ଭୁବନେଶ୍ୱରରେ ପହଞ୍ଚିଲେ ବିଜୟ ମହାନ୍ତି

ଭୁବନେଶ୍ୱର : ଜୁନ ୧୪: ଭୁବନେଶ୍ୱରରେ ପହଞ୍ଚିଛନ୍ତି ଓଡ଼ିଆ ସିନେଜଗତର ବରିଷ୍ଠ ଅଭିନେତା ବିଜୟ ମହାନ୍ତି । ହାଇଦ୍ରାବାଦରୁ ଏକ ସ୍ୱତନ୍ତ୍ର ଆମ୍ବୁଲାନ୍ସରେ ଆସି ରବିବାର ସକାଳେ ଭୁବନେଶ୍ୱରରେ ପହଞ୍ଚିବା ପରେ ତାଙ୍କୁ ସିଧାସଳଖ କେୟାର ହସ୍ପିଟାଲକୁ ନିଆଯାଇଛି । ଗତ ୨୭ତାରିଖରେ ବିଜୟ ତାଙ୍କ ଝିଅ ଘର ହାଇଦ୍ରାବାଦ୍‌ ଯାଇଥିଲାବେଳେ ଅସୁସ୍ଥ ହୋଇପଡିଥିଲେ ଓ ସେଠାରେ ଚିକିତ୍ସିତ ମଧ୍ୟ ହେଉଥିଲେ । ଲକ୍‌ଡାଉନ୍‌ ଯୋଗୁ ତାଙ୍କୁ ଭୁବନେଶ୍ୱର ଅଣାଯାଇପାରୁନଥିଲା । ତେବେ ଶନିବାର ଦିନ ଏକ ସ୍ୱତନ୍ତ୍ର ଆମ୍ବୁଲାନ୍ସ ଯୋଗେ ବିଜୟଙ୍କୁ ଭୁବନେଶ୍ୱର ଅଣାଯାଇଛି । ବିଜୟ ମହାନ୍ତିଙ୍କୁ ଓଡ଼ିଶା ଆଣିବାରେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଓ ତାଙ୍କ ଛାତ୍ର ତଥା ଅଭିନେତା ଅଖିଳ ପଟ୍ଟନାୟକ ସହାୟତାର ହାତ ବଢାଇଥିଲେ । ଯାହା ଫଳରେ ତାଙ୍କୁ ଭୁବନେଶ୍ୱର ଆଣିବI ସମ୍ଭବ ହୋଇଛି ।

Comments are closed.