ସାମଗ୍ରୀ _ ଚିକେନ, କଟା ପିଆଜ, ରସୁଣ, ଅଦା, ଶୁଖିଲା ଲଙ୍କା, ଟମାଟୋ, ଭୃସଙ୍ଗ ପତ୍ର, ଖଣ୍ଡ ନଡିଆ, ଗୋଟା ଧନିଆ, ଗୋଟା ଜିରା, ପାନମଧୁରୀ, ଗୁଜୁରାତି, ଅଳେଇଚ, ଲବଙ୍ଗ,ଗୋଲମରିଚ, ଗୋଟା ଗରମ ମସଲା, ଜିରା ଗୁଣ୍ଡ, ଧନିଆ ଗୁଣ୍ଡ, ଲଙ୍କା ଗୁଣ୍ଡ,ମିଟ ମସଲା, କାଶ୍ମିରୀ ଚିଲି, କସୁରୀ ମେଥି, ତେନ୍ତୁଳି ରସ, ଚିନି, ଗରମ ମସଲା ଗୁଣ୍ଡ, ଧନିଆ ପତ୍ର ।

ପ୍ରଣାଳୀ _ ଚିକେନକୁ ଧୋଇ ଲୁଣ ଓ ହଳଦି ପକାଇ ଗୋଳାଇ ରଖନ୍ତୁ । ପିଆଜକୁ କାଟି ରଖନ୍ତୁ । ଏହାପରେ ଟମାଟୋ, ରସୁଣ, ଅଦା, ଶୁଖିଲା ଲଙ୍କାକୁ ବାଟି ନିଅନ୍ତୁ । ଏହାପରେ ଭୃସଙ୍ଗ ପତ୍ର, ଖଣ୍ଡ ନଡିଆ, ଗୋଟା ଧନିଆ, ଗୋଟା ଜିରା, ପାନମଧୁରୀ, ଗୁଜୁରାତି, ଅଳେଇଚ, ଲବଙ୍ଗ,ଗୋଲମରିଚକୁ ଅଳ୍ପ ଭାଜି ନିଅନ୍ତୁ । ଏହି ଭଜା ମସଲାକୁ ଗୁଣ୍ଡ କରି ରଖନ୍ତୁ । ଏହାପରେ ପ୍ୟାନରେ ତେଲ ଦେଇ ଏଥିରେ ଗୋଟା ଗରମ ମସଲା ଓ ଭୃସଙ୍ଗ ପତ୍ର ପକାନ୍ତୁ । ଏହାପରେ ପିଆଜକୁ ଭାଜି ସେଥିରେ ବଟା ଅଦା ରସୁଣ ମସଲା ଦେଇ କସନ୍ତୁ । ଏହାପରେ ଏଥିରେ ଚିକେନକୁ ପକାନ୍ତୁ । ଏହାପରେ ଏଥିରେ ଗ୍ରାଇଣ୍ଡିଂ କରାଯାଇଥିବା ଗୁଣ୍ଡ ମସଲା ଓ ଜିରା ଗୁଣ୍ଡ, ଧନିଆ ଗୁଣ୍ଡ, ଲଙ୍କା ଗୁଣ୍ଡ,ମିଟ ମସଲା, କାଶ୍ମିରୀ ଚିଲି ଦେଇ କସନ୍ତୁ । ମସଲା ଭଲଭାବେ କସି ହେବା ସହ ଚିକେନ ଅଧା ସିଝି ଆସିଲେ ଏଥିରେ ପାଣି ଦେଇ ଦିଅନ୍ତୁ । ପାଣି ଅଳ୍ପ ଫୁଟିବା ପରେ ଏଥିରେ ଚିନି ଓ ତେନ୍ତୁଳି ରସ ଅଳ୍ପ ଦିଅନ୍ତୁ । ଶେଷରେ ଏଥିରେ ଧନିଆ ପତ୍ର, କସୁରୀ ମେଥି ଓ ଗରମ ମସଲା ପକାଇ ପ୍ରସ୍ତୁତ କରନ୍ତୁ ନଡିଆ ଚିକେନ । ଏହାକୁ ଭାତ ସହ ପରଷନ୍ତୁ ।

ଇଂଲଣ୍ଡର ଚେଷ୍ଟର ଚିଡ଼ିଆଖାନାରେ ଥିବା ୨୩ ବର୍ଷୀୟା 'ଜୋଡି ଫୋଷ୍ଟର' ନାମକ ଏକ ୧୫ ଫୁଟ ଲମ୍ବ ଓ ୫୦ କିଲୋ ଓଜନର ଅଜଗର ସାପ କ୍ୟାନ୍ସରରୁ ରକ୍ଷା ପାଇବାରେ ସଫଳ ହୋଇଛି । ପ୍ରଥମେ ତା' ଶରୀରରେ 'ଫାଇବ୍ରୋସାର୍କୋମା' ନାମକ କ୍ୟାନ୍ସର ବୋଲି ଜଣାପଡ଼ିବା ପରେ ସର୍ଜରୀ କରାଯାଇଥିଲା । ମାତ୍ର କିଛି ଦିନ ପରେ କ୍ୟାନ୍ସର ପୁଣି ଫେରିବାରୁ ଏବଂ ହାଡ଼ ପର୍ଯ୍ୟନ୍ତ ବ୍ୟାପିଯିବାରୁ ଡାକ୍ତରମାନେ ସର୍ଜରୀ ସହ 'ଇଲେକ୍ଟ୍ରୋକିମୋଥେରାପି' କରିଥିଲେ । ସାପ ଶରୀରରେ ପ୍ରଥମ ଥର ପାଇଁ କରାଯାଇଥିବା ଏହି ବିରଳ ଚିକିତ୍ସା ପ୍ରକ୍ରିୟାରେ 'ବ୍ଲୋମାଇସିନ୍' ଔଷଧ ଦେବା ସହ କ୍ୟାନ୍ସର ପ୍ରଭାବିତ ସ୍ଥାନରେ ଇଲେକ୍ଟ୍ରିକ୍ ପଲ୍ସ ଦିଆଯାଇଥିଲା । ଯାହାଫଳରେ ପ୍ରାୟ ୯୦ ମିନିଟର ଏହି ସଫଳ ଚିକିତ୍ସା ପରେ ଅଜଗରଟିର ଜୀବନ ବଞ୍ଚିପାରିଛି ଏବଂ ସେ ଏବେ ସାଧାରଣ ଭାବେ ଖାଦ୍ୟ ଗ୍ରହଣ କରୁଛି ।

ମହାରାଷ୍ଟ୍ରର ନାଗପୁରସ୍ଥିତ ଅନନ୍ତା ସୁପର ସ୍ପେଶିଆଲିଟି ହସପିଟାଲରେ ରୋଗୀଙ୍କ ପାଇଁ ଏକ ଅନନ୍ୟ 'ଅକ୍ସିବାର୍' ସେବା ଆରମ୍ଭ କରାଯାଇଛି । ଯେଉଁଠାରେ ଲୋକମାନେ ସୁଗନ୍ଧିତ ଓ ବିଭିନ୍ନ ଫ୍ଲେଭରଯୁକ୍ତ ଅକ୍ସିଜେନ ନେବାର ସୁବିଧା ପାଉଛନ୍ତି । ଏହି ସେସନ୍ ସମୟରେ ଚାରୋଟି ଭିନ୍ନ ଭିନ୍ନ ଫ୍ଲେଭରର ଅକ୍ସିଜେନ ସହ ଡିପ୍ ବ୍ରିଦିଂ, ଅରୋମାଥେରାପି, ନୂଆ ପ୍ରଙ୍ଗ୍ ଏବଂ ଗ୍ରୀନ୍ ଟି ମଧ୍ୟ ପ୍ରଦାନ କରାଯାଉଛି। ଯାହା ମାନସିକ ଅବସାଦ ଓ କ୍ଲାନ୍ତି ଦୂର କରି ଶରୀରକୁ ସତେଜ କରିବାରେ ସାହାଯ୍ୟ କରେବୋଲି ଦାବି କରାଯାଉଛି । ଏହି ସେବାର ଭିଡିଓ ଇନଷ୍ଟାଗ୍ରାମରେ ଭାଇରାଲ ହେବା ପରେ ଏହା ଖୁବ ଭାଇରାଲ ହେବାରେ ଲାଗିଛି ।

ଚୀନ୍‌ରେ ଆଜିକାଲି ଧନୀ ପରିବାରର ପିଲାମାନଙ୍କୁ ଶ୍ରମ ଓ ଚାଷକାର୍ଯ୍ୟ ଶିଖାଇବା ପାଇଁ ଏକ ସ୍ୱତନ୍ତ୍ର 'ହାର୍ଡସିପ୍ ସମର କ୍ୟାମ୍ପ'ର ଆୟୋଜନ କରାଯାଉଛି । ଏହି କ୍ୟାମ୍ପ ପାଇଁ ଅଭିଭାବକମାନେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଛନ୍ତି, ଯେଉଁଠାରେ ପିଲାମାନେ ଚାଷକାର୍ଯ୍ୟ, ଘୁଷୁରି ପାଳନ ଏବଂ ଗଛର ଛାଲ ଛଡ଼ାଇବା ଭଳି କଠିନ କାମ ଶିଖୁଛନ୍ତି । ଏହି କ୍ୟାମ୍ପର ୧୦ ଦିନିଆ ଫି’ ୪,୦୦୦ ୟୁଆନ୍ (ପ୍ରାୟ ୪୮ ହଜାର) ରହିଛି । କ୍ୟାମ୍ପରେ ପହଞ୍ଚିବା ପରେ ପିଲାମାନଙ୍କର ମୋବାଇଲ୍ ଫୋନ୍ ଜମା ରଖାଯାଏ ଏବଂ ସେମାନଙ୍କ କାର୍ଯ୍ୟ ଅନୁସାରେ ହିଁ ସେମାନଙ୍କୁ ଜିନିଷପତ୍ର ଯୋଗାଇ ଦିଆଯାଏ । କାମ ନକଲେ ପିଲାମାନଙ୍କୁ ଖାଇବାକୁ କେବଳ ସିଝା ଆଳୁ ମିଳିଥାଏ । କ୍ୟାମ୍ପ ଆୟୋଜକଙ୍କ କହିବା ଅନୁଯାୟୀ, ଏହାର ମୁଖ୍ୟ ଉଦ୍ଦେଶ୍ୟ ହେଉଛି ପିଲାମାନଙ୍କୁ ପରିଶ୍ରମୀ କରି ଗଢ଼ିତୋଳିବା ଏବଂ କଠିନ ଶ୍ରମ ଓ ଚାଷ ମାଧ୍ୟମରେ ରୋଜଗାର କରିବାର ପ୍ରକୃତ ମୂଲ୍ୟ ବୁଝାଇବା । ଅନେକ ସମୟରେ ଭିଡିଓରେ ପିଲାମାନେ କାନ୍ଦି କାନ୍ଦି ଘରକୁ ଫେରିବାକୁ ନିବେଦନ କରୁଥିବାର ମଧ୍ୟ ଦେଖିବାକୁ ମିଳୁଛି। କିଛି ଅଭିଭାବକଙ୍କ ମତରେ, ପିଲାମାନଙ୍କୁ ସହରର ଆରାମଦାୟକ ଓ ବିଳାସପୂର୍ଣ୍ଣ ଜୀବନଶୈଳୀରୁ ବାହାର କରିବା ଅତ୍ୟନ୍ତ ଜରୁରୀ ।

ବ୍ରାଜିଲର ଇଟାମାରାକା ଦ୍ବୀପରେ ୫୫ ବର୍ଷୀୟା ପରିବେଶବିତ୍ ଏଡନା ଦାନ୍ତାସ ଓ ତାଙ୍କ ଝିଅ ମାରିଆ ମିଶି କାଚ ବୋତଲ ଏବଂ ବର୍ଜ୍ୟବସ୍ତୁ ବ୍ୟବହାର କରି ଏକ ଅନନ୍ୟ ୭ କୋଠରୀ ବିଶିଷ୍ଟ ଘର ତଆରି କରିଛନ୍ତି । ପ୍ରଥମେ ଉଭୟ ପ୍ରାୟ ଦୁଇ ବର୍ଷ ଧରି ୧୩ ହଜାରରୁ ଅଧିକ ଫିଙ୍ଗାଯାଇଥିବା ବୋତଲ ସଂଗ୍ରହ କରିଥିଲେ । ଯାହାପରେ ସେଥିରୁ ୮ ହଜାର କାଚ ବୋତଲରେ ସେମାନେ ଘରର ଭିତ୍ତି ଓ କାନ୍ଥ, କାଠର ପୁରୁଣା ପ୍ୟାଲେଟରୁ ଘରର ଅନ୍ୟାନ୍ୟ ପ୍ରସ୍ତୁତ କରିଛନ୍ତି । ପ୍ରଥମେ ମାରିଆଙ୍କ ସିଲେଇ କର୍ମଶାଳା ପାଇଁ ୨୧୫ ବର୍ଗଫୁଟର ଗୋଟିଏ କୋଠରୀ ତିଆରି କରାଯାଇଥିବା ବେଳେ ପରବର୍ତ୍ତୀ ସମୟରେ ଏହାକୁ ଏକ ପୂର୍ଣ୍ଣାଙ୍ଗ ଘରର ରୂପ ଦିଆଯାଇଛି । ଯାହା ସମୁଦ୍ରକୂଳରେ ପଡ଼ିରହୁଥିବା ବୋତଲଗୁଡ଼ିକର ପୁନଃବ୍ୟବହାର କରି ପରିବେଶ ସୁରକ୍ଷା ପାଇଁ ଏକ ନୂଆ ବାର୍ତ୍ତା ଦେଇଛି । ଘରଟି ସୋସିଆଲ ମିଡିଆରେ ଖୁବ ଭାଇରାଲ ହେଉଥିବାର ଦେଖିବାକୁ ମିଳିଛି ।

ସିନେ-ତାରକା ଶର୍ମିଳା ଟାଗୋର ଜାତୀୟ ସଙ୍ଗୀତ 'ବନ୍ଦେ ମାତରମ୍'କୁ ନେଇ ଦେଇଥିବା ଏକ ବିବାଦୀୟ ବୟାନ ପରେ ଏବେ ବଲିଉଡ ଅଭିନେତ୍ରୀ ତଥା ସାଂସଦ କଙ୍ଗନା ରଣାୱତ କଡ଼ା ପ୍ରତିକ୍ରିୟା ପ୍ରକାଶ କରିଛନ୍ତି । ସୂଚନା ଅନୁସାରେ ଶର୍ମିଳା ଟାଗୋର ଏକ ସାକ୍ଷାତକାରରେ କହିଛନ୍ତି ଯେ, 'ବନ୍ଦେ ମାତରମ୍' ସଙ୍ଗୀତରେ କାଳୀ ଓ ଦୁର୍ଗାଙ୍କ ଭଳି ଅନେକ ଦେବଦେବୀଙ୍କ ଉଲ୍ଲେଖ ଥିବାରୁ ଏହା ଏକ-ଈଶ୍ବରବାଦୀ ଆସ୍ଥା ରଖୁଥିବା ଲୋକଙ୍କ ପାଇଁ ସହଜ ନୁହେଁ । ତେଣୁ ସମସ୍ତଙ୍କୁ ଆପଣେଇବା ପାଇଁ ଏହାର ପ୍ରଥମ ଦୁଇଟି ଅନ୍ତରା ହିଁ ଗ୍ରହଣଯୋଗ୍ୟ । ଏହି ବକ୍ତବ୍ୟର କଡ଼ା ଜବାବ ଦେଇ କଙ୍ଗନା ସୋସିଆଲ ମିଡିଆରେ ଲେଖିଛନ୍ତି ଯେ, କଳାକାର ଓ କବିମାନେ ଭାବନା ପ୍ରକାଶ କରିବା ପାଇଁ ବିଭିନ୍ନ ରୂପକ ବ୍ୟବହାର କରିଥାନ୍ତି । ଯେପରି ସ୍ବାମୀ ବିବେକାନନ୍ଦ ଯୁବସମାଜକୁ ଲୁହାରେ  ନିର୍ମିତ ବୋଲି ପ୍ରକାଶ କରିଥିଲେ । ସେ ଶର୍ମିଳାଙ୍କୁ ଏହି ସଂକୀର୍ଣ୍ଣ "ହିନ୍ଦୁ-ମୁସଲିମ୍" ଚିନ୍ତାଧାରାରୁ ବାହାରିବାକୁ ଅନୁରୋଧ କରିବା ସହ ଜଣେ କଳାକାର ହୋଇ ସେ କିପରି ସାହିତ୍ୟକୁ ଏତେ ସୀମିତ ଦୃଷ୍ଟିକୋଣରୁ ଦେଖୁଛନ୍ତି ବୋଲି ଆଶ୍ଚର୍ଯ୍ୟ ପ୍ରକାଶ କରିଛନ୍ତି ।

ମେଷ:  ଅର୍ଥ ସମସ୍ୟା, ମାନସିକ କଷ୍ଟ, ଲୋକସମ୍ପର୍କ ବୃଦ୍ଧ, ଦୂର ଯାତ୍ରା, ଅନୁଷ୍ଠାନରୁ ଲାଭ, ଯାତ୍ରାରେ ସମସ୍ୟା, ଦେବକାର୍ଯ୍ୟରେ ଆଗ୍ରହ, ଶାରୀରିକ ସୁସ୍ଥତା। ଅଶ୍ବିନ ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ-ନାଲି, ସଂଖ୍ୟା-୮, ଆରାଧନା- ମା’ ଭଗବତୀ

ବୃଷ: କାର୍ଯ୍ୟରେ ସଫଳ, ଶାରୀରିକ ସୁସ୍ଥ, ଅର୍ଥ ଲାଭ, ଶୁଭ ସମାଚାର, ଅଯଥା ଖର୍ଚ୍ଚାନ୍ତ, ଭ୍ରମଣ ଯୋଗ, ନୂତନ ଆୟ, ଦ୍ରବ୍ୟ ଲାଭ, ପାରିବାରିକ ସୁଖ, ସମ୍ପତ୍ତି ଲାଭ। କୃତ୍ତିକା ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ-ସବୁଜ, ସଂଖ୍ୟା-୧୨, ଆରାଧନା- ମହାଲକ୍ଷ୍ମୀ

ମିଥୁନ: ମାନସିକ ଶାନ୍ତି, ବନ୍ଧୁ ସମସ୍ୟା, ଅଯଥା ଚିନ୍ତା, କାର୍ଯ୍ୟରେ ଅସନ୍ତୋଷ, ଆଶାରେ ବାଧା, ଶୁଭ ଖବର, ଗୃହେ ଉତ୍ସବ, ଶାରୀରିକ ସୁସ୍ଥ, ସନ୍ତାନ ସୁଖ, ବିଦ୍ୟାରେ ସଫଳ। ମୃଗଶିରା ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ- ଧଳା, ସଂଖ୍ୟା-୭, ଆରାଧନା- ଶଙ୍କର ଭଗବାନ।

କର୍କଟ: ଭ୍ରମଣ ଯୋଗ, ସମ୍ମାନ ବୃଦ୍ଧ଄, ଆର୍ଥ଄କ ଖୁସି, ସମ୍ପତ୍ତି ଲାଭ, ଉଚ୍ଚଆଶାରେ ବିଳମ୍ବ, ଦାମ୍ପତ୍ୟ ସୁଖ, ଯାତ୍ରାରେ ସଫଳତା, ଶତ୍ରୁ ପରାଜିତ। ପୁଷ୍ୟା ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ- ଲାଲ୍, ସଂଖ୍ୟା-୯, ଆରାଧନା- ପ୍ରଭୁ ହନୁମାନ

ସିଂହ: ସମ୍ମାନ ପ୍ରାପ୍ତି, ସମ୍ପର୍କରେ ଲାଭ, ଦୂର ଯାତ୍ରା, ଉତ୍ସବ ପ୍ରତି ଆଗ୍ରହ, ଅତିଥÒ ଚର୍ଚ୍ଚା, ଦ୍ରବ୍ୟ ଲାଭ, କର୍ମକ୍ଷେତ୍ରରେ ସମସ୍ୟା, ଶାରୀରିକ ସୁସ୍ଥ। ମଘା ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ- କମଳା, ସଂଖ୍ୟା-୮, ଆରାଧନା-ପ୍ରଭୁ ରାଧାବଲ୍ଲଭ

କନ୍ୟା: ଅଯଥା ଖର୍ଚ୍ଚ, ଶାରୀରିକ ସୁସ୍ଥ, ଉତ୍ସବ ପ୍ରତି ଆଗ୍ରହ, ଶୁଭ ଖବର, ପାରିବାରିକ କଳହ, ସମ୍ପତ୍ତି ବିବାଦ, ବ୍ୟବସାୟରେ ଶତ୍ରୁତା, ଅର୍ଥ ସମସ୍ୟା।  ଉତ୍ତରାଫାଲଗୁନି ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ- ସବୁଜ, ସଂଖ୍ୟା-୭, ଆରାଧନା- ପ୍ରଭୁ ଜଗନ୍ନାଥ।

ତୁଳା: ଚୋରି ଭୟ, ମାନସିକ ଅବସାଦ, ଦୂର ଯାତ୍ରା, ପାରିବାରିକ ଖୁସି, ଅର୍ଥ ଖର୍ଚ୍ଚ, ଦେବକାର୍ଯ୍ୟ ରହିବ, ଯାତ୍ରାରେ ସତର୍କ, ସନ୍ତାନ ସମସ୍ୟା, ବନ୍ଧୁ ଦର୍ଶନ। ଚିତ୍ରା ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ-ଧଳା, ସଂଖ୍ୟା-୪, ଆରାଧନା- ମା’ ବଗଳାମୁଖୀ

ବିଛା: ଦ୍ରବ୍ୟ ଲାଭ, ଶୁଭ ଖବର, ବ୍ୟବସାୟରେ ଲାଭ, ଭୂସମ୍ପତ୍ତି ଲାଭ, ବିବାଦୀୟ କାର୍ଯ୍ୟରେ ବିଜୟ, ମାନସିକ ଶାନ୍ତି, ନୂତନ କାର୍ଯ୍ୟ ଆରମ୍ଭ, ଦାମ୍ପତ୍ୟ ସୁଖ। ଅନୁରାଧା ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ- ଗୋଲ୍ଡେନ, ସଂଖ୍ୟା-୯, ଆରାଧନା- ଭଗବାନ ବିଷ୍ଣୁ

ଧନୁ: ବନ୍ଧୁ ସହଯୋଗ, ଦୂର ଯାତ୍ରା, ପାରିବାରିକ ଖୁସି, ବ୍ୟବସାୟରେ ସ୍ବଳ୍ପ ଲାଭ, ଅଯଥା ଚିନ୍ତା, ଅର୍ଥ ସମସ୍ୟା, ସମ୍ପର୍କ ବୃଦ୍ଧ, ସମ୍ମାନ ପ୍ରାପ୍ତି, ବିଦ୍ୟାରେ ଅସଫଳ। ମୂଳା ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ-ଧଳା, ସଂଖ୍ୟା-୭, ଆରାଧନା- ପିତାମାତାଙ୍କ ସେବା

ମକର: ପିଲାଙ୍କ କଷ୍ଟ, ଅର୍ଥ ସମସ୍ୟା, ଶାରୀରିକ କଷ୍ଟ, ମାନସିକ ଶାନ୍ତି, ବନ୍ଧୁ ସହଯୋଗ, ସମ୍ପତ୍ତି ବିବାଦ, ଦ୍ରବ୍ୟ ଲାଭ, ବ୍ୟକ୍ତି ସହାୟତା। ଉତ୍ତରାଷାଢ଼ା ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ- ସବୁଜ, ସଂଖ୍ୟା-୩, ଆରାଧନା- ଲକ୍ଷ୍ମୀନୃସିଂହ

କୁମ୍ଭ: କଳହ ଯୋଗ, ଦୂର ଯାତ୍ରା, ଅର୍ଥ ଖର୍ଚ୍ଚ, ଅଯଥା ଅଶାନ୍ତି, ବନ୍ଧୁ ଳାଭ, େଦବକାର୍ଯ୍ୟରେ ଶାନ୍ତି, ଶୁଭ ସମ୍ବାଦ, ଉଚ୍ଚ ଆଶାରେ ବାଧା, ମାନସିକ ଆଘାତ।  

ଧନିଷ୍ଠା ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ- ବାଇଗଣୀ, ସଂଖ୍ୟା-୮, ଆରାଧନା- ମା’ ଭୁବନେଶ୍ବରୀ।

ମୀନ: ଶାନ୍ତିପ୍ରଦ, ଆଶା ସଫଳ, ବନ୍ଧୁ ଲାଭ, ଦ୍ରବ୍ୟ ପ୍ରାପ୍ତି, ଗୃହେ ଉତ୍ସବ, ଦୂର ଯାତ୍ରା, ସନ୍ତାନ ଖୁସି, ପାରିବାରିକ ସମସ୍ୟା, ଦାମ୍ପତ୍ୟ ଖୁସି, ବିଦ୍ୟାରେ ସଫଳ।

ଉତ୍ତରଭାଦ୍ର ନକ୍ଷତ୍ର- ସତର୍କ ରୁହନ୍ତୁ, ଶୁଭରଙ୍ଗ- ନାଲି, ସଂଖ୍ୟା-୭, ଆରାଧନା- ମା’ ଭଗବତୀ

ବାରିପଦା : ଖାକିରେ ଲାଗିଲା ଦାଗ। ବିବାହର ପ୍ରତିଶ୍ରୁତି ଦେଇ ପ୍ରତାରଣା । ମୟୂରଭଞ୍ଜ ଜିଲ୍ଲା ବାରିପଦା ଟାଉନ୍ ଥାନାରେ କାର୍ଯ୍ୟରତ ସବ୍-ଇନ୍ସପେକ୍ଟରଙ୍କ ନାଁରେ ଆସିଛି ସଙ୍ଗିନ ଅଭିଯୋଗ । ବାରିପଦା ଟାଉନଥାନା କାର୍ଯ୍ୟରତ ସବ-ଇନସପେକ୍ଟର ପ୍ରଭାତ ନାୟକ ଜଣେ ଯୁବତୀଙ୍କୁ ବିବାହ ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖିବା ପରେ ଧୋକା ଦେଇଥିବା ଅଭିଯୋଗ ହୋଇଛି।  ଘଟଣାରେ ସବ-ଇନସପେକ୍ଟର ପ୍ରଭାତ ନାୟକଙ୍କୁ ଅଟକ ରଖାଯାଇଛି । 

ଘଟଣା ଅନୁସାରେ, ପୁରୀ ଅଞ୍ଚଳର ଜଣେ ଯୁବତୀଙ୍କ ସହ ଏସଆଇ ପ୍ରଭାତ କୁମାର ନାୟକ   ସୋସିଆଲ ମିଡିଆ ସଂସ୍ପର୍ଶରେ ଆସି ବନ୍ଧୁତା କରିଥିଲେ । ଏହାପରେ ଦୁହିଁଙ୍କ ମଧ୍ୟରେ ଦେଖା ସାକ୍ଷାତ ହୋଇଥିଲା । ପରେ ଏସଆଇ ଜଣକ ତାଙ୍କୁ ବିବାହ କରିବାର ପ୍ରତିଶ୍ରୁତି ଦେଇ ଦୀର୍ଘ ଦିନ ଧରି ତାଙ୍କ ସହ ଶାରୀରିକ ସମ୍ପର୍କ ରଖିଥିଲେ । ଯେତେବେଳେ ଯୁବତୀ ଜଣକ ବିବାହ କରିବାକୁ ଜିଦ୍ କଲେ ଅଭିଯୁକ୍ତ ଏସଆଇ ତାଙ୍କୁ ମାନସିକ ଏବଂ ଶାରୀରିକ ନିର୍ଯାତନା ଦେଇଥିଲେ ବୋଲି ଯୁବତୀ ଜଣକ ଏତଲାରେ ଦର୍ଶାଇଛନ୍ତି । ଏପରିକି ପ୍ରଭାତ ନାୟକ ନିଜ ସର୍ଭିସ୍ ପିସ୍ତଲ ଦେଖାଇ ଜୀବନରୁ ମାରିଦେବାର ଧମକ ଦେଇଥିଲେ ବୋଲି ପୀଡ଼ିତା ଅଭିଯୋଗ କରିଛନ୍ତି । ଏତଲାରେ ଅଭିଯୁକ୍ତ ପୋଲିସ ଅଧିକାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ଯୁବତୀ । ଏହି ଘଟଣାରେ  ଏସଆଇଙ୍କ ବିରୋଧରେ ବାରିପଦା ଟାଉନ୍ ଥାନାରେ କେସ୍ ନମ୍ବର ୫୪୨ (ଅଗଷ୍ଟ ୨୨, ୨୦୨୬) ରୁଜୁ କରାଯାଇ ତଦନ୍ତ ଆରମ୍ଭ କରାଯାଇଛି ।

ଭୁବନେଶ୍ବର : ଲଗାତାର ଲଘୁଚାପ ବର୍ଷାରେ ହନ୍ତସନ୍ତ ପରେ ଲାଗିଥିଲା ସାମୟିକ ବ୍ରେକ । ପୁଣି ଆଗକୁ ସପ୍ତାହେ ଧରି ଭିଜିବ ଓଡିଶା । ବଙ୍ଗୋପସାଗରରେ ପଛକୁ ପଛ ପୁଣି ଆସୁଛି ଆଉ ୨ଟି ଲଘୁଚାପ । ଗୋଟିଏ ରହିଛି ପଶ୍ଚିମ କେନ୍ଦ୍ରୀୟ ଓ ପାଶ୍ୱର୍ବର୍ତ୍ତୀ ଉତ୍ତର ପଶ୍ଚିମ ବଙ୍ଗୋପସାଗରର ଉତ୍ତର ଆନ୍ଧ୍ର ଏବଂ ଦକ୍ଷିଣ ଓଡ଼ିଶା ଉପକୂଳ ଉପରେ । ସେହିପରି ଉତ୍ତର ବଙ୍ଗୋପସାଗର ଓ ସଂଲଗ୍ନ ବାଂଲାଦେଶ ଉପରେ ବି ରହିଛି ଏକ ଘୂର୍ଣ୍ଣିବଳୟ । ଏହାର ପ୍ରଭାବରେ ଆଗାମୀ ୨୪ ଘଣ୍ଟା ମଧ୍ୟରେ ସମାନ ଅଞ୍ଚଳରେ ଲଘୁଚାପ ସୃଷ୍ଟି ହେବ। ଓଡ଼ିଶାରେ ପୁଣି ସକ୍ରିୟ ହେବ ବର୍ଷା । ୨୪ରୁ ୨୭ ତାରିଖ ମଧ୍ୟରେ ପ୍ରବଳରୁ ଅତି ପ୍ରବଳ ବର୍ଷା ଆଶଙ୍କା ପାଇଁ ୱାର୍ଣ୍ଣିଂ ଜାରିକରିଛି ପାଣିପାଗ ବିଭାଗ  ।

ମିଆଁମାର ଉପରେ ଥିବା ଘୂର୍ଣ୍ଣିବଳୟ ଓ ବାଂଲାଦେଶ ନିକଟରେ ଥିବା ଘୂର୍ଣ୍ଣିବଳୟ ମିଶି ଗୋଟିଏ ଲଘୁଚାପ କ୍ଷେତ୍ର ସୃଷ୍ଟି କରିପାରେ ଆସନ୍ତା ୪୮ ଘଣ୍ଟା ମଧ୍ୟରେ । ସମ୍ଭବତଃ ୨୩ ତାରିଖବେଳକୁ ଏହା ଲଘୁଚାପ ରୂପ ନେଇପାରେ । ଏହା ପ୍ରଭାବରେ ଓଡ଼ିଶାରେ ୨୨ ତାରିଖ ରାତିରୁ ବର୍ଷା ଆରମ୍ଭ ହେବା ସମ୍ଭାବନା ରହିଛି  । ତେଣୁ ଆଜି ପ୍ରବଳରୁ ଅତି ପ୍ରବଳ ବର୍ଷା ପାଇଁ ୫ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ହୋଇଛି । ମୟୂରଭଞ୍ଜ, କେନ୍ଦୁଝର, କୋରାପୁଟ, ରାୟଗଡ଼ା ଓ ଗଜପତିକୁ ଆଲର୍ଟ କରାଯାଇଛି । ବାକି ସବୁ ଜିଲ୍ଲାକୁ ଜାରି ହୋଇଛି ୟେଲୋ ଆଲର୍ଟ । ଆସନ୍ତାକାଲି ପ୍ରବଳ ବର୍ଷା ପାଇଁ ୫ ଜିଲ୍ଲାକୁ ଦିଆଯାଇଛି ଅରେଞ୍ଜ ୱାର୍ଣ୍ଣିଂ । IMDର ଆକଳନ ଅନୁସାରେ ୨୪ରୁ ୨୭ ତାରିଖ ମଧ୍ୟରେ ବିଭିନ୍ନ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷାର ସମ୍ଭାବନା ରହିଛି।

ସେହିପରି ଆଭ୍ୟନ୍ତରୀଣ ଓଡ଼ିଶାର କିଛି ସ୍ଥାନରେ ମଧ୍ୟ ବର୍ଷାର ପ୍ରଭାବ ଅଧିକ ରହିବା ଆଶଙ୍କା । ଉତ୍ତର ଓଡ଼ିଶା ଏବେ ବନ୍ୟା ପ୍ରଭାବିତ ହୋଇଛି । ସୁବର୍ଣ୍ଣରେଖା ବନ୍ୟା ଯୋଗୁ ପ୍ରଭାବିତ ଅଞ୍ଚଳରେ ଚାଲିଛି ରିଲିଫ୍ ଓ ଉଦ୍ଧାର କାର୍ଯ୍ୟ । ତେଣୁ ପୁଣି ପ୍ରବଳ ବର୍ଷା ହେଲେ ତଳିଆ ଅଞ୍ଚଳ ଓ ଜଳ ନିଷ୍କାସନ ସମସ୍ୟା ଥିବା ସ୍ଥାନଗୁଡ଼ିକ ଉପରେ ଅଧିକ ନଜର ରହିବ।

ନୂଆଦିଲ୍ଲୀ: ଆସନ୍ତା ସେପ୍ଟେମ୍ବର ୧୭ ତାରିଖରେ ମହାନଦୀ ଜଳ ବିବାଦର ପରବର୍ତ୍ତୀ ଶୁଣାଣି ଅନୁଷ୍ଠିତ ହେବ। ଦୀର୍ଘ ଦିନର ଏହି ବିବାଦ ଆସନ୍ତା ଦୀପାବଳି ପୂର୍ବରୁ ସମାଧାନ ହୋଇଯିବ ବୋଲି ଆଶା କରାଯାଉଛି । ଓଡ଼ିଶା ଓ ଛତିଶଗଡ଼-ଉଭୟ ରାଜ୍ୟର ମୁଖ୍ୟମନ୍ତ୍ରୀଙ୍କ ସକରାତ୍ମକ ଆଭିମୁଖ୍ୟ ଯୋଗୁଁ ଆଜି ଏହି ମାମଲା ଏକ ନିର୍ଣ୍ଣାୟକ ମୋଡ଼ରେ ପହଞ୍ଚିପାରିଛି ବୋଲି ଆଡଭୋକେଟ୍ ଜେନେରାଲ୍‌ ପୀତାମ୍ବର ଆଚାର୍ଯ୍ୟ ସୂଚନା ଦେଇଛନ୍ତି । ଏ ସଂକ୍ରାନ୍ତରେ ଶୁକ୍ରବାର ଦିନ ନୂଆଦିଲ୍ଲୀରେ ଏକ ଗୁରୁତ୍ୱପୂର୍ଣ୍ଣ ଶୁଣାଣି ହୋଇଥିଲା, ଯେଉଁଥିରେ ଟ୍ରିବ୍ୟୁନାଲ୍ ଉଭୟ ରାଜ୍ୟର ମୁଖ୍ୟମନ୍ତ୍ରୀଙ୍କ ସକ୍ରିୟ ପ୍ରୟାସ ପାଇଁ ଦୃଢ଼ ପ୍ରଶଂସା କରିଥିଲେ।

ଟ୍ରିବ୍ୟୁନାଲଙ୍କ ପୂର୍ବ ନିର୍ଦ୍ଦେଶକ୍ରମେ ସେଣ୍ଟ୍ରାଲ ୱାଟର କମିଶନ (CWC) ପକ୍ଷରୁ ଗଠିତ ଉଚ୍ଚସ୍ତରୀୟ ବୈଷୟିକ କମିଟିର ବୈଠକ ନୂଆଦିଲ୍ଲୀଠାରେ ଅନୁଷ୍ଠିତ ହୋଇସାରିଛି । ଏହି କମିଟିରେ ଦୁଇ ରାଜ୍ୟର ବରିଷ୍ଠ ଇଞ୍ଜିନିୟର ଏବଂ CWCର ସଦସ୍ୟମାନେ ସାମିଲ ଅଛନ୍ତି । ସେମାନେ ଜଳ ବଣ୍ଟନର ବିଭିନ୍ନ ବୈଷୟିକ ଦିଗକୁ ଅନୁଧ୍ୟାନ କରି ସମାଧାନର ସୂତ୍ର ବାହାର କରିବେ। ଦୁଇ ପଡ଼ୋଶୀ ରାଜ୍ୟ ମଧ୍ୟରେ ସୌହାର୍ଦ୍ଦ୍ୟପୂର୍ଣ୍ଣ ପରିବେଶରେ ଏହି ବହୁଚର୍ଚ୍ଚିତ ଜଳ ବିବାଦର ସ୍ଥାୟୀ ସମାଧାନ କରାଯିବ ବୋଲି ଶ୍ରୀ ଆଚାର୍ଯ୍ୟ ଆଶାପ୍ରକାଶ କରିଛନ୍ତି। 

ଜୁଲାଇ ୩୦ ତାରିଖରେ, କେନ୍ଦ୍ର ଜଳ ଶକ୍ତି ମନ୍ତ୍ରୀ ସି.ଆର୍. ପାଟିଲଙ୍କ ଅଧ୍ୟକ୍ଷତାରେ ଏକ ଉଚ୍ଚସ୍ତରୀୟ ବୈଠକ ନୂଆଦିଲ୍ଲୀରେ ଅନୁଷ୍ଠିତ ହୋଇଥିଲା, ଯେଉଁଥିରେ ଓଡିଶା ଏବଂ ଛତିଶଗଡ଼ ମୁଖ୍ୟମନ୍ତ୍ରୀ ଯୋଗ ଦେଇଥିଲେ। ସେହି ବୈଠକ ପରେ, ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଶା ପ୍ରକାଶ କରିଥିଲେ ଯେ ତିନି ମାସ ମଧ୍ୟରେ କିମ୍ବା ଦୀପାବଳି ପୂର୍ବରୁ ଏକ ସମାଧାନ ହୋଇପାରିବ।

ଭୁବନେଶ୍ବର :  ୨୦୨୬-୨୭ ଖରିଫ ଧାନ ସଂଗ୍ରହପାଇଁ ବର୍ତ୍ତମାନ ସୁଦ୍ଧା ରାଜ୍ୟର ୭ଲକ୍ଷ ୧୮ହଜାରରୁ ଅଧିକ ଚାଷୀ ନାମ ପଞ୍ଜୀକରଣ । ଗତକାଲି ଗୋଟିଏ ଦିନରେ ଗୋଟିଏ ଦିନରେ ୧ ଲକ୍ଷ ୨୦ ହଜାର ଚାଷୀ ପଞ୍ଜୀକରଣ କରିଥିବା ନେଇ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ସୂଚନା ଦେଇଛନ୍ତି । ପ୍ରାଥମିକ କୃଷି ସମବାୟ ସମିିତି(ପାକ୍ସ), ବୃହତ୍‌ ଆଦିବାସୀ ବହୁମୁଖୀ ସମବାୟ ସମିତି (ଲାମ୍ପ୍ସ) ଓ ପାଣି ପଞ୍ଚାୟତରେ ପଞ୍ଜୀକରଣ କରାଯାଉଛି । ଖରିଫ ଧାନ କିଣା ପାଇଁ ଅଗଷ୍ଟ ୬ ତାରିଖରୁ ଚାଷୀ ପଞ୍ଜିକରଣ ଆରମ୍ଭ ହୋଇଛି । ଏହି ପଞ୍ଜିକରଣ ପ୍ରକ୍ରିୟା ଚଳିତ ମାସ ୩୧ ତାରିଖ ପର୍ଯ୍ୟନ୍ତ ଚାଲିବ। 
ସୂଚନା ମୁତାବକ, ବରଗଡ଼ ଜିଲାରେ ପ୍ରାୟ ୭୫ହଜାର, ବାଲେଶ୍ୱରରେ ୫୦ହଜାର, କଳାହାଣ୍ଡିରେ ୪୯ହଜାର, ଗଞ୍ଜାମରେ ୪୯ହଜାର ଓ ବଲାଙ୍ଗିରରେ ପ୍ରାୟ ୩୧ ହଜାର ଚାଷୀ ପଞ୍ଜୀକରଣ କରିଛନ୍ତି । ରାଜ୍ୟର ୨୯୧୨ଟି ପାକ୍ସ ଓ ୪ଟି ପାଣି ପଞ୍ଚାୟତରେ ଏହି ପଞ୍ଜୀକରଣ କାର୍ଯ୍ୟ ଚାଲିଛି । ଚଳିତ ପଞ୍ଜୀକରଣ ପ୍ରକ୍ରିୟା ଖାଦ୍ୟଯୋଗାଣ ଓ ଖାଉଟି କଲ୍ୟାଣ ବିଭାଗ, ସମବାୟ ବିଭାଗ, କୃଷି ଓ କୃଷକ ସଶକ୍ତୀକରଣ ବିଭାଗ ଓ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ସମନ୍ୱୟରେ କରାଯାଉଛି ।

ବିହାର ସରକାର କଣ୍ଟେଣ୍ଟ କ୍ରିଏଟର୍ସମାନଙ୍କ ପାଇଁ ଏକ ନୂଆ ଯୋଜନା ଆରମ୍ଭ କରିଛନ୍ତି । ଯେଉଁଥିରେ ସୋସିଆଲ୍ ମିଡିଆରେ ରିଲ୍ସ ବନାଇ କ୍ରିଏଟର୍ସମାନେ ୧ ଲକ୍ଷ ପର୍ଯ୍ୟନ୍ତ ରୋଜଗାର କରିପାରିବେ । ଏବେ ରିଲ୍ସ ପ୍ରସ୍ତୁତ କରିବା କେବଳ ଭ୍ୟୁଜ୍ ପାଇବାର ମାଧ୍ୟମ ହୋଇ ରହିବ ନାହିଁ, ବରଂ ଏହା ମାଧ୍ୟମରେ ଭ୍ୟୁଜ୍ ଆଧାରରେ ଭଲ ଆୟ ମଧ୍ୟ ହୋଇପାରିବ। ଅର୍ଥାତ୍ ଯେତେ ଅଧିକ ଭ୍ୟୁଜ୍ ମିଳିବ, ସେତେ ଅଧିକ ରୋଜଗାର ହେବ । ଏହି ଯୋଜନା ଅଧୀନରେ ୩୦ ଦିନ ମଧ୍ୟରେ ୧ ଲକ୍ଷ ଭ୍ୟୁଜ୍ ଆସିଲେ ୧୦ ହଜାର ଏବଂ ଗୋଟିଏ ରିଲ୍‌ରେ ୧୦ ଲକ୍ଷ ଭ୍ୟୁଜ୍ ଆସିଲେ ସରକାର ୧ ଲକ୍ଷ ପ୍ରଦାନ କରିବେ । ତେବେ ଏହି ଭିଡିଓଗୁଡ଼ିକ ବିହାର ସରକାରଙ୍କ ବିଭିନ୍ନ ଯୋଜନା ଏବଂ କାର୍ଯ୍ୟକ୍ରମ ସହ ଜଡ଼ିତ ହୋଇଥିବା ଆବଶ୍ୟକ । କେଉଁ କ୍ରିଏଟର୍ସମାନେ ଏଥିପାଇଁ ଯୋଗ୍ୟ ହେବେ, ସେ ସମ୍ପର୍କିତ ବିସ୍ତୃତ ତଥ୍ୟ ଶୀଘ୍ର ପ୍ରକାଶ ପାଇବ ।

ତାମିଲନାଡୁର ତିରୁନେଲବେଲି ଅଞ୍ଚଳର ଇସାକ୍କି ମୁଥୁ (ଯିଏ ସୋସିଆଲ ମିଡିଆରେ 'ମୁରୁଗନ୍' ନାମରେ ମଧ୍ୟ ଜଣାଶୁଣା) ସେ ଏକ ଅଜବ କାରନାମା କରି ଚର୍ଚ୍ଚାକୁ ଆସିଛନ୍ତି । ସେ ହଜାର ହଜାର ଭାରତୀୟ ମହୁମାଛିଙ୍କୁ ନିଜ ମୁହଁ ଓ ମୁଣ୍ଡରେ ବସାଇ ୫ ଘଣ୍ଟା ୩ ମିନିଟ୍ ପର୍ଯ୍ୟନ୍ତ ବିନା ହଲଚଲ ହୋଇ ରହିଥିଲେ । ସୂଚନା ଅନୁସାରେ ଫେବୃଆରୀ ୨୦ ତାରିଖରେ ମାରିଆ ଆର୍ଟସ ଆଣ୍ଡ ସାଇନ୍ସ କଲେଜରେ ସେ ଏହି ରେକର୍ଡ ସୃଷ୍ଟି କରିଥିଲ, ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତାଙ୍କର ଏହି ନିଆରା ସଫଳତାକୁ 'ଚୋଲନ୍ ୱାର୍ଲ୍ଡ ରେକର୍ଡସ' ଏବଂ 'ଚାଇନା ବୁକ୍ ଅଫ୍ ୱାର୍ଲ୍ଡ ରେକର୍ଡସ'ରେ ସ୍ଥାନ ମିଳିଛି । କୃଷି ବିଜ୍ଞାନରେ ପାଠପଢ଼ା ଶେଷ କରିବା ପରେ ଇସାକ୍କି ଏବେ ପୂର୍ଣ୍ଣକାଳୀନ ମହୁମାଛି ପାଳନକୁ ନିଜର ବୃତ୍ତି ଭାବେ ଆପଣେଇଛନ୍ତି ।  ତାଙ୍କ କହିବା ଅନୁଯାୟୀ, ଏହି କାରନାମାର ମୁଖ୍ୟ ଉଦ୍ଦେଶ୍ୟ କେବଳ ବିଶ୍ୱ ରେକର୍ଡ ଗଢ଼ିବା ନୁହେଁ, ବରଂ ମହୁମାଛିଙ୍କ ପ୍ରତି ଲୋକଙ୍କ ମନରେ ଥିବା ଭୟକୁ ଦୂର କରିବା । ଏହାସହ ମହୁମାଛି ପାଳନକୁ ରୋଜଗାରର ଏକ ଭଲ ବିକଳ୍ପ ଭାବେ ପ୍ରୋତ୍ସାହିତ କରିବାପାଇଁ ଏହି କାର୍ଯ୍ୟ ସେ କରିଥିବା ପ୍ରକାଶ କରିଛନ୍ତି ।

ପ୍ରଣବ କିଶୋର ପଟ୍ଟନାୟକ ଓଡ଼ିଆ ସଙ୍ଗୀତ ଜଗତର ଜଣେ ଅନ୍ୟତମ ଶ୍ରେଷ୍ଠ ଗାୟକ, ଯିଏକି ପାଞ୍ଚ ଦଶନ୍ଧିରୁ ଅଧିକ ସମୟ ଧରି ଓଡିଆ ସଙ୍ଗୀତ ଜଗତରେ ଆଧିପତ୍ୟ ବିସ୍ତାର କରିରହିଥିଲେ ।  ଅଗଷ୍ଟ ୨୧, ୨୦୨୬ରେ ୮୮ ବର୍ଷରେ ତାଙ୍କର ଦେହାନ୍ତ ହୋଇଛି, ତାଙ୍କ କଣ୍ଠ ଆଜି ନିରବି ଯାଇଛି ସତ ହେଲେ ସେ ଶ୍ରୋତାଙ୍କ ହୃଦୟରେ ସବୁବେଳେ ତାଙ୍କ ସଙ୍ଗୀତ ମାଧ୍ୟମରେ ଜୀବନ୍ତ ରହିବେ । ୧୯୩୮ ମସିହା ଜାନୁଆରୀ ୨୦ ତାରିଖରେ ଜନ୍ମଗ୍ରହଣ କରିଥିବା ପ୍ରଣବ ପଟ୍ଟନାୟକ ତାଙ୍କ ପିତା ଦ୍ୱାରା ଅତ୍ୟନ୍ତ ଅନୁପ୍ରାଣିତ ହୋଇଥିଲେ, ଯିଏକି ସ୍ୱର୍ଗତ ଲାଲ ମୋହନ ପଟ୍ଟନାୟକ (ଓଡ଼ିଶା ବିଧାନସଭାର ପୂର୍ବତନ ବାଚସ୍ପତି) ଥିଲେ । ସେ ଓଡ଼ିଶୀ, ଲୋକଗୀତ, ଭକ୍ତିଗୀତ ଓ ଭଜନ, ସେମି କ୍ଲାସିକାଲ୍, ପାରମ୍ପରିକ, ହିନ୍ଦୀ ଗୀତ ଏବଂ ଗଜଲ ଭଳି ସଙ୍ଗୀତର ବିଭିନ୍ନ ବିଭାଗରେ ନିଜର କଣ୍ଠଦାନ କରିଛନ୍ତି। ଗୁରୁ କୁନାଲ ଆଦିନାରାୟଣଙ୍କ ତାଲିମ ଅଧୀନରେ ସେ ଆନୁଷ୍ଠାନିକ ଭାବେ ସଙ୍ଗୀତ ଜଗତରେ ପାଦ ଥାପିଥିଲେ । ୧୯୫୮ ମସିହାରେ "ମା" ଫିଲ୍ମ ମାଧ୍ୟମରେ ସେ ପ୍ରଥମ ଥର ପାଇଁ ପ୍ରଚ୍ଛଦପଟ ଗାୟକ (ପ୍ଲେବ୍ୟାକ୍ ସିଙ୍ଗର) ଭାବରେ ନିଜର ସଙ୍ଗୀତ କ୍ୟାରିୟର ଆରମ୍ଭ କରିଥିଲେ । ତାଙ୍କୁ ହେମଲତା, ବାଣୀ ଜୟରାମ, ଏସ. ଜାନକୀ, ପି. ସୁଶୀଳା, ନିର୍ମଳା ମିଶ୍ର, ଭୂପିନ୍ଦର ସିଂହ, ଉଷା ମଙ୍ଗେସକର ଏବଂ ହୈମନ୍ତୀ ଶୁକ୍ଲାଙ୍କ ଭଳି ପ୍ରସିଦ୍ଧ ଗାୟକ-ଗାୟିକାଙ୍କ ସହ ଗାଇବାର ସୁଯୋଗ ମିଳିଥିଲା । ସେ ଏକମାତ୍ର ଓଡ଼ିଆ ପ୍ରଚ୍ଛଦପଟ ଗାୟକ, ଯିଏକି ଓଡ଼ିଶା ସରକାରଙ୍କ ଦ୍ୱାରା ଏକାଧିକ ଥର "ଶ୍ରେଷ୍ଠ ପ୍ରଚ୍ଛଦପଟ ଗାୟକ ପୁରସ୍କାର"ରେ ସମ୍ମାନିତ ହୋଇଛନ୍ତି । ସଙ୍ଗୀତ ଦୁନିଆର ଶ୍ରେଷ୍ଠ ପୁରସ୍କାର ଜୟଦେବ ପୁରସ୍କାରରେ ମଧ୍ୟ ସେ ସମ୍ମାନୀତ ହୋଇଛନ୍ତି । ତାଙ୍କ ଗୀତଗୁଡ଼ିକର କଣ୍ଠଶୈଳୀ ଅତ୍ୟନ୍ତ ବ୍ୟାପକ ଏବଂ ତାଙ୍କର ଗାଇବାର ନିଆରା ଶୈଳୀ ଅତୁଳନୀୟ । ତାଙ୍କ ଗୀତ ଶ୍ରୋତାମାନଙ୍କୁ ସୃଷ୍ଟିର ସର୍ବୋଚ୍ଚ ସତ୍ତାକୁ ଉପଲବ୍ଧି କରାଏ । ସେ ଓଡ଼ିଶା ଏବଂ ଓଡ଼ିଶା ବାହାରର ପ୍ରାୟ ସମସ୍ତ ସଙ୍ଗୀତ ନିର୍ଦ୍ଦେଶକଙ୍କ ଅଧୀନରେ ୨୦୦ରୁ ଅଧିକ ଓଡ଼ିଆ ଫିଲ୍ମରେ ନିଜର ସ୍ୱର ଦେଇଛନ୍ତି । ଓଡିଆ ସଙ୍ଗୀତ ଦୁନିଆର ଅନେକ କଳାକାରଙ୍କର ସେ ଥିଲେ ମାର୍ଗଦର୍ଶକ ଓ ପ୍ରେରଣା । ଅନେକ ତାଙ୍କୁ ଦେଖି ତାଙ୍କଠାରୁ ଶିଖି ଏହି ସଙ୍ଗୀତ ଦୁନିଆରେ ପାଦ ଥାପିଥିଲେ । ତାଙ୍କ ପଥ ଅନୁସରଣ କରି ଅନେକଙ୍କୁ ସେମାନଙ୍କ କ୍ୟାରିୟରରେ ସଫଳତା ମିଳିଛି । ସେ ଆଜି ନାହାନ୍ତି ସତ ହେଲେ ତାଙ୍କ ଗୀତ ଓଡିଆ ସଙ୍ଗୀତ ତଥା ଓଡିଆ ଶିଳ୍ପୀ ଓ ଦର୍ଶକଙ୍କ ପାଇଁ ସବୁବେଳେ ଅଭୁଲା ହୋଇ ରହିବ ।

ମାନସମ୍ମାନ

୨୦୨୩ - ବାଳକୃଷ୍ଣ ଦାଶ ସ୍ମାରକୀ ସମ୍ମାନ

୨୦୧୬ - ଜୟଦେବ ପୁରସ୍କାର

୨୦୧୭ - ଗଙ୍ଗାଧର ରଥ ସ୍ମାରକୀ ସମ୍ମାନ

୨୦୧୧ - ପ୍ରଫୁଲ୍ଲ କର ସମ୍ମାନ

୨୦୧୦ - ବିଗଓଡ଼ିଆ ଏଣ୍ଟରଟେନମେଣ୍ଟ ଆୱାର୍ଡ଼

୧୯୯୭-୯୮ - ଓଡ଼ିଶା ସଙ୍ଗୀତ ନାଟକ ଏକାଡେମୀ ଆୱାର୍ଡ଼

ରାଜ୍ୟ ଚଳଚ୍ଚିତ୍ର ପୁରସ୍କାର

୧୯୯୩ -ଶ୍ରେଷ୍ଠ ପ୍ରଚ୍ଛଦପଟ ଗାୟକ (ଆଶା)

୧୯୮୯ - ଶ୍ରେଷ୍ଠ ପ୍ରଚ୍ଛଦପଟ ଗାୟକ (ପ୍ରତିଶୋଧ ଅପରାଧ ନୁହେଁ)

୧୯୮୮ - ଶ୍ରେଷ୍ଠ ପ୍ରଚ୍ଛଦପଟ ଗାୟକ (କନ୍ୟାଦାନ)

୧୯୮୩ - ଶ୍ରେଷ୍ଠ ପ୍ରଚ୍ଛଦପଟ ଗାୟକ (ଝିଅଟି ସୀତା ପରି)

୧୯୮୨ - ଶ୍ରେଷ୍ଠ ପ୍ରଚ୍ଛଦପଟ ଗାୟକ (ଅସ୍ତରାଗ)

୧୯୭୬ - ଶ୍ରେଷ୍ଠ ପ୍ରଚ୍ଛଦପଟ ଗାୟକ (ସିନ୍ଦୂର ବିନ୍ଦୁ)

କାଳଜୟୀ ସଙ୍ଗୀତ

• ଆସ ପ୍ରିୟତମା, ସାଥିରେ ଆମ ଗୀତିରେ     ଶଙ୍ଖ ମହୂରୀ
• ଏହି କି ବିଚାର                          ସାକ୍ଷୀ ଗୋପୀନାଥ
• ଏ ଗ୍ରାମର ଚଷାଭାଇ, ଇନ୍ଦ୍ରଧନୁର ସପ୍ତରଙ୍ଗୁ  ସମର୍ପଣ
• ମଧୁଝରା ଫୁଲବନେ, ଜୀବନ ଯମୁନା ନଈ   ପିପାସା
• ରାତି ପାହିଥିଲେ                              କୁଳ ଚନ୍ଦ୍ରମା
• ପୂରିଲା ଆଶା ମୋର, ହାତୀ ଝୁଲୁଥାଏ       ପରିବାର
• ମାଝିରେ ଉଆସ ରାତି, ଉର୍ମି ଅଧୀରା ରୂପସୀ ଚିଲିକା  ଚିଲିକା ତୀରେ
• ମନ ରସିଆରେ                          ରକ୍ତ ଗୋଲାପ
• ଯାହା ମୁଁ ଖୋଜିଛି, ଏ ଜୀବନେ ସବୁ ଘଟଇ      ପୁନର୍ମିଳନ
• ହେ ଦୁଃଖହାରୀ                           ସୁନା ସଂସାର
• ଏ ନୁହେଁ କାହାଣୀ, ମୋ ଗଣ୍ଠିଧନ        ଏ ନୁହେଁ କାହାଣୀ
• ମାଝିରେ ଶେଷ ଶ୍ରାବଣ                 ଶେଷ ଶ୍ରାବଣ
• ଯଉବନରୁ ଅପରାଧ, କେଉଁ ନାମ ଧରି   ସିନ୍ଦୂର ବିନ୍ଦୁ
• ହୃଦୟ ଭରି ମୋର, ଧାର ଧାର ହୋଇ  କୃଷ୍ଣ ସୁଦାମା
• ସୀମାହୀନ ଦରିଆ                        ବତିଘର
• ହାୟ ସେ ହରିଣୀ ଆଖି               ଯାଯାବର
• ରେ ଆତ୍ମନ୍, ଆ'ରେ ମିତ, ଶ୍ଯାମକୁ ଜୁହାର ମମତା
• ନ କର ନ କର ମନ                     ସଂସାର
• ଏ ନୀଳଆଖି, ମା କାଳୀଯାଇ ଲୋ, ପୂର୍ଣିମା ଜହ୍ନ ସତେ   ବନ୍ଧନ
• ତୁମ ବିନା ଏଇ ରାତି, ବିତିଯାଏ ରେ     ସ୍ତ୍ରୀ

ବଲିଉଡ୍ ଅଭିନେତା ଗୋବିନ୍ଦା ଓ ତାଙ୍କ ପତ୍ନୀ ସୁନିତା ଆହୁଜାଙ୍କ ବୈବାହିକ ବିବାଦ ଏବେ ଏକ ନୂଆ ମୋଡ଼ ନେଇଛି । ବର୍ତ୍ତମାନ ସୁନିତାଙ୍କ ଦାବି ଅନୁଯାୟୀ ଗୋବିନ୍ଦା ଓ ଅଭିନେତ୍ରୀ କୋମଲ ରାଣୀ ସ୍ୱର୍ଣ୍ଣକାର ବିବାହ କରିବାକୁ ଯୋଜନା କରୁଥିଲେ ।  ତେବେ ସେ ଏହି ଦାବି ରାକ୍ଷୀ ସାୱନ୍ତଙ୍କ ଆଗରେ କରିଥିବା ଜଣା ପଡିଛି । ଯେଉଁଥିପାଇଁ ସେ ନିଜ ଛାଡପତ୍ର ଆବେଦନ ପ୍ରତ୍ୟାହାର କରିଥିବା ଜଣାପଡିଛି । ସେହିଭଳି ଗୋବିନ୍ଦା ଓ କୋମଲଙ୍କୁ ଏକାଠି ଦେଖିବା ତାଙ୍କ ପାଇଁ ଖୁବ ଯନ୍ତ୍ରଣାଦାୟକ ଥିଲା ବୋଲି ସୁନିତା  ରାକ୍ଷୀଙ୍କ ଆଗରେ ପ୍ରକାଶ କରିଥିବା ଜଣାପଡିଛି ।  ଅନ୍ୟପଟେ, ଏହି ବ୍ୟକ୍ତିଗତ ବିବାଦ ମଧ୍ୟରେ ଗୋବିନ୍ଦା ଦୀର୍ଘ ସାତ ବର୍ଷ ପରେ 'ରୂପା' ଚଳଚ୍ଚିତ୍ର ଜରିଆରେ ବଡ଼ ପରଦାକୁ ଫେରୁଛନ୍ତି, ଯେଉଁଥିରେ ସେ ନିଜେ ପ୍ରଯୋଜକ ଅଛନ୍ତି ଏବଂ ତାଙ୍କ ବିପକ୍ଷରେ କୋମଲ ରାଣୀ ସ୍ୱର୍ଣ୍ଣକାର ମୁଖ୍ୟ ନାୟିକା ଭାବେ ଅଭିନୟ କରୁଛନ୍ତି ।

ସୁବର୍ଣ୍ଣପୁର :  ମହାନଦୀ କୁ ଡେଇଁ ୨ ନାବାଳିକାଙ୍କୁ ଆତ୍ମହତ୍ୟା ଉଦ୍ୟମ । ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ଚଢେଇପାଙ୍କ ଗାଁ ନିକଟରେ ଯାଉଥିବା ମହାନଦୀ କୁ ଡେଇଁ ୨ ନାବାଳିକା ଆତ୍ମହତ୍ୟା ଉଦ୍ୟମ କରିଥିଲେ । ତେବେ ସୌଭାଗ୍ୟ ବଶତଃ ମତ୍ସ୍ୟଜୀବୀ ମାନେ ଏହା ଦେଖି ଅଗ୍ନିଶମ ବାହିନୀଙ୍କ ସହାୟତାରେ ନାବାଳିକାଙ୍କୁ ସୁରକ୍ଷିତ ଭାବେ ଉଦ୍ଧାର କରିଛନ୍ତି । ଉଦ୍ଧାର ପରେ ଉଭୟ ନାବାଳିକାଙ୍କୁ ପ୍ରାଥମିକ ଚିକିତ୍ସା ନିମନ୍ତେ ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର (ସିଏଚସି)ରେ ଭର୍ତ୍ତି କରାଯାଇଛି । ବର୍ତ୍ତମାନ ସେମାନଙ୍କର ସ୍ୱାସ୍ଥ୍ୟାବସ୍ଥା ନେଇ ଡାକ୍ତରଖାନାରେ ଚିକିତ୍ସା ଜାରି ରହିଛି । ଦୁଇ ନାବାଳିକାଙ୍କ ମଧ୍ୟରୁ ଜଣେ ବିନିକା ଅଞ୍ଚଳର ହୋଇଥିବା ବେଳେ ଅନ୍ୟ ଜଣେ ବୌଦ୍ଧ ଅଞ୍ଚଳର ବୋଲି ଜଣାପଡ଼ିଛି । ଘଟଣାକୁ ନେଇ ପୋଲିସ ତଦନ୍ତ ଜାରି ରହିଛି  । 

ଭୁବନେଶ୍ୱର : ଭୁବନେଶ୍ବର ମାଷ୍ଟରକ୍ୟାଣ୍ଟିନ ରେ ସରକାରୀ ସମ୍ପତ୍ତି ଭଙ୍ଗାରୁଜା ଓ ଆତଙ୍କରାଜ ଘଟଣାରେ କାର୍ଯ୍ୟାନୁଷ୍ଠାନ । କ୍ଷମା ପ୍ରାର୍ଥନା ପରେ ବି ଗିରଫ ହୋଇ ଜେଲ ଗଲେ ସ୍ମାର୍ଟ୍ ସିଟି ଅନଲାଇନ ଟ୍ୟାକ୍ସି ଓ ଅଟୋ ଚାଳକ ସଙ୍ଘ ସଭାପତି ଦୀନବନ୍ଧୁ ନାୟକ । ଗତକାଲି ପୁରୀରୁ ତାଙ୍କୁ ଗିରଫ କରାଯାଇଥିଲା। ପରେ ବିଳିମ୍ବିତ ରାତିରେ ଭୁବନେଶ୍ୱର ଆଣି କୋର୍ଟରେ ହାଜର କରାଯାଇଥିଲା। ଜାମିନ ନାମଜୁର ପରେ ତାଙ୍କୁ ଜେଲ ପଠାଯାଇଛି । ଘଟଣା ପରେ ପୋଲିସ କିଛି ଅଟୋ ଓ ଡ୍ରାଇଭରଙ୍କୁ ଅଟକ ରଖିବା ସହ ଗିରଫ କରିଥିଲା । ପରେ ସଙ୍ଘ ସଭାପତି ଦୀନବନ୍ଧୁ ନାୟକ ଦୀନବନ୍ଧୁ ନାୟକଙ୍କୁ କମିଶନରେଟ ପୋଲିସର ସ୍ପେଶାଲ ଟିମ୍ ଗିରଫ କରିଛି । ଗଣ୍ଡଗୋଳ ଘଟଣାରେ  ୩୮୦ଟି ଯାନକୁ ସିଜ୍ କରାଯାଇଛି। ଏହା ସହିତ ୧୮୧ଟି ଗାଡ଼ିର ଇ-ଚାଲାଣ କଟାଯାଇଛି। ଆଇନ ଶୃଙ୍ଖଳା ବିଗାଡୁଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ ସ୍ପଷ୍ଟ କରିଛି ।

ବୁଧବାର ଅନଲାଇନ ଚଳକଙ୍କ ଆନ୍ଦୋଳନ ବେଳେ ଭୁବନେଶ୍ବର ମାଷ୍ଟର କ୍ୟାଣ୍ଟିନରେ ବ୍ୟାପକ ହିଂସା ହୋଇଥିଲା ।  ଆନ୍ଦୋଳନକାରୀ ଚାଳକ ଆମ ବସ ଭଙ୍ଗାରୁଜା କରିବା ସହ ପୋଲିସ ଭ୍ୟାନ ଉପକରୁ ଢେଲା ପଥର ମାଡ଼ କରିଥିଲେ । ଫଳରେ ଅନେକ ପୋଲିସ କର୍ମଚାରୀ ଆହତ ହୋଇ ମେଡିକାଲରେ ଚିକିତ୍ସିତ ହେଉଛନ୍ତି ।  ଘଟଣା ପାଇଁ ଗତକାଲି ସୋସିଆଲ ମିଡିଆରେ ଦୀନବନ୍ଧୁ ଭିଡିଓ ପୋଷ୍ଟ କରି ଜନସାଧାରଣଙ୍କୁ କ୍ଷମା ପ୍ରାର୍ଥନା କରିଥିଲେ ।

ସେପଟେ, ରାଜଧାନୀରେ ଅନଲାଇନ ପରିବହନ ସେବା ଗୁରୁତର ଭାବେ ପ୍ରଭାବିତ ହୋଇଛି । ଅନଲାଇନ କ୍ୟାବ, ଅଟୋ ଓ ବାଇକ ନମିଳିବାରୁ ନାହିଁ ନଥିବା ହିନସ୍ଥା ହେଉଛନ୍ତି ଲୋକେ । ଏହାକୁ ଦେଖି ରେଗୁଲାର ଅଟୋ ସବୁ ମନ ଇଛା ଦର ବଢ଼ାଇ ଆହୁରି ଅସୁବିଧା ସୃଷ୍ଟି କରୁଛନ୍ତି । ଗତକାଲି ସ୍ଥିତିରେ କିଛିଟା ସୁଧାର ଆସିଥିଲେ ମଧ୍ୟ ଆପ୍ ଆଧାରିତ ଗାଡ଼ି ସେବା ଏପର୍ଯ୍ୟନ୍ତ ପୂର୍ବ ସ୍ଥିତିକୁ ଫେରିନାହିଁ । 

ନୂଆପଡା : ରାତିରେ ଶୋଇଥିବାବେଳେ ସାପକାମୁଡ଼ାରେ କକା-ପୁତୁରାଙ୍କ ମୃତ୍ୟୁ । ନୂଆପଡ଼ା ଜିଲ୍ଲା ସିନାପାଲି ଥାନା ଚଚରଭଟା ଅଞ୍ଚଳରେ ଘଟିଛି ଏଭଳି ଦୁଃଖଦ ଘଟଣା । ଗତ ରାତିରେ ଶ୍ରମିକ କ୍ୟାମ୍ପ ରେ ଶୋଇଥିବାବେଳେ ୩ଜଣଙ୍କୁ ସାପ କାମୁଡି ଦେଇଥିଲା । ଏଥିରେ କକା-ପୁତୁରାଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଶ୍ରମିକ ତୁଳସୀ ବଗର୍ତ୍ତୀ (୪୫) ଚିକିତ୍ସାଧୀନ ଅଛନ୍ତି।

ସୂଚନା ଅନୁଯାୟୀ, ସିନାପାଲି ଥାନା ଅନ୍ତର୍ଗତ ଗୋଲଧା ନିକଟରେ ଏକ ବ୍ରିଜ୍‌ ନିର୍ମାଣ କାମ ଚାଲିଛି। ସେଠାରେ ଶ୍ରମିକମାନେ କ୍ୟାମ୍ପ କରି ରହୁଛନ୍ତି। ଗତକାଲି ରାତିରେ ଶ୍ରମିକମାନେ ଖାଇପିଇ ସାରି ଶୋଇଥିବା ବେଳେ ଏକ ବିଷାକ୍ତ ସାପ ତିନିଜଣଙ୍କୁ କାମୁଡ଼ିଥିଲା । ଅନ୍ୟ ଶ୍ରମିକମାନେ ଏହା ଜାଣିବା ପରେ ସମସ୍ତଙ୍କୁ ତୁରନ୍ତ ନୂଆପଡ଼ା ଜିଲା ମୁଖ୍ୟ ଚିକିତ୍ସାଳୟକୁ ନେଇଥିଲେ। ସେଠାରେ ଡାକ୍ତର ପରୀକ୍ଷା କରି ଦୁଇଜଣଙ୍କୁ ମୃତ ଘୋଷଣା କରିଥିଲେ । ମୃତକମାନେ ହେଲେ ସିନାପାଲି ଥାନା ଅନ୍ତର୍ଗତ ଚଚରାଭଟା ଗାଁର ଦଇତାରି ତାଣ୍ଡି ଓ ଭରତ ତାଣ୍ଡି। ଉଭୟ ସମ୍ପର୍କରେ କକା-ପୁତୁରା ବୋଲି ଜଣାପଡ଼ିଛି। ଅନ୍ୟପକ୍ଷରେ, ଗୁରୁତର ଅବସ୍ଥାରେ ତୁଳସୀ ବଗର୍ତ୍ତୀ (୪୫) ନୂଆପଡ଼ା ଜିଲା  ମୁଖ୍ୟ ଚିକିତ୍ସାଳରୁ ବୁର୍ଲା ସ୍ଥାନାତର  ହୋଇଛନ୍ତି । ଘଟଣାକୁ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି ।

ଭୁବନେଶ୍ୱର : ଆସନ୍ତା ଅଗଷ୍ଟ ୩୧ ଓ ସେପ୍ଟେମ୍ବର ୧ ରେ ହେବ ଶ୍ରୀମନ୍ଦିର ରତ୍ନଭଣ୍ଡାର ଗଣତି । ରାଜ୍ୟ ସରକାରଙ୍କ ଅନୁମୋଦିତ ବ୍ୟବସ୍ଥାବଳି ଅନୁଯାୟୀ ଗଣତି କରାଯିବ । ଶ୍ରୀମନ୍ଦିରରେ ବିଭିନ୍ନ ପର୍ବ ପର୍ବନୀକୁ ଦୃଷ୍ଟିରେ ରଖି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଏହି କାର୍ଯ୍ୟରେ ସମସ୍ତ ସେବକ ଓ ଶ୍ରଦ୍ଧାଳୁଙ୍କ ସହଯୋଗ ଓ ସହାୟତା କାମନା କରାଯାଇଛି । ଗଣତି ସମୟରେ ରତ୍ନଭଣ୍ଡାରରେ ଥିବା ବିଭିନ୍ନ ମୂଲ୍ୟବାନ ସାମଗ୍ରୀର ହିସାବ ଓ ତଥ୍ୟ ଯାଞ୍ଚ କରାଯିବ। ପୂର୍ବରୁ ରତ୍ନଭଣ୍ଡାରରେ ଥିବା ଅଳଙ୍କାର ଓ ଅନ୍ୟାନ୍ୟ ସାମଗ୍ରୀର ସୁରକ୍ଷା ଏବଂ ରକ୍ଷଣାବେକ୍ଷଣକୁ ନେଇ ବିଭିନ୍ନ ସମୟରେ ପଦକ୍ଷେପ ନିଆଯାଇଛି ।

ଏବେ ନିର୍ଦ୍ଧାରିତ ତାରିଖରେ ଗଣତି କାର୍ଯ୍ୟ ହେବାକୁ ଥିବାରୁ ଏହାକୁ ନେଇ ଶ୍ରୀମନ୍ଦିର ସେବକ ଓ ଭକ୍ତମହଲରେ ଉତ୍ସୁକତା ବଢ଼ିଛି। ପୂର୍ବରୁ ୨୦୨୬ ମାର୍ଚ୍ଚ ୨୫ରୁ ରତ୍ନଭଣ୍ଡାର ଗଣତିମଣତି ଆରମ୍ଭ ହୋଇଥିଲା । ପ୍ରଥମେ ଚଳନ୍ତି ଭଣ୍ଡାର, ପରେ ବାହାର ରତ୍ନ ଭଣ୍ଡାର ଓ ଏବେ ଭିତର ଭଣ୍ଡାର ଗଣତି କାର୍ଯ୍ୟ ଜାରି ରହିଛି । ପୂର୍ବରୁ ମୋଟ ଉପରେ ପ୍ରାୟ ୫୭ ଘଣ୍ଟା ୮ ମିନିଟ୍ ଗଣତି କାର୍ଯ୍ୟ ହୋଇଥିଲା । ଗତ ରଥଯାତ୍ରା ସମୟରେ ଅର୍ଥାତ୍ ଜୁଲାଇ ୧୯ ତାରିଖରେ ମହାପ୍ରଭୁଙ୍କ ଶ୍ରୀଅଙ୍ଗ ଲାଗି ୯ ଅଳଙ୍କାରର ଗଣତି ହୋଇଥିଲା ।

ପୁରୀ  : ରକ୍ଷା ବନ୍ଧନକୁ ପୁଣି ଉପୁଜିଛି ଦ୍ୱନ୍ଦ୍ୱ । କେଉଁ ଦିନ ପାଳନ ହେବ ଗହ୍ମା ପୂର୍ଣ୍ଣିମା । ଅନ୍ୟାନ୍ୟ ପର୍ବ ଭଳି ଏଥର ମଧ୍ୟ ଗହ୍ମାପୂର୍ଣ୍ଣିମା ଏବଂ ରକ୍ଷା ବନ୍ଧନକୁ ନେଇ ଦ୍ବନ୍ଦରେ ଅଛନ୍ତି ଲୋକେ । କ୍ୟାଲେଣ୍ଡର ଅନୁସାରେ ଅଗଷ୍ଟ ୨୮ ତାରିଖରେ ରକ୍ଷା ବନ୍ଧନ ପାଳନ ପାଇଁ ତିଥି ରହିଥିଲେ ମଧ୍ୟ ଅଗଷ୍ଟ ୨୭ ତାରିଖରୁ ପୂର୍ଣ୍ଣିମା ତିଥି ରହିଥିବା କୁହାଯାଉଛି । ତେଣୁ କେବେ ପାଳନ ହେବ ରକ୍ଷା ବନ୍ଧନ ଅଗଷ୍ଟ ୨୭ ନା ୨୮ । ଚର୍ଚ୍ଚା ଆରମ୍ଭ ହୋଇଥିବାବେଳେ ଦ୍ୱନ୍ଦ୍ୱ ଦୂର କରିଛନ୍ତି ପଣ୍ଡିତ ସୂର୍ଯ୍ୟନାରାୟଣ ରଥଶର୍ମା । ଶ୍ରୀମନ୍ଦିର ସ୍ୱୀକୃତିପ୍ରାପ୍ତ ପଞ୍ଜିକା ଅନୁଯାୟୀ, ଶ୍ରୀମନ୍ଦିରରେ ଉଦୟ ପର୍ବ ଅନୁଯାୟୀ ୨୮ ତାରିଖରେ ପୂର୍ଣ୍ଣିମା ପାଳନ ହେବାକୁ ଥିବା ବେଳେ ରକ୍ଷାବନ୍ଧନ କିନ୍ତୁ ୨୭ ତାରିଖରେ ପାଳନ କରିବାକୁ ପରାମର୍ଶ ଦେଇଛନ୍ତି ।

ଘୋଷକ ପଣ୍ଡିତ ସୂର୍ଯ୍ୟନାରାୟଣ ରଥଶର୍ମା ଜଗନ୍ନାଥ ସଂସ୍କୃତି ଆଧାରରେ ଶ୍ରୀମନ୍ଦିରରେ ପାଳିତ ହେଉଥିବା ଦିନରେ ହିଁ ରକ୍ଷାବନ୍ଧନ ପର୍ବ ପାଳିବାକୁ ପରାମର୍ଶ ଦେଇଛନ୍ତି । ସେପଟେ, ଶ୍ରୀମନ୍ଦିରରେ ୨୮ ତାରିଖରେ ଓ ଅନ୍ୟ ସମସ୍ତ ସ୍ଥାନରେ ୨୭ ତାରିଖରେ ପାଳନ କରିବାକୁ ସ୍ପଷ୍ଟ କରିଛି ମୁକ୍ତି ମଣ୍ଡପ ପଣ୍ଡିତ ସଭା।

ସୂଚନା ମୁତାବକ, ରକ୍ଷାବନ୍ଧନ ଦିନ ବଳଭଦ୍ର ଜନ୍ମ ଓ ରକ୍ଷା ବନ୍ଧନ ଉତ୍ସବ ମଧ୍ୟ ପାଳିତ ହୋଇଥାଏ । ଶ୍ରୀମନ୍ଦିରରେ ୨୮ ତାରିଖରେ ହିଁ ବଳଭଦ୍ର ଜନ୍ମ ପାଳନ ହେବ । ପଞ୍ଜିକା ଅନୁଯାୟୀ, ଅଗଷ୍ଟ ୨୭ ତାରିଖ ସକାଳ ୯ଟା ୭ରୁ ପୂର୍ଣ୍ଣିମା ତିଥି ପ୍ରବେଶ କରିବ। ଅଗଷ୍ଟ ୨୮ ତାରିଖ ସକାଳ ୯ଟା ୪୯ ବେଳକୁ ପୂର୍ଣ୍ଣିମା ତିଥି ଅପସରି ଯାଇଥିବ। ଅର୍ଥାତ୍ ୨୮ ତାରିଖରେ ମାତ୍ର ଅଳ୍ପ କିଛି ଘଣ୍ଟା ପାଇଁ ପୂର୍ଣ୍ଣିମା ତିଥି ରହିବ । ଶ୍ରୀମନ୍ଦିର ପରମ୍ପରା ଅନୁଯାୟୀ, ଗୋଟିଏ ଦିନର ସୂର୍ଯ୍ୟ ଉଦୟ ସମୟରେ ଯେଉଁ ତିଥି ରହିଥାଏ, ସେହି ତିଥିରେ ପର୍ବ ପାଳନ ହୋଇଥାଏ। ସେହି କ୍ରମରେ ଶ୍ରୀମନ୍ଦିରରେ ୨୮ ତାରିଖରେ ହିଁ ଗହ୍ମା ପର୍ବ, ବଳଭଦ୍ର ଜନ୍ମ, ସୁଦର୍ଶନଙ୍କ ଚାରି ଆଶ୍ରମ ବିଜେ ନୀତି ପାଳନ ହେବ। ସ୍କନ୍ଦ ପୁରାଣ ଅନୁଯାୟୀ ଶ୍ରୀମନ୍ଦିରରେ ଉଦୟ ପର୍ବକୁ ବିଚାର କରି ୨୮ ତାରିଖରେ ପର୍ବ ପାଳନ କରାଯିବ । ଏ ସମ୍ପର୍କରେ ଜ୍ୟୋତିର୍ବିଦ ଓ ଗବେଷକ ହରିଶଙ୍କର ମିଶ୍ରଙ୍କ ସୂଚନା ଅନୁଯାୟୀ, ଯେହେତୁ ୨୮ତାରିଖ ସକାଳ ୯ଟା ପରେ ଅର୍ଥାତ୍ ଦିନ ଆରମ୍ଭର ମାତ୍ର କେଇଘଣ୍ଟା ପରେ ତିଥି ନଥିବ, ତେଣୁ ସେହି ଦିନ ପର୍ବ ପାଳନ କରିବା ଉଚିତ ନୁହେଁ । ଶ୍ରୀମନ୍ଦିର ପରମ୍ପରା ଅନୁଯାୟୀ ସେହିଦିନ ହିଁ ଉଦୟ ପର୍ବ ଅନୁଯାୟୀ ବଳଭଦ୍ର ଜନ୍ମ ଉତ୍ସବ ପାଳିତ ହେବ; ଏଥିରେ ଦ୍ୱନ୍ଦ୍ୱ ନାହିଁ। କିନ୍ତୁ ଘରେଘରେ ପର୍ବ ୨୭ତାରିଖରେ ପାଳିତ ହେବା ଉଚିତ ବୋଲି ସେ ସୂଚନା ଦେଇଛନ୍ତି। ସେପଟେ, ପଣ୍ଡିତ ସୂର୍ଯ୍ୟନାରାୟଣ ରଥଶର୍ମାଙ୍କ ସୂଚନା ଅନୁଯାୟୀ, ଜଗନ୍ନାଥ ସଂସ୍କୃତି ଆଧାରରେ ଆମ ଚଳଣି । ସେହି ହିସାବରେ କୌଣସି ଦ୍ୱନ୍ଦ୍ୱ ନରଖି, ମହାପ୍ରଭୁଙ୍କ ଶ୍ରୀମନ୍ଦିର ପର୍ବ ଆଧାରରେ ୨୮ ଅଗଷ୍ଟରେ ହିଁ ପର୍ବ ପାଳନ କରାଯିବା ଉଚିତ ।

ଭୁବନେଶ୍ୱର : ରାଜ୍ୟରେ ଶିଳ୍ପାୟନ ତଥା ନିଯୁକ୍ତି ସୁଯୋଗ ସୃଷ୍ଟି ଲକ୍ଷ୍ୟରେ ରାଜ୍ୟ ସରକାର ଆଉ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛନ୍ତି । ମୁଖ୍ୟ ସଚିବ ଅନୁ ଗର୍ଗଙ୍କ ଅଧ୍ୟକ୍ଷତାରେ ଅନୁଷ୍ଠିତ ୧୪୯ତମ ରାଜ୍ୟସ୍ତରୀୟ ଏକକ ବାତାୟନ ଅନୁମୋଦନ କର୍ତ୍ତୃପକ୍ଷ ବୈଠକରେ ୨,୭୮୦.୧୦ କୋଟି ଟଙ୍କାର ୧୪ଟି ପ୍ରମୁଖ ଶିଳ୍ପ ପ୍ରକଳ୍ପକୁ ମଞ୍ଜୁରି ପ୍ରଦାନ କରାଯାଇଛି ।

ଏହି ପ୍ରକଳ୍ପଗୁଡ଼ିକ କାର୍ଯ୍ୟକ୍ଷମ ହେଲେ ରାଜ୍ୟରେ ପ୍ରାୟ ୧୪,୧୦୪ ନିଯୁକ୍ତି ସୁଯୋଗ ସୃଷ୍ଟି ହେବ। ଅନୁଗୋଳ, ବଲାଙ୍ଗିର, କଟକ, ଢେଙ୍କାନାଳ, ଗଞ୍ଜାମ, କେନ୍ଦୁଝର, ଖୋରଧା, ନୟାଗଡ଼, ନୂଆପଡ଼ା ଓ ସୁନ୍ଦରଗଡ଼ ଜିଲାରେ ଏହି ପ୍ରକଳ୍ପଗୁଡ଼ିକ ସ୍ଥାପନ ହେବ। ଏଥିରେ ହଳଦୀରାମର ୫୦୦ କୋଟିର ପ୍ରକଳ୍ପ ରହିଛି । ରସାୟନ, ବୟନ, ଇସ୍ପାତ ଓ ମେଡିକାଲ୍ ଡିଭାଇସ୍ କ୍ଷେତ୍ରରେ ମଧ୍ୟ ନିବେଶ ହେବ । 

ପ୍ରମୁଖ ପ୍ରସ୍ତାବ ମଧ୍ୟରେ ହଳଦୀରାମ ସ୍ନାକ୍ସ ଫୁଡ୍ ପ୍ରାଇଭେଟ୍ ଲିମିଟେଡ୍ ଖୋର୍ଦ୍ଧା / କଟକ ଅଞ୍ଚଳରେ ୫୦୦ କୋଟି ନିବେଶରେ ସ୍ନାକ୍ସ ଓ ବେକେରୀ ଉତ୍ପାଦ ପ୍ରସ୍ତୁତି ୟୁନିଟ୍ ସ୍ଥାପନ କରିବ । ଏଥିରେ ପ୍ରାୟ ୮୦୦ ଜଣଙ୍କୁ ନିଯୁକ୍ତି ମିଳିବା ସମ୍ଭାବନା ରହିଛି। ଢେଙ୍କାନାଳରେ ହେବ ଗାର୍ମେଣ୍ଟ ୟୁନିଟ୍। ନିଯୁକ୍ତି ସୃଷ୍ଟି ଦୃଷ୍ଟିରୁ ସବୁଠାରୁ ବଡ଼ ପ୍ରକଳ୍ପ ହେବ ସାହାନା କ୍ଲୋଦିଂ କମ୍ପାନୀ ପ୍ରାଇଭେଟ୍ ଲିମିଟେଡ୍ ର ଢେଙ୍କାନାଳ ୟୁନିଟ୍। କମ୍ପାନୀ ୨୫୧.୪୫ କୋଟି ନିବେଶରେ ଶିଶୁ ଓ କିଶୋରଙ୍କ ପାଇଁ ରେଡିମେଡ୍ ପୋଷାକ ଉତ୍ପାଦନ ୟୁନିଟ୍ ସ୍ଥାପନ କରିବ।

ଏହି ପ୍ରକଳ୍ପରୁ ୫ ହଜାରନିଯୁକ୍ତି ସୁଯୋଗ ସୃଷ୍ଟି ହେବ।ସେହିପରି ଗଞ୍ଜାମରେ ପ୍ରାସୋଲ୍ କେମିକାଲ୍ସ ୪୫୦ କୋଟି ବ୍ୟୟରେ ଫସ୍ ଫରସ୍ ଭିତ୍ତିକ ରସାୟନ ପ୍ରକଳ୍ପ ସ୍ଥାପନ କରିବ। ଯେଉଁଥିରେ ୪୫୮ ଜଣଙ୍କୁ ନିଯୁକ୍ତି ମିଳିବ। କଟକରେ ଟିୱାନା ନ୍ୟୁଟ୍ରିସନ୍ ୧୪୦ କୋଟିର ଗୋଖାଦ୍ୟ ପ୍ରସ୍ତୁତି ୟୁନିଟ୍ ସ୍ଥାପନ କରିବ । ଏଥିରୁ ପ୍ରାୟ ୨,୫୦୦ ନିଯୁକ୍ତି ସୃଷ୍ଟି ହେବ। ଇଲେକ୍ଟ୍ରୋନିକ୍ସ କ୍ଷେତ୍ରରେ ସିର୍ମା SGS ଟେକ୍ନୋଲୋଜି ଖୋର୍ଦ୍ଧାରେ ୩୦୦ କୋଟି ବିନିଯୋଗରେ ପ୍ରିଣ୍ଟେଡ୍ ସର୍କିଟ୍ ବୋର୍ଡ (PCB) ଉତ୍ପାଦନ ପ୍ରକଳ୍ପ ସ୍ଥାପନ କରିବ । ଏହି ପ୍ରକଳ୍ପରେ ପ୍ରାୟ ୫୦୦ ଜଣଙ୍କ ପାଇଁ ରୋଜଗାର ସୁଯୋଗ ସୃଷ୍ଟି ହେବ।

ଅନୁଗୁଳ : NTPC ତାପଜ ବିଦ୍ୟୁତ ଉତ୍ପାଦନ କେନ୍ଦ୍ରର ବଙ୍କର-ବି ରେ ଭୟଙ୍କର ବିସ୍ପୋରଣ। ଗତ ବିଳମ୍ବିତ ରାତିରେ ଅନୁଗୁଳ ଜିଲା କଣିହାଁ ବ୍ଲକ ଏନଟିପିସି ତାପଜ ବିଦ୍ୟୁତ ଉତ୍ପାଦନ କେନ୍ଦ୍ରର ୟୁନିଟ୍ -୧ ବଙ୍କର-ବିରେ ଭୟଙ୍କର ବିସ୍ଫୋରଣ ଘଟିଛି । ଏଥିରେ ୫ ଜଣ ଗୁରୁତର ହୋଇଛନ୍ତି । ଆହତଙ୍କୁ ଉଦ୍ଧାର କରାଯାଇ ୨ ଜଣଙ୍କୁ  ଏନଟିପିସି ଓ ୩ ଜଣଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି । ବିସ୍ଫୋରଣ କାରଣ ଅସ୍ପଷ୍ଟ ଥିବାବେଳେ ଘଟଣାର ତଦନ୍ତ ଜାରି ରହିଛି । ଖବର ପାଇ ଉଚ୍ଚ ଅଧିକାରୀ ଘଟଣାସ୍ଥଳରେ ପହଞ୍ଚି ସାରିଛନ୍ତି ।

ଭୂବନେଶ୍ୱର : ଭୁବନେଶ୍ୱରର ୧ ନମ୍ବର ହାଟରେ ପୁଣି ଅଗ୍ନିକାଣ୍ଡ । ଶନିବାର ସକାଳୁ ହାଟ ଭିତରେ ଥିବା ଏକ ଖଲି ଦୋକାନରେ ହଠାତ୍ ନିଆଁ ଲାଗିଥିଲା । ଦେଖୁ ଦେଖୁ ନିଆଁ ନିକଟସ୍ଥ ଅନ୍ୟ ଏକ ଦୋକାନକୁ ବ୍ୟାପି ଯାଇଥିଲା । ବିଦ୍ୟୁତ୍‌ ସର୍ଟ ସର୍କିଟରୁ ନିଆଁ ଲାଗିଥିବା ନେଇ ପ୍ରାଥମିକ ତଦନ୍ତରୁ ଜଣାପଡ଼ିଛି । ଖବର ପାଇବା ମାତ୍ରେ ଅଗ୍ନିଶମ ବାହିନୀର ୨ଟି ଟିମ୍ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି। ପୂର୍ବରୁ ମଧ୍ୟ ୧ ନମ୍ବର ହାଟରେ ନିଆଁ ଲାଗି ପ୍ରାୟ ୪୦ରୁ ଅଧିକ ଦୋକାନ ଜଳି ଯାଇଥିଲା। ୧ ନମ୍ବର ହାଟରେ ବାରମ୍ବାର ଅଗ୍ନିକାଣ୍ଡ ଘଟୁଥିବାରୁ ଆଶଙ୍କାରେ ଅଛନ୍ତି ଵ୍ୟଵସାୟୀ  ।

ତାଳଚେର :  ଆଜି ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ଜନ୍ମ ଦିବସ। ଏଥିପାଇଁ ସ୍ୱାମୀଜୀଙ୍କ ଜନ୍ମସ୍ଥାନ ଅନୁଗୁଳ ଜିଲ୍ଲା ତାଳଚେରର ଗୁରୁଜାଙ୍ଗ ଗାଁରେ ଜନ୍ମ ଶତବାର୍ଷିକୀ ମହୋତ୍ସବ ପାଳନ ହେଉଛି। ଆୟୋଜିତ ମହୋତ୍ସବରେ ଯୋଗଦେଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏକ ବଡ଼ ଘୋଷଣା କରିଛନ୍ତି । ସ୍ୱାମୀଜୀଙ୍କ ସ୍ମୃତିପୂତ ପବିତ୍ର ଗୁରୁଜାଙ୍ଗ ଗ୍ରାମକୁ ‘ଐତିହ୍ୟ ଗ୍ରାମ’ ଭାବେ ଗଢି ତୋଳାଯିବା ସହ ଗୁରୁଜାଙ୍ଗ ପଞ୍ଚାୟତକୁ ‘ଆଦର୍ଶ ପଞ୍ଚାୟତ’ ଭାବେ ବିକଶିତ କରାଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି । ସଭାକୁ ସମ୍ବୋଧିତ କରି ମୁଖ୍ୟମନ୍ତ୍ରୀ କହିଛନ୍ତି ଯେ, ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀ କେବଳ ଜଣେ ବ୍ୟକ୍ତି ନ ଥିଲେ, ସେ ଥିଲେ ଏକ ମହାନ ଆଦର୍ଶ, ଅଲୌକିକ ଅନୁଷ୍ଠାନ ଓ ସନାତନ ଧର୍ମର ଦୀପ୍ତିମନ୍ତ ମାର୍ଗଦର୍ଶକ । 

ଆଜିର ଆଧୁନିକ ଯୁଗରେ ସୁଖ-ସୁବିଧା ତ୍ୟାଗ କରି ସେ କନ୍ଧମାଳର ଦୁର୍ଗମ ଓ ଘଞ୍ଚ ଜଙ୍ଗଲରେ ରହି ଅସହାୟ ବନବାସୀଙ୍କ ସେବାରେ ନିଜ ଜୀବନକୁ ଉତ୍ସର୍ଗ କରିଥିଲେ । ସେଠାରେ ଚକାପାଦ ଓ ଜଲେଶପଟ୍ଟା ଆଶ୍ରମ ଏବଂ କନ୍ୟା ଗୁରୁକୁଳ ପ୍ରତିଷ୍ଠା କରି ବନବାସୀ ଝିଅମାନଙ୍କୁ ସଂସ୍କୃତ ଶିକ୍ଷା ଓ ସଂସ୍କାରରେ ସ୍ୱାବଲମ୍ବୀ କରି ଗଢ଼ିତୋଳିଥିଲେ। ତାଙ୍କ ଦ୍ୱାରା ବୁଣାଯାଇଥିବା ସଂସ୍କୃତିର ମଞ୍ଜି ଆଜି ମହାଦ୍ରୁମରେ ପରିଣତ ହୋଇଛି ଏବଂ ଧର୍ମାନ୍ତରୀକରଣ ବିରୋଧରେ ସେ ଆରମ୍ଭ କରିଥିବା ସଚେତନତା ସମଗ୍ର ରାଜ୍ୟରେ ଏକ ଜାଗ୍ରତ ସନାତନୀ ସଙ୍କଳ୍ପ ଭାବେ ଛିଡ଼ା ହୋଇଛି। ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀ ହେଉଛନ୍ତି ଆମ ସମାଜର 'ଗୁରୁ, ଗ୍ରନ୍ଥ ଏବଂ ଗରିମା' ବୋଲି ସେ କହିଥିଲେ।

 ଏହି ଉତ୍ସବରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ସମ୍ବଲପୁର ସାଂସଦ ଧର୍ମେନ୍ଦ୍ର ପ୍ରଧାନଙ୍କ ସମେତ ବିଭିନ୍ନ ପ୍ରାନ୍ତରୁ ଆସିଥିବା ସାଧୁସନ୍ଥ ଓ ବରେଣ୍ୟ ବ୍ୟକ୍ତିବିଶେଷ ଯୋଗଦଇଛନ୍ତି । ଏହି ଅବସରରେ ଦିନତମାମ ବିଭିନ୍ନ ଆଧ୍ୟାତ୍ମିକ ଓ ସାଂସ୍କୃତିକ କାର୍ଯ୍ୟକ୍ରମର ସୂଚୀ ନିର୍ଦ୍ଧାରଣ କରାଯାଇଛି । କଳସ ଯାତ୍ରା, ଗୋ-ପୂଜନ ସହ ଯଜ୍ଞ ଆରମ୍ଭ ହୋଇଛି । ନଗର ପରିକ୍ରମା, ଧର୍ମସଭା, ଯଜ୍ଞର ପୂର୍ଣ୍ଣାହୁତି, ଶତବାର୍ଷିକୀ କାର୍ଯ୍ୟକର୍ତ୍ତାଙ୍କ ପ୍ରାନ୍ତ ବୈଠକ ଆକର୍ଷଣୀୟ ସାଂସ୍କୃତିକ କାର୍ଯ୍ୟକ୍ରମ । 

ସୂଚନାନୁସାରେ, ୧୯୨୬ ମସିହା ଅଗଷ୍ଟ ୧୮ ତାରିଖରେ ଅନୁଗୁଳ ଜିଲ୍ଲା ତାଳଚେରର ଗୁରୁଜାଙ୍ଗ ଗ୍ରାମରେ ଜନ୍ମଗ୍ରହଣ କରିଥିଲେ ସ୍ୱାମୀ ଲକ୍ଷ୍ମଣାନନ୍ଦ। ଯୌବନରୁ ହିଁ ସଂସାରର ସୁଖ-ସ୍ୱାଚ୍ଛନ୍ଦ୍ୟ ତ୍ୟାଗ କରି ସେ ସନ୍ନ୍ୟାସ ମାର୍ଗ ଆପଣାଇଥିଲେ । କନ୍ଧମାଳର ନିରୀହ ଓ ଗରିବ ଆଦିବାସୀଙ୍କ ଦୁର୍ଦ୍ଦଶା ଦେଖି ୧୯୬୯ ମସିହାରେ ସେ କନ୍ଧମାଳକୁ ନିଜର କର୍ମଭୂମି ଭାବେ ବାଛିନେଇଥିଲେ । ଚକାପାଦଠାରେ ଗୁରୁକୁଳ ସଂସ୍କୃତ ଆଶ୍ରମ ଏବଂ ୧୯୮୮ରେ ଜଲେଶପଟ୍ଟାଠାରେ ‘ଶଙ୍କରାଚାର୍ଯ୍ୟ କନ୍ୟାଶ୍ରମ’ ପ୍ରତିଷ୍ଠା କରି ଜନଜାତି ଝିଅମାନଙ୍କୁ ଶିକ୍ଷିତ କରିବାର ସଙ୍କଳ୍ପ ନେଇଥିଲେ। "ଗୋଟିଏ ଝିଅ ଶିକ୍ଷିତ ହେଲେ ତା’ର ସାତ ପିଢ଼ି ଶିକ୍ଷିତ ହେବେ" - ଏହି ଆଦର୍ଶରେ ଗାଁ ଗାଁ ବୁଲି ସଚେତନତା ସୃଷ୍ଟି କରିବା ସହ ଗୋ-ସଂରକ୍ଷଣ, ନିଶା ନିବାରଣ ଓ ସମାଜ ସୁଧାର ପାଇଁ ନିଜ ଜୀବନକୁ ଉତ୍ସର୍ଗ କରିଦେଇଥିଲେ । 

୨୦୦୮ ମସିହା ଅଗଷ୍ଟ ୨୩  ତାରିଖରେ ଜନ୍ମାଷ୍ଟମୀ ରାତିରେ, ଜଲେଶପଟ୍ଟା ଆଶ୍ରମରେ ୩୦ରୁ ୪୦ ଜଣ ସଶସ୍ତ୍ର ଆତତାୟୀ ଅତର୍କିତ ଗୁଳିବର୍ଷଣ କରିଥିଲେ। ଏଥିରେ ସ୍ୱାମୀଜୀଙ୍କ ସହ ମାତା ଭକ୍ତିମୟୀ, ବାବା ଅମୃତାନନ୍ଦ, କିଶୋର ବାବା ଓ ପୁରୁଷୋତ୍ତମ ଗନ୍ଠି ଶହୀଦ ହୋଇଥିଲେ।

ମେଷ: ବ୍ୟବସାୟରେ ସ୍ବଳ୍ପଲାଭ, ଶରୀର ସୁସ୍ଥ, ଅର୍ଥସମସ୍ୟା, ଅଯଥାକଷ୍ଟ, ଶତ୍ରୁସମସ୍ୟା, ଦ୍ରବ୍ୟଲାଭ, ଅନୁଷ୍ଠାନରୁ ଲାଭ, ବନ୍ଧୁସାହାଯ୍ୟ, ଦାମ୍ପତ୍ୟସୁଖ, ସମ୍ପତ୍ତିବିବାଦ, ଦୂରଯାତ୍ରା, ଅଶ୍ବିନୀ ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଧଳା, ସଂଖ୍ୟା-୭, ଆରାଧନା-କୁବେର ଭଗବାନ

ବୃଷ: ମାନସିକଶାନ୍ତି, ଯାତ୍ରାରେ ସତର୍କ, ପାରିବାରିକ ସମସ୍ୟା,  ଶୁଭଆଲୋଚନା, ବ୍ୟବସାୟରେ ସଫଳ, ପ୍ରୀତି ବୃଦ୍ଧି, ବନ୍ଧୁସାହାଯ୍ୟ, ଶରୀରକଷ୍ଟ, ଅଯଥାବିବାଦ, ଶତ୍ରୁସମସ୍ୟା, ବନ୍ଧୁଗୃହେ ଯାତ୍ରା, କୃତ୍ତିକା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ସବୁଜ, ସଂଖ୍ୟା-୭, ଆରାଧନା-ମା’ ଭଗବତୀ 

ମିଥୁନ: ସମ୍ପର୍କରେ ଉନ୍ନତି, ମାନସିକଶାନ୍ତି, ଶରୀର ସୁସ୍ଥ, ଦାମ୍ପତ୍ୟସୁଖ, ସନ୍ତାନସୁଖ, ସମ୍ପତ୍ତିଲାଭ, ଖୁସିଖବର, ସ୍ବଜନ ବିବାଦ, ଆଦ୍ରା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଧଳା, ସଂଖ୍ୟା-୧୦, ଆରାଧନା-ଶଙ୍କର ଭଗବାନ

କର୍କଟ: ସୁସମ୍ବାଦ, ନୂତନ କର୍ମଆରମ୍ଭ, ମାନସିକ ଖୁସି, ଶତ୍ରୁ ପରାଜିତ, ବିଦେଶ ଭ୍ରମଣ, ସନ୍ତାନଖୁସି, ଶରୀର ସୁସ୍ଥ, ଗୃହେ ସହଯୋଗ, ବିଦ୍ୟାରେ ସଫଳ,  ପୁଷ୍ୟା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-କମଳା, ସଂଖ୍ୟା-୮, ଆରାଧନା-ମା’ ମହାଲକ୍ଷ୍ମୀ

ସିଂହ: ଋଣଭାର ବୃଦ୍ଧି, କାର୍ଯ୍ୟରେ ସମସ୍ୟା, ସନ୍ତାନ ସମସ୍ୟା, ବ୍ୟବସାୟରେ ଶତ୍ରୁତା, ଶରୀର କଷ୍ଟ, ମାନସିକ ଅବସାଦ, ସମ୍ପତ୍ତିସମସ୍ୟା, ବିଦ୍ୟାରେ ସଫଳତା, ମଘା, ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ମାଟିଆ, ସଂଖ୍ୟା-୪, ଆରାଧନା-ପ୍ରଭୁ ହନୁମାନ

କନ୍ୟା:  କାର୍ଯ୍ୟରେ ବିଳମ୍ବ, ବ୍ୟବସାୟରେ ସ୍ବଳ୍ପ ଲାଭ, ଶୁଭଖବର ପ୍ରାପ୍ତି, ସନ୍ତାନଲାଭ, ଦୂରଯାତ୍ରା ସଫଳ, ପାରିବାରିକ ବିବାଦ, ଶତ୍ରୁ ପରାଜିତ, ଦାମ୍ପତ୍ୟସୁଖ, ଉତ୍ତରାଫାଲଗୁନି ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଗୋଲାପି, ସଂଖ୍ୟା-୭, ଆରାଧନା-ମା’ କୋଚିଳାଇ

ତୁଳା: ଶୁଭଖବର, ନୂତନକର୍ମଲାଭ, ବ୍ୟବସାୟରେ ଉନ୍ନତି, ମାନସିକ ଶାନ୍ତି, ବନ୍ଧୁଲାଭ, ସନ୍ତାନଖୁସି, ସୁମିଷ୍ଠ ଭୋଜନ, ଶରୀର ସୁସ୍ଥ, ଅର୍ଥସମସ୍ୟା ଦୂର, ସ୍ବାତୀ ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଆକାଶି, ସଂଖ୍ୟା-୮, ଆରାଧନା-ଶଙ୍କରଭଗବାନ

ବିଛା: ସମ୍ପତ୍ତିବିବାଦ, ଶତ୍ରୁସମସ୍ୟା, ପାରିବାରିକ ସହଯୋଗ, କର୍ମକ୍ଷେତ୍ରେ ସଫଳ, ଅନୁଷ୍ଠାନରୁ ଲାଭ, ଦାମ୍ପତ୍ୟ ସୁଖ, ବନ୍ଧୁସହଯୋଗ, କ୍ରୟବିକ୍ରୟ, ବ୍ୟବସାୟରେ କଷ୍ଟ,  ଅନୁରାଧା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଧଳା, ସଂଖ୍ୟା-୯, ଆରାଧନା-ଭଗବବାନ ବିଷ୍ଣୁ

ଧନୁ: ସଫଳତା, କର୍ମକ୍ଷେତ୍ରେ ପ୍ରଶଂସା, ସମ୍ମାନଲାଭ, ଅର୍ଥଲାଭ, ମାନସିକ ଶାନ୍ତି, ଭୂମିଲାଭ, ଦାମ୍ପତ୍ୟସୁଖ, ଶତ୍ରୁ ପରାଜିତ, ପଡ଼ୋଶୀ କଳହ, ସନ୍ତାନଲାଭ,  ମୂଳା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ହଳଦୀ, ସଂଖ୍ୟା-୧୦, ଆରାଧନା- ପ୍ରଭୁ ରାଧାକୃଷ୍ଣ

ମକର: ଅପମାନଯୋଗ, ଅର୍ଥସମସ୍ୟା, ଶରୀର କଷ୍ଟ, ବନ୍ଧୁସାହାଯ୍ୟ, ଅଯଥା ବିବାଦ, ସନ୍ତାନଖୁସି, ବିଦେଶଯାତ୍ରା, ବ୍ୟବସାୟିକ କଷ୍ଟ, ବନ୍ଧୁଦର୍ଶନ, ଦାମ୍ପତ୍ୟଖୁସି, ଉତ୍ତରାଷାଢ଼ା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ବାଇଗଣି, ସଂଖ୍ୟା-୭, ଆରାଧନା-ମା’ ଗୌରୀ

କୁମ୍ଭ: ଖୁସିଖବର, ଧନଲାଭ, ଯାତ୍ରା ସଫଳ, ବ୍ୟବସାୟରେ ଉନ୍ନତି, ଭୂସମ୍ପତ୍ତିଲାଭ, ବିଶିଷ୍ଠ ବ୍ୟକ୍ତିଙ୍କ ସହାୟତା, ଖୁସିଖବର, ଶତଭିଷା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ନୀଳ, ସଂଖ୍ୟା-୧୦, ଆରାଧନା-ମା’ ଦକ୍ଷିଣକାଳୀ

ମୀନ: କାର୍ଯ୍ୟ ସଫଳ, ବନ୍ଧୁଲାଭ, ନୂତନ କର୍ମନିଯୁକ୍ତି, ଅର୍ଥଲାଭ, ଦୂରଯାତ୍ରା ସଫଳ, ବିବାଦ ସମାଧାନ, ସନ୍ତାନଲାଭ, ଦେବଦର୍ଶନ, ପ୍ରତ୍ୟେକ କାର୍ଯ୍ୟରେ ସଫଳ, ଉତ୍ତରଭାଦ୍ର ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଧଳା, ସଂଖ୍ୟା-୮, ଆରାଧନା-ଶଙ୍କର ଭଗବାନ

ଭୁବନେଶ୍ବର : ରକ୍ଷା ବନ୍ଧନରେ ମିଳିବ ସୁଭଦ୍ରା ସହାୟତା ରାଶି । ଆସନ୍ତା ୨୮ ତାରିଖରେ ଯୋଗ୍ୟ ହିତାଧିକାରୀଙ୍କ ଆକାଉଣ୍ଟକୁ ଆସିବ ସୁଭଦ୍ରା ଟଙ୍କା । ୧ କୋଟି ୩ ଲକ୍ଷ ୨୬ ହଜାର ୧୬୨ ହିତାଧିକାରୀ ପାଇବେ ସୁଭଦ୍ରା ଟଙ୍କା । ଏ ନେଇ ଆଜି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ସୂଚନା ଦେଇଛନ୍ତି । ପ୍ରଥମ ଥର ପାଇଁ ୨ ଲକ୍ଷ ୨୧ ହଜାର ୫୪ ଜଣ ନୂଆ ସୁଭଦ୍ରା ହିତାଧିକାରୀ ଟଙ୍କା ପାଇବେ ବୋଲି ଉପମୁଖ୍ୟମନ୍ତ୍ରୀ କହିଛନ୍ତି । ତେବେ ଯେଉଁ ମାନଙ୍କର ପୂର୍ବରୁ ଏକାଧିକ ଇନଷ୍ଟଲମେଣ୍ଟ ବାକି ଅଛି ଫିଲ୍ଡ ଯାଞ୍ଚ ପରେ ସବୁ କିସ୍ତି ଏକକାଳୀନ ମିଳିବ । ପଞ୍ଚମ କିସ୍ତିର ମାସକ ପରେ ବଞ୍ଚିତ ହିତାଧିକାରୀଙ୍କୁ ଟଙ୍କା ମିଳିବ ବୋଲି ମଧ୍ୟ ଉପମୁଖ୍ୟମନ୍ତ୍ରୀ କହିଛନ୍ତି ।

ଭୁବନେଶ୍ୱର : ପନିର ନୁହେଁ ପଏଜନ । ଟ୍ୱିନ୍‌‌ସିଟିରେ ଖାଦ୍ୟ ସୁରକ୍ଷା ଯାଞ୍ଚ କଡ଼ାକଡ଼ି । ତେଲ ମସଲା ପରେ ପରେ ବଜାର ସାରା ଭର୍ତି ଭେଜାଲ ପନିର । କଟକରୁ ବିପୁଳ ପରିମାଣରେ ଭେଜାଲ ପନିର ଜବତ ପରେ ପରେ ଆଜି ବ୍ରହ୍ମପୁର ଏବଂ ଭୁବନେଶ୍ୱରର ବିଭିନ୍ନ ହୋଟେଲ ଗୁଡିକ ଉପରେ ଫୁଡ ସେଫଟି ବିଭାଗର ୬ ଜଣିଆ ଟିମ୍ ଚଢ଼ାଉ କରିଛି । ଭୁବନେଶ୍ୱରର ଏକ ମଲରେ ଅପମିଶ୍ରଣ ପନିର ଥିବା ଜଣାପଡ଼ିବା ପରେ ମଲରେ ଥିବା ରେଷ୍ଟୁରାଣ୍ଟରେ ଚାଲିଛି ଯାଞ୍ଚ । ଗତକାଲି କଟକରେ ପ୍ରାୟ ୭୦ କ୍ୱିଣ୍ଟାଲ ଭେଜାଲ ପନିର ଜବତ କରି ନଷ୍ଟ କରିଥିଲା ସ୍ବାସ୍ଥ୍ୟ ବିଭାଗ । ଅପମିଶ୍ରିତ ଛେନା ଓ ପନିର ବିକ୍ରି ନେଇ ଚଢାଉ, ରାସାୟନିକ ଦ୍ରବ୍ୟ ମିଶାଯାଇଥିବା ଜଣାପଡିଲା । ରାକ୍ଷୀ ପୂର୍ବରୁ ଅପମିଶ୍ରିତ ପନିର, ଛେନାକୁ ନେଇ ବଡ଼ ଚଢ଼ାଉ ହୋଇଛି  ।

ପନିରରେ ରାସାୟନିକ ଦ୍ରବ୍ୟ ମିଶାଯାଇଥିବା ପରୀକ୍ଷା ବେଳେ ଧରା ପଡ଼ିଛି । ଅପମିଶ୍ରିତ ପନିରର କିଛି ଅଂଶରେ ଆୟୋଡିନ୍ ମିଶାଯିବା ପରେ ପନିରର ରଙ୍ଗ ବଦଳି ଯାଇଥିଲା । ଆଉ ଏଥିରୁ ସ୍ପଷ୍ଟ ହୋଇଥିଲା ଯେ ପନିର ଗୁଡ଼ିକ ଅପମିଶ୍ରିତ ହୋଇଛି । ଏହି ଅପମିଶ୍ରିତ ପନିର ସବୁ କାଟିଲେ ଫାଟିଯିବ ସହ ହାତରେ ଦାବିଲେ ଚୁନା ହୋଇଯାଉଛି । ଏପରିକି ଏହାକୁ ତେଲରେ ଛାଣିଲେ ଫେଣ ଭରଭର ହୋଇ ବାହାରୁଛି । ଆଉ ଖାଇଲେ, କିଛି ସମୟରେ ପେଟରେ ଗ୍ୟାସ୍, ଆମ୍ବିଳା ହାକୁଟି ଓ ବଦହଜମି ଭଳି ସମସ୍ୟା ଉପୁଜୁଛି । ଅପମିଶ୍ରିତ ପନିର ସବୁ ଛତିଶଗଡ଼, ରାୟପୁର , ନିମାପଡ଼ା, କାକଟପୁର, ଗୋପ, ନିଆଳି, ଅଡ଼ଶପୁରରୁ ଆସୁଥିବା ଜଣେ ବ୍ୟବସାୟୀ କହିଛନ୍ତି । ଏଥିରେ ମଇଦା ଓ କ୍ଷୀର ପାଉଡର, ଡିଟରଜେଣ୍ଟ୍, ରାସାୟନିକ ସହ ପ୍ଲାଷ୍ଟିକ ମିଶାଯାଇ ପନିର କରାଯାଉଥିବା ବେପାରୀ କହିଛନ୍ତି ।

ସେହିପରି, ବ୍ରହ୍ମପୁରରେ ମଧ୍ୟ ପନିର୍ ଦୋକାନରେ ଚଢ଼ାଉକରଯାଇ ବିପୁଳ ପରିମାଣରେ ଛେନା , ଖୁଆ, ପନିରକୁ ନଷ୍ଟ କରିଛି ବିଇଏମସିର ଖାଦ୍ୟ ନିରାପତ୍ତା ବିଭାଗ । ସହରର ଖାସ୍ପା ଓ ଆଗା ସାହିରେ ରହିଥିବା ୫ରୁ ଅଧିକ ପନିର୍ ଓ କ୍ଷୀର ଦୋକାନରେ ଚଢ଼ାଉ କରିଥିଲା । ଖୁଆ ଗୁଡ଼ିକରେ ପରୀକ୍ଷା ପାଇଁ କ୍ୟାମିକାଲ ପକାଯିବା ପରେ ତାହା କଳା ରଙ୍ଗରେ ପରିଣତ ହୋଇଥିଲା । ଆଉ ଏଥିରୁ ସ୍ପଷ୍ଟ ହୋଇଥିଲା ଖୁଆ ବି ଅପମିଶ୍ରିତ । ସେହିପରି ଦୋକାନରେ ଏକ୍ସପାୟରୀ ଡେଟ୍ ହୋଇଥିବା କ୍ଷୀର ପ୍ୟାକେଟକୁ ମଧ୍ୟ ବିକ୍ରି ପାଇଁ ରଖିଥିଲେ ବ୍ୟବସାୟୀ । ତେଣୁ ବିପୁଳ ପରିମାଣର ପନିର୍, ଖୁଆ ଓ କ୍ଷୀରକୁ ବିଇଏମସିର ଖାଦ୍ୟ ନିରାପତ୍ତା ବିଭାଗ ନଷ୍ଟ କରିଥିଲା । ତେବେ ଆଗକୁ ପାର୍ବଣ ଋତୁ ଆସୁଥିବାରୁ ଏତେ ମାତ୍ରାରେ ଅପମିଶ୍ରିତ ପନିର ଜବତକୁ ନେଇ ମୁଣ୍ଡରେ ହାତ ଦେଇଛନ୍ତି ମିଠା ବ୍ୟବସାୟୀ ।

ମେଷ: ସୁସମ୍ପର୍କ, ବିବାଦ ସମାଧାନ, ମାନସିକ ଚାପରୁ ମୁକ୍ତି, ଦୂରଯାତ୍ରା ସଫଳ, ପଦବୀଲାଭ, ପୂର୍ବକାର୍ଯ୍ୟରେ ଲାଭ, ଶରୀର ସୁସ୍ଥ, ସମ୍ପତ୍ତିଲାଭ, ଆୟବୃଦ୍ଧି, ଅଶ୍ବିନୀ ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଗୋଲାପି, ସଂଖ୍ୟା-୯, ଆରାଧନା-ମା’ େକ୍ଷତ୍ରପାଳ

ବୃଷ: କର୍ମେ ଅାନନ୍ଦ, ପାରିବାରିକ ସମ୍ପର୍କ, ସୁସମ୍ପର୍କ, ବ୍ୟବସାୟରେ ସ୍ବଳ୍ପ ଲାଭ, ପୁୁରାତନ ବିବାଦରୁ ମୁକ୍ତି, ନୂତନ ବ୍ୟବସାୟ, ଦେବକାର୍ଯ୍ୟରେ ସନ୍ତୁଷ୍ଟ, କୃତ୍ତିକା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ସବୁଜ, ସଂଖ୍ୟା-୭, ଆରାଧନା-ମା’ ଲକ୍ଷ୍ମୀ 

ମିଥୁନ: ସୁମ୍ପର୍କରେ ବାଧା, ଉଚ୍ଚଆଶା ବିଫଳ, କର୍ମକ୍ଷେତ୍ରେ ପରିଶ୍ରମ, ମିଥ୍ୟା ଅପବାଦ, ଦୂରଯାତ୍ରା ସଫଳ, ଭ୍ରାତୃସ୍ନେହ, ପାରିବାରିକ ସାହାଯ୍ୟ, ଅର୍ଥଲାଭ, ଗୃହେ ଉତ୍ସବ, ମୃଗଶିରା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଲାଲ, ସଂଖ୍ୟା-୮, ଆରାଧନା-ପ୍ରଭୁ ଜଗନ୍ନାଥ

କର୍କଟ: ଯାତ୍ରାରେ ସତର୍କ, ପାରିବାରିକ ଖୁସି, ଦ୍ରବ୍ୟଲାଭ, ବ୍ୟବସାୟରେ ସ୍ବଳ୍ପ ଲାଭ, ଗୁୁରୁଜନଙ୍କ ସମସ୍ୟା, ଦେବଦର୍ଶନ, ଅଯଥା ଖର୍ଚ୍ଚାନ୍ତ, ବନ୍ଧୁସାହାଯ୍ୟ, ଦାମ୍ପତ୍ୟଖୁସି, ପୁନର୍ବସୁ ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ପିଙ୍କ୍, ସଂଖ୍ୟା-୬, ଆରାଧନା-ପ୍ରଭୁ ହନୁମାନ

ସିଂହ: କାର୍ଯ୍ୟରେ ବିଳମ୍ବ, ପ୍ରୀତିବୃଦ୍ଧି, କର୍ମକ୍ଷେତ୍ରେ ପ୍ରଶଂସା, ନିର୍ଭର ପ୍ରତିଶ୍ରୁତି ମିଳିବ, ପୁତ୍ରସ୍ନେହରେ ଖୁସି, ମାନସିକ ଶାନ୍ତି, ଶୁଭଖବର, ଶରୀର ସୁସ୍ଥ, ଦାମ୍ପତ୍ୟସୁଖ, ମଘା, ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଇସତ୍‌ ଲାଲ, ସଂଖ୍ୟା-୭, ଆରାଧନା-ଗୁରୁଜନଙ୍କ ସେବା

କନ୍ୟା:  ଦ୍ରବ୍ୟଲାଭ, ଉତ୍ସବପ୍ରତି ଅାଗ୍ରହ, ବ୍ୟବସାୟିକ ଖୁସି,  ଲୋକସମ୍ପର୍କ ବୃଦ୍ଧି, ଯାତ୍ରା ସଫଳ, ସମସ୍ୟା ସମାଧାନ, ଅଯଥା କଷ୍ଟ, ଶରୀର ସୁସ୍ଥ, ଶତ୍ରୁସମସ୍ୟା, ସନ୍ତାନଲାଭ, ଉତ୍ତରାଫାଲଗୁନି ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଆକାଶି, ସଂଖ୍ୟା-୮, ଆରାଧନା-ବାବା ବାଲୁଙ୍କେଶ୍ବର

ତୁଳା: ସନ୍ତାନଚିନ୍ତା, ବିବାଦକୁ ନେଇ ଚିନ୍ତିତ, ମାନସିକ ଅବସାଦ, ଦୂରଯାତ୍ରାରେ ଅାଗ୍ରହ, ଅର୍ଥଲାଭ, ଶତ୍ରୁସମସ୍ୟା, ସୁମିଷ୍ଠ ଭୋଜନ ବନ୍ଧୁଲାଭ,  ଚିତ୍ରା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ହଳଦୀ, ସଂଖ୍ୟା-୭, ଆରାଧନା-ଶଙ୍କରଭଗବାନ

ବିଛା: ସମ୍ପତ୍ତିବିବାଦ, ବିଶିଷ୍ଠ ବ୍ୟକ୍ତି ସାହାଯ୍ୟ, ଶରୀର ସୁସ୍ଥ, ଲୋକସମ୍ପର୍କ ବୃଦ୍ଧି, ଦାମ୍ପତ୍ୟଖୁସି, ଅର୍ଥସମସ୍ୟା, ଉଚ୍ଚଆଶା ବିଫଳ,  ବିଦ୍ୟାରେ ଅସଫଳ,  ବିଶାଖା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଲାଲ, ସଂଖ୍ୟା-୬, ଆରାଧନା-ପ୍ରଭୁ ଗଣେଶ

ଧନୁ: ଆର୍ଥିକସୁଖ, ବିବାଦ ସମାଧାନ, ଶତ୍ରୁପରାଜିତ, ଦୂରଯାତ୍ରା ସଫଳ, ଦ୍ରବ୍ୟଲାଭ, ନୂତନ ନିଯୁକ୍ତି, ସନ୍ତାନଖୁସି, କର୍ମକ୍ଷେତ୍ରେ ସନ୍ତୁଷ୍ଟ, ବାନ୍ଧବୀଲାଭ, ନୂତନ ବ୍ୟବସାୟ, ମୂଳା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ହଳଦୀ, ସଂଖ୍ୟା-୯, ଆରାଧନା-ମା’ ଗୌରୀ

ମକର: ଅଯଥା ଖର୍ଚ୍ଚାନ୍ତ, ମିଥ୍ୟାଅପବାଦ, ଶତ୍ରୁସମସ୍ୟା, ବନ୍ଧୁସହଯୋଗ,  ବ୍ୟବସାୟିକଖୁସି, ପରିବହନରେ ସାମାନ୍ୟ ଲାଭ, ଶତ୍ରୁସମସ୍ୟା, ସମ୍ପତ୍ତିବିବାଦ, ବୟୋଜ୍ୟେଷ୍ଠଙ୍କ ଶରୀର ଅସୁସ୍ଥ, ଉତ୍ତରାଷାଢ଼ା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ହଳଦୀ, ସଂଖ୍ୟା-୩, ଆରାଧନା-ମା’ ବଗଳାମୁଖୀ

କୁମ୍ଭ: ସମ୍ମାନଲାଭ, ଆକସ୍ମିକଲାଭ, ଶୁଭଖବର, ଦୂରଯାତ୍ରା ସଫଳ, ବନ୍ଧୁଲାଭ, ସମସ୍ୟା ସମାଧାନ, ଶରୀରସୁସ୍ଥ, ଲୋକସମ୍ପର୍କବୃଦ୍ଧି, ଦ୍ରବ୍ୟଲାଭ,  ଧନିଷ୍ଠା ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ନୀଳ, ସଂଖ୍ୟା-୧୦, ଆରାଧନା-ଛୋଟପିଲାଙ୍କୁ େଭାଜନ

ମୀନ: କିଛି କାର୍ଯ୍ୟରେ ଅସନ୍ତୋଷ, ଅର୍ଥଚିନ୍ତା, ବ୍ୟବସାୟରେ ମାନ୍ଦାବସ୍ଥା,  ଅଯଥାକଷ୍ଟ, ଶତ୍ରୁ ପରାଜିତ, ଶରୀର ସୁସ୍ଥ, ବନ୍ଧୁସାହାଯ୍ୟ, କିଛି କ୍ରୟକରିବେ, ସ୍ବଜନ ବିରୋଧ, ସନ୍ତାନସମସ୍ୟା, ପୂର୍ବଭାଦ୍ର ନକ୍ଷତ୍ର ସତର୍କ ରୁହନ୍ତୁ, ଶୁଭରଙ୍ଗ-ଧଳା, ସଂଖ୍ୟା-୭, ଆରାଧନା-ମା’ ସ୍ବର୍ଣ୍ଣବାରାହୀ

ପ୍ରତିବର୍ଷ ଅଗଷ୍ଟ ୨୧ ତାରିଖରେ ପାଳିତ ହେଉଥିବା 'ଜାତୀୟ ବରିଷ୍ଠ ନାଗରିକ ଦିବସ' ବୟସ୍କ ବ୍ୟକ୍ତିମାନଙ୍କ ଜୀବନବ୍ୟାପୀ ସେବା, ତ୍ୟାଗ ଏବଂ ସମାଜ ଗଠନରେ ସେମାନଙ୍କ ଅମୂଲ୍ୟ ଯୋଗଦାନକୁ ସମ୍ମାନ ଜଣାଇବାର ଏକ ବିଶେଷ ଅବସର । ଆମ ସଂସ୍କୃତି ଓ ପରିବାରର ମୂଳଦୁଆ ସାଜିଥିବା ବରିଷ୍ଠ ନାଗରିକମାନଙ୍କ ଅଭିଜ୍ଞତା ଓ ଜ୍ଞାନ ଆଜିର ଯୁବପିଢ଼ି ପାଇଁ ସଦାସର୍ବଦା ଏକ ପ୍ରେରଣାର ଉତ୍ସ । ୧୯୮୮ ମସିହାରେ ଆମେରିକାର ପୂର୍ବତନ ରାଷ୍ଟ୍ରପତି ରୋନାଲ୍ଡ ରେଗାନ୍‌ଙ୍କ ଦ୍ୱାରା ଆନୁଷ୍ଠାନିକ ଭାବେ ଆରମ୍ଭ ହୋଇଥିବା ଏହି ଦିବସ, ବର୍ତ୍ତମାନ ବିଶ୍ୱବ୍ୟାପୀ ବରିଷ୍ଠମାନଙ୍କ ଅଧିକାର, ସ୍ୱାସ୍ଥ୍ୟ ସୁରକ୍ଷା, ସାମାଜିକ ନିରାପତ୍ତା ଏବଂ ମାନସିକ ସନ୍ତୋଷ ପ୍ରତି ସଚେତନତା ସୃଷ୍ଟି କରିବାରେ ଏକ ପ୍ରମୁଖ ଭୂମିକା ଗ୍ରହଣ କରୁଛି । ବୟସର ଅପରାହ୍ନରେ ସେମାନଙ୍କୁ ଏକାକୀପଣରୁ ମୁକ୍ତି ଦେବା ସହ ଆଦର, ଦୟା ଏବଂ ନିରାପଦ ଜୀବନଯାପନର ସୁବିଧା ଯୋଗାଇଦେବା ପ୍ରତ୍ୟେକ ନାଗରିକ ଏବଂ ସମାଜର ନୈତିକ କର୍ତ୍ତବ୍ୟ । କେବଳ ଗୋଟିଏ ଦିନର ପାଳନରେ ସୀମିତ ନରହି, ସେମାନଙ୍କ ଆବଶ୍ୟକତାକୁ ବୁଝିବା, ସେମାନଙ୍କ ସହ ସମୟ ବିତାଇବା ଏବଂ ସମାଜରେ ସେମାନଙ୍କୁ ସମ୍ମାନଜନକ ସ୍ଥାନ ଦେବା ହିଁ ଏହି ଦିବସର ପ୍ରକୃତ ଉଦ୍ଦେଶ୍ୟ ।

କେରଳର ସାଇକ୍ଲିଷ୍ଟ ସନୀଦ ନିଶା ନିବାରଣ ବାର୍ତ୍ତା ପ୍ରଚାର କରିବା ଉଦ୍ଦେଶ୍ୟରେ ଏକ ନିଆରା ତଥା ସାହସିକ ଯାତ୍ରା ଆରମ୍ଭ କରିଛନ୍ତି । ସୂଚନା ଅନୁସାରେ ସେ ଆଗ ଚକ ନଥିବା ଗୋଟିଏ ଚକିଆ ସାଇକେଲ୍‌ରେ କେରଳରୁ ନେପାଳ ଦେଇ ଏଭରେଷ୍ଟ ବେସ୍ କ୍ୟାମ୍ପ ପର୍ଯ୍ୟନ୍ତ ୧୧,୦୦୦ କିଲୋମିଟରର ଏକ ଅସାଧାରଣ ଯାତ୍ରାରେ ବାହାରିଛନ୍ତି । ତାଙ୍କର ଗତ ୧୨ ବର୍ଷ ଧରି ବାଇକ୍ ଷ୍ଟଣ୍ଟିଂର ଅଭିଜ୍ଞତା ରହିଛି । ବର୍ତ୍ତମାନ ସେ କେବଳ ପଛ ଚକ ସାହାଯ୍ୟରେ ସନ୍ତୁଳନ ରକ୍ଷା କରି ପ୍ରତିଦିନ ହାରାହାରି ୫୦-୬୦ କିଲୋମିଟର ଚଳାଇ ପାରୁଛନ୍ତି । ସେହିଭଳି ଦିନକରେ ସେ ସର୍ବାଧିକ ୧୫୦ କିଲୋମିଟର ପର୍ଯ୍ୟନ୍ତ ସାଇକେଲ ଚଳାଇ ଏପର୍ଯ୍ୟନ୍ତ ୭,୦୦୦ କିଲୋମିଟରରୁ ଅଧିକ ଦୂରତା ଅତିକ୍ରମ କରିସାରିଛନ୍ତି । ପୂର୍ବରୁ ଏହିଭଳି ଗୋଟିଏ ଚକିଆ ସାଇକେଲରେ ସେ କେରଳରୁ କାଶ୍ମୀର ପର୍ଯ୍ୟନ୍ତ ଯାତ୍ରା ସଫଳତାର ସହ ପୂରଣ କରିଛନ୍ତି । ଯଦି ତାଙ୍କର ଏହି କଠିନ ଯାତ୍ରା  ଜଣେ ହେଲେ ବି ବ୍ୟକ୍ତିଙ୍କ ଚିନ୍ତାଧାରା ବଦଳାଇବାରେ ସଫଳ ହୁଏ, ତେବେ ସେହି ସମାଜ ସଂସ୍କାର ହିଁ ତାଙ୍କ ପାଇଁ ପ୍ରକୃତ ୱାର୍ଲ୍ଡ ରେକର୍ଡ ହେବବୋଲି ସେ ମତ ଦେଇଛନ୍ତି ।