୈଠକ
ଚୀନ୍ ବିଦେଶ ମନ୍ତ୍ରୀଙ୍କ ସହ ଜୟଶଙ୍କରଙ୍କ ଦ୍ବିପାକ୍ଷିକ କଥାବାର୍ତ୍ତା
ନୂଆଦିଲ୍ଲୀ : ଆଜି ଗୋଆର ପାନାଜୀରେ ଏସସିଓ( ସାଂଘାଇ ସହଯୋଗ ସମ୍ମିଳନୀ) ବିଦେଶ ମନ୍ତ୍ରୀମାନଙ୍କ ବୈଠକ ଅଛି। ଏହି ଅବସରରେ ଚୀନ୍ , ପାକିସ୍ତାନ, ଉଜବେକିସ୍ତାନ ଏବଂ ଅନ୍ୟାନ୍ୟ ରାଷ୍ଟ୍ରର ବିଦେଶ ମନ୍ତ୍ରୀ ଆସି ଭାରତ ପହଞ୍ଚି ସାରିଛନ୍ତି। ଗତକାଲି ରାତିରେ ବିଦେଶ ରାଷ୍ଟ୍ରର ବିଦେଶ ମନ୍ତ୍ରୀମାନଙ୍କ ପାଇଁ ଏକ ନୈଶ୍ୟ ଭୋଜନ ଥିଲା।
ବିଦେଶ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ଗତକାଲି ତାଙ୍କ ଚୀନ୍ ପ୍ରତିପକ୍ଷ କିନ ଗାଙ୍ଗ୍ଙ୍କ ସହ ଦ୍ବିପାକ୍ଷିକ କଥାବାର୍ତ୍ତା କରିଛନ୍ତି। ଏସ୍ସିଓ ବିଦେଶ ମନ୍ତ୍ରୀଙ୍କ ବୈଠକ ଅବସରରେ ଜୟଶଙ୍କର ବେନଲିମ ବିଚ୍ ରିସୋର୍ଟରେ କିନ୍ଙ୍କ ସହ ଦ୍ବିପାକ୍ଷିକ କଥାବାର୍ତ୍ତା କରିଛନ୍ତି। କଥାବାର୍ତ୍ତା ପରେ ବିଦେଶ ବ୍ୟାପାର ମନ୍ତ୍ରୀ ଏକ ଟ୍ବିଟ୍ କରି କହିଛନ୍ତି ଯେ ସୀମା ଅଞ୍ଚଳରେ ବିବାଦର ସମାଧାନ କରିବା ଏବଂ ସୀମାରେ ଶାନ୍ତି ଓ ସ୍ଥିରତା ବଜାୟ ରଖିବା ଉପରେ ଫୋକସ କରାଯାଉଛି। ଏସ୍ସିଓ, ଜି-୨୦ ଏବଂ ବ୍ରିକ୍ସ (ବ୍ରାଜିଲ-ରୁଷ୍-ଭାରତ-ଚୀନ୍-ଦକ୍ଷିଣ ଆଫ୍ରିକା) ସଂକ୍ରାନ୍ତରେ ବିଭିନ୍ନ ପ୍ରସଙ୍ଗ ଉପରେ ଆଲୋଚନା ହୋଇଥିବା ଜୟଶଙ୍କର କହିଛନ୍ତି। ୨ ମାସ ମଧ୍ୟରେ ଏହା ଜୟଶଙ୍କର ଏବଂ ତାଙ୍କ ଚୀନ୍ ପ୍ରତିପକ୍ଷଙ୍କ ମଧ୍ୟରେ ଦ୍ବିତୀୟ ସାକ୍ଷାତ। ପୂର୍ବ ସାକ୍ଷାତ ସମୟରେ ଜୟଶଙ୍କର ତାଙ୍କ ଚୀନ୍ ପ୍ରତିପକ୍ଷଙ୍କୁ କହିଥିଲେ ଯେ ପୂର୍ବ ଲଦାଖରେ ଦୀର୍ଘ ଦିନର ସୀମା ବିବାଦ ପାଇଁ ଭାରତ-ଚୀନ୍ ସମ୍ପର୍କ ସ୍ବାଭାବିକ ନାହିଁ। ଉଲ୍ଲେଖଯୋଗ୍ୟ,ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଗତ ସପ୍ତାହରେ ତାଙ୍କ ଚୀନ୍ ପ୍ରତିପକ୍ଷଙ୍କ ସହ କଥା ହୋଇଥିଲେ।
Comments are closed.