ଜରୁରୀ ସମୟରେ ଫୋନ୍‍ ସ୍ୱିଚ୍‍ ଅଫ୍‍ ହୋଇଯାଉଛି କି?

ସମୟ ଲାଇଭ୍‍,୭/୧୨: ଅଧିକାଂଶ ସମୟ ଜରୁରୀ ପରିସ୍ଥିତିରେ ଫୋନ୍‍ ସ୍ୱିଚ୍‍ ଅଫ୍‍ ହୋଇଯାଇଥାଏ। ଏଣୁ ଆମେ ଅନେକ ସମସ୍ୟାରେ ପଡ଼ିବା ସହ ବିରକ୍ତି ପ୍ରକାଶ କରିଥାଉ। ତେବେ ଖୁବ୍‍ ଶୀଘ୍ର କାହିଁକି ଫୋନରୁ ଚାର୍ଜ ସରିଥାଏ ଓ ଏହାର ପ୍ରତିକାର କ’ଣ ଜାଣିବା ପାଇଁ ଆପଣ ଏହି କେତୋଟି କଥାକୁ କାମରେ ଲଗାନ୍ତୁ।
-ଆପଣ ଆପଣଙ୍କ ମୋବାଇଲ ଫୋନ୍‍ କମ୍‍ ବ୍ରାଇଟନେସ୍‍ରେ ରଖନ୍ତୁ ଏପରି କରିବା ଦ୍ୱାରା ଆପଣଙ୍କ ମୋବାଇଲରୁ କମ୍‍ ଚାର୍ଜ ସରିଥାଏ।
-ଭାଇବ୍ରେସନ୍‍ ମୋଡ଼ରେ ରଖିଲେ କମ୍‍ ଚାର୍ଜ ସରିଥାଏ ବୋଲି ଅନେକଙ୍କ ମନରେ ଧାରଣା ରହିଥାଏ କିନ୍ତୁ ବାସ୍ତବରେ ଏପରି ହୋଇନଥାଏ। ଏଣୁ ଭାଇବ୍ରେସନ୍‍ ପରିବର୍ତ୍ତେ ସ୍ଲୋ ରିଂ ଟୋନ୍‍ ମୋଡ଼ରେ ରଖନ୍ତୁ।
– ଜରୁରୀ କାମରେ କିମ୍ବା ଉଡ଼ାଜାହଜରେ ଥିଲେ ଫୋନ୍‍କୁ ଇନ୍‍ଆକ୍ଟିଭ୍‍ କିମ୍ବା ଫ୍ଲାଇଟ୍‍ ମୋଡ଼ରେ ରଖନ୍ତୁ ନାହିଁ ବରଂ ଫୋନଟିକୁ ସ୍ୱିଚ୍‍ଅଫ୍‍ କରିଦିଅନ୍ତୁ। ଏହା ଫଳରେ ଫୋନରୁ ଅଯଥାରେ ଚାର୍ଜ ନଷ୍ଟ ହୋଇନଥାଏ।
-ମୋବାଇଲ୍‍ ସ୍କ୍ରିନ୍‍ ଉପରେ ଅନାବଶ୍ୟକୀୟ ଆପ୍‍ ରଖନ୍ତୁ ନାହିଁ। ଯେଉଁ ଆପ୍‍ଗୁଡ଼ିକୁ ଆପଣ ବ୍ୟବହାର କରୁନାହାନ୍ତି ସେଗୁଡ଼ିକୁ ଅନ୍‍ଇନ୍‍ଷ୍ଟଲ୍‍ କରିଦିଅନ୍ତୁ। ଏପରି କରିବା ଦ୍ୱାରା ଆପଣଙ୍କ ଫୋନରେ ଅଧିକ ସମୟ ଚାର୍ଜ ରହିଥାଏ।
– ଏହା ସହ ଆପଣଙ୍କ ଫୋନକୁ ଆସୁଥିବା ନୋଟିଫିକେସନ୍‍ଗୁଡ଼ିକୁ ମିନିମାଇଜ୍‍ କରି ରଖନ୍ତୁ।
-ଇଣ୍ଟରନେଟ୍‍, ୱାଇଫାଇ, ଜିପିଏସ୍‍ ଆଦି ବ୍ୟବହାର କରୁନଥିବା ସମୟରେ ଏଗୁଡ଼ିକୁ ଖୋଲା ରଖନ୍ତୁ ନାହିଁ।
-ରାତିସାରା ଚାର୍ଜ ବସାଇଲେ ଏହା ଅଧିକ ସମୟ ଚାର୍ଜ ରଖିବ ବୋଲି ଭାବୁଛନ୍ତି କି? ବାସ୍ତବରେ ଏପରି ହୋଇନଥାଏ। ବରଂ ଏପରି କରିବା ଦ୍ୱାରା ମୋବାଇଲ୍‍ ବ୍ୟାଟେରୀର ଚାର୍ଜ ଧାରଣ କ୍ଷମତା କମିଯାଇଥାଏ।
-ବ୍ୟାକଲାଇଟ୍‍ ଓ ସ୍କ୍ରିନ୍‍ ଲାଇଟ କମ୍‍ ରଖିବା ସହ ଉତ୍ତାପରୁ ଫୋନକୁ ସବୁବେଳେ ଦୂରେଇ ରଖନ୍ତୁ। ଏପରିକି ସୂର୍ୟ୍ୟକିରଣରେ ମଧ୍ୟ ଫୋନ ରଖନ୍ତୁ ନାହିଁ। ନଚେତ୍‍ ଏହା ଚାର୍ଜ କ୍ଷୀଣ ହେବାର କାରଣ ହୋଇଥାଏ।

Comments are closed.