ଆହୁରି ୨୪ ଘଣ୍ଟା ବର୍ଷିବ: ବର୍ଷା ପରେ ବଢିବ ଶୀତ

ଭୁବନେଶ୍ୱର,୪/୧: ରାଜ୍ୟର ୯ଟି ଜିଲ୍ଲାରେ ଆହୁରି ୨୪ ଘଣ୍ଟା ବର୍ଷା ଜାରି ରହିବ। ଦକ୍ଷିଣ-ପଶ୍ଚିମ ଉତ୍ତର ପ୍ରଦେଶରୁ ଉତ୍ତର ଓ ଆଭ୍ୟନ୍ତରୀଣ ଓଡିଶା ଯାଏଁ ଏକ ଟ୍ରପ ଲାଇନ ରହିଅଛି। ଯାହାର ପ୍ରଭାବରେ ଆହୁରି ୨୪ ଘଣ୍ଟା ମଧ୍ୟମ ଧରଣର ବର୍ଷା ଲାଗି ରହିବା ସମ୍ଭାବନା ଥିବା ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ସୂଚନା ଦେଇଛି। ଖାସ କରି କେନ୍ଦୁଝର, ମୟୂରଭଞ୍ଜ, ଭଦ୍ରକ, ଯାଜପୁର, କୋରାପୁଟ, ସୁନ୍ଦରଗଡ, ମାଲକାନଗିରି, ନବରଙ୍ଗପୁର ଓ ଜଗତସିଂହପୁର ଜିଲ୍ଲାରେ ବର୍ଷା ହେବ। ଏଥିସହିତ ଅନ୍ୟ ଜିଲ୍ଲାରେ ପାଗ ଶୁଖିଲା ରହିବ। ସେହିପରି ରବିବାରଠାରୁ ତାପମାତ୍ରା ୪ରୁ ୫ ଡିଗ୍ରୀ ଯାଏଁ ଖସିବ ଏବଂ ପୁଣି ଶୀତର ପ୍ରକୋପ ବଢିବ। ଅନ୍ୟପଟେ ଆଭ୍ୟନ୍ତରୀଣ ଓଡିଶାରେ ଘନ କୁହୁଡି ଦେଖାଯିବ।

Comments are closed.