ଶାରୀରିକ ସୁସ୍ଥତା ଭଳି ଆମ ମାନସିକ ସ୍ୱାସ୍ଥ୍ୟର ମଧ୍ୟ ଯନି ନେବାର ଆବଶ୍ୟକତା ରହିଛି । ଆଜିକାଲି ବ୍ୟସ୍ତବହୁଳ ଜୀବନରେ ଅନେକଙ୍କୁ ମାନସିକ ରୋଗରେ ପୀଡିତ ହେଉଥିବାର ନଜିର ରହିଛି । ଅନେକଙ୍କ ନିକଟରେ ଡିପ୍ରେସନ୍ ଭଳି ମାନସିକ ରୋଗ ଦେଖିବାକୁ ମିଳୁଛି । ତେବେ ଡିପ୍ରେସନ ବା ମାନସିକ ଅବସାଦ ବେଳେବେଳେ ଲଙ୍ଗ୍ଟର୍ମ ହୋଇଥିବାବେଳେ ବେଳେବେଳେ କିଛି ଦିନ ପାଇଁ ହୋଇଥାଏ । ଏହି ରୋଗର ଉପଶମ ପାଇଁ ପ୍ରାଥମିକ ଚିକିତ୍ସା ହେଲା ଏହାର କାରଣ ଖୋଜିବା । କେଉଁ କାରଣ ପାଇଁ ଲୋକଟି ଡିପ୍ରେସନର ଶିକାର ହୋଇଛି, ତାହା ଜାଣିବାର ଆବଶ୍ୟକତା ରହିଛି । ବେଳେବେଳେ ଲୋକମାନେ ଜାଣି ପାରି ନଥାନ୍ତି କି ସେମାନେ ଡିପ୍ରେସନ୍ର ଶିକାର ହୋଇଛନ୍ତି, ଯାହା ସେମାନଙ୍କୁ ପାଇଁ ଘାତକ ସାଜିଥାଏ । ତେଣୁ ଏହାର ଲକ୍ଷଣ ଉପରେ ମଧ୍ୟ ଧ୍ୟାନ ଦେବାର ଆବଶ୍ୟକତା ରହିଛି । ଡିପ୍ରେସନର ଅର୍ଥ ହେଉଛି ନିଜ ଦୈନନ୍ଦିନ କାର୍ଯ୍ୟରେ ରାଗ, ଦୁଃଖ କିମ୍ବା ଅନ୍ୟମନସ୍କ କାରଣରୁ ବାଧା ଉପୁଜିବା । ଯେତେବେଳେ ଉପରୋକ୍ତ କାରଣରୁ ଆପଣ ନିଜର ଛୋଟଛୋଟ ଦୈନନ୍ଦିନ କାର୍ଯ୍ୟରେ ଧ୍ୟାନ ଦେଇପାରୁ ନାହାନ୍ତି, ତେବେ ଆପଣ ଡିପ୍ରେସନର ଶିକାର ହୋଇ ଥାଇ ପାରନ୍ତି । ହେଲେ ସବୁବେଳେ ଯେ ଆପଣ ଡିପ୍ରେସନର ଥିବେ ଏପରି ନୁହେଁ । ଡିପ୍ରେସନର ପ୍ରମୁଖ ଲକ୍ଷଣ ହେଲା ସବୁବେଳେ ଦୁଃଖରେ ରହିବା, ଅନ୍ୟମନସ୍କ ରହିବା, କୌଣସି କାର୍ଯ୍ୟ କରିବା ପାଇଁ ଇଚ୍ଛା ନହେବା, ଆକଫିଭ ନରହିବା, ଅଧିକ ସମୟ ଏକୁଟିଆ ରହିବାକୁ ଇଚ୍ଛା ପ୍ରକାଶ, ଲୋକଙ୍କ ଗହଣରେ ଥାଇ ମଧ୍ୟ ଏକୁଟିଆ ଲାଗିବା, ହଠାତ୍ ରାଗ ଆସିବା, ଚିଡଚିଡା ଲାଗିବା, କାନ୍ଦ ଲାଗିବା, ଟିଭି କିମ୍ବା ମନୋରଞ୍ଜନ ଧର୍ମୀ କାର୍ଯ୍ୟକ୍ରମ କରିବାକୁ ମନ ନଲାଗିବା, ରାତିରେ ନିଦ ନ ଆସିବା, ଖାଇବାକୁ ଇଚ୍ଛା ନହେବା, ଓଜନରେ ହ୍ରାସ ଆଦି । ଯଦି ଏଭଳି କୌଣସି ଲକ୍ଷଣ ଆପଣଙ୍କ ନିକଟରେ ଦେଖିବାକୁ ମିଳୁଛି ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ । ଡିପ୍ରେସନ ଅଧିକ ଦିନ ରହିଲେ ଘାତକ ସାଜିପାରେ ।
