ଛଉ ନୃତ୍ୟ କର୍ମଶାଳା ଅନୁଷ୍ଠିତ

ସମୟ ଲାଇଭ, 17/11(ରାଜ ଗୁପ୍ତା): ମୟୁରଭଞ୍ଜ ଛଉ ନୃତ୍ୟ ର ସଂରକ୍ଷଣ ଏହାର ହୃତଗୌରବ ର ପୁନଃ ଉଦ୍ଧାର ସକାଶେ ଜିଲ୍ଲା ପ୍ରଶାସନ ପକ୍ଷରୁ ଆରମ୍ଭ କରାଯାଇଥିବା ପ୍ରୋଜେକ୍ଟ ଛାଉଣୀ ପକ୍ଷରୁ ମୋରଡା ବ୍ଲକ ଚିତ୍ରଡା ଠାରେ ଏକ ଛଉ ନୃତ୍ୟ କର୍ମଶାଳା ଅନୁଷ୍ଠିତ ହୋଇଯାଇଛି |
ଚାରି ଦିନ ଧରି ଅନୁଷ୍ଠିତ ଏହି କର୍ମଶାଳାରେ ସମଗ୍ର ମୋରଡା ବ୍ଲକ ରେ ଥିବା ଛଉ ନୃତ୍ୟ ପ୍ରତିଷ୍ଠାନ ଗୁଡ଼ିକରୁ ୫୦ ରୁ ଉର୍ଦ୍ଧ ଛଉ ନୃତ୍ୟ ଶିଳ୍ପୀ ଯୋଗଦେଇଥିଲେ | ଏହି ଛଉ ନୃତ୍ୟ କର୍ମଶାଳା ର ଉଦ୍ଯାପନୀ ଉତ୍ସବରେ ମୟୁରଭଞ୍ଜ ମହାରାଣୀ ଶ୍ରୀମତୀ ରଶ୍ମି ରାଜ୍ୟଲକ୍ଷ୍ମୀ ଭଞ୍ଜଦେଓ ମୁଖ୍ୟ ଅତିଥି ଭାବେ ଯୋଗଦେଇଥିଲେ, ଅନ୍ୟାନ୍ୟ ଅତିଥି ମାନଙ୍କ ମଧ୍ୟରେ ଜିଲ୍ଲା ସଂସ୍କୃତି ଅଧିକାରୀ ତନୁଜା ସିର୍କା , ପ୍ରୋଜେକ୍ଟ ଛାଉଣୀ ର କାର୍ଯ୍ୟ ନିର୍ବାହୀ ନିର୍ଦ୍ଦେଶିକା ଶ୍ରୀମାଟି ଶୁଭଶ୍ରୀ ମୁଖାର୍ଜୀ ପ୍ରମୁଖ ଯୋଗଦେଇଥିଲେ | ଏହି ଅବସରରେ ୫୦ ରୁ ଉର୍ଦ୍ଧ ଛଉ ନୃତ୍ୟ ଶିଳ୍ପୀ ଙ୍କୁ ସାର୍ଟିଫିକେଟ ପ୍ରଦାନ କରିବା ସହ ଶେଷରେ ଛଉ ନୃତ୍ୟ ଶିଳ୍ପୀ ମାନଙ୍କ ଦ୍ଵାରା ଛଉ ନୃତ୍ୟ ପରିବେଷଣ କରାଯାଇଥିଲା।

Comments are closed.