ନାଗରିକତା ସଂଶୋଧନ ବିଲ୍ ଆଗତ, ସପକ୍ଷରେ ୨୯୩ ଭୋଟ

 ସମୟ ଲାଇଭ୍‍,୯/୧୨:  ଆଜି ଲୋକସଭାରେ ନାଗରିକତା ସଂଶୋଧନ ବିଲ୍ ଆଗତ ହୋଇଥିଲା । କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏହି ବିଲକୁ ଆଗତ କରିଥିଲେ । ନାଗରିକତା ସଂଶୋଧନ ବିଲ ଉପସ୍ଥାପନ ହେବା ନେଇ ସଂସଦରେ ଭୋଟିଂ ହୋଇଥିଲା । ବିଲ ଉପସ୍ଥାପନ କରିବା ସପକ୍ଷରେ ୨୯୩ଟି ଭୋଟ ପଡ଼ିଛି । ସେହିପରି ବିଲ ବିପକ୍ଷରେ ୮୨ଟି ଭୋଟ୍ ପଡ଼ିଛି । ସଂସଦରେ ୩୭୫ଜଣ ସଦସ୍ୟ ଉପସ୍ଥିତ ରହିଥିଲେ ।

ସୂଚନା ଯୋଗ୍ୟ, ଗୃହରେ ଏହି ବିଲ୍ ଆଗତ ହେବା ସମୟରେ ବିରୋଧୀ ହଙ୍ଗାମା କରିଥିଲେ ।  ଶାହା ବିଲକୁ ନେଇ ଏହା କୌଣସି ସଂପ୍ରଦାୟ ବା ସଂଖ୍ୟାଲଘୁ ବିରୋଧୀ ନୁହେଁ ବୋଲି କହିଥିଲେ । ଏହି ବିଲରେ ଅଣମୁସଲିମ ଶରଣାର୍ଥୀଙ୍କୁ ନାଗରିକତ୍ୱ ପ୍ରଦାନର ବ୍ୟବସ୍ଥା ରହିଛି ।

Comments are closed.