ପିଥାନି ଏବଂ ରୋଷେଇଆ ନିରଜ ସିଂ ଙ୍କୁ ପଚରାଉଚରା କରିବା ପରେ ସୁଶାନ୍ତଙ୍କ ବାନ୍ଦ୍ରା ଫ୍ଲାଟରେ ସିବିଆଇ ଟିମ୍

ମୁମ୍ବାଇ: ଅଗଷ୍ଟ ୨୨: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଘଟଣାର ଅନୁସନ୍ଧାନ କରୁଥିବା ସିବିଆଇର ସ୍ୱତନ୍ତ୍ର ଅନୁସନ୍ଧାନକାରୀ ଦଳ ଅଭିନେତାଙ୍କ ବାନ୍ଦ୍ରା ଫ୍ଲାଟରେ ପହଞ୍ଚିଥିଲେ, ଯେଉଁଠାରେ ଜୁନ୍ ୧୪ ରେ ତାଙ୍କର ମୃତଦେହ ମିଳିଥିଲା। ସିବିଆଇ ଟିମ କୂପର ହସ୍ପିଟାଲ ଏବଂ ବାନ୍ଦ୍ରା ପୋଲିସ୍ ଷ୍ଟେସନ ମଧ୍ୟ ଯାଇ ଅନୁସନ୍ଧାନ କରିଥିଲେ I ଶୁଶାନ୍ତଙ୍କ ଫ୍ଲାଟମେଟ ସିଦ୍ଧାର୍ଥ ପିଥାନି ଓ ରୋଷେଇଆ ନିରଜ ସିଂ ଙ୍କୁ ମଧ୍ୟ ପଚରାଉଚରା କରିଥିଲେ I
ବିଶ୍ୱସ୍ତ ସୂତ୍ର ରୁ ପ୍ରକାଶ ଯେ, ସି ବି ଆଇ ର ଅନେକ ଗୁଡିଏ ଅନୁସନ୍ଧାନକାରୀ ଦଳ ଏହି ଅନୁସନ୍ଧାନ ଜାରି ରଖିଛନ୍ତି।
ଗୋଟିଏ ଅନୁସନ୍ଧାନକାରୀ ଦଳ ବାନ୍ଦ୍ରା ପୋଲିସ ଷ୍ଟେସନରେ ପହଞ୍ଚି ଜୁନ୍ ୧୪ ରେ ଡ୍ୟୁଟିରେ ଥିବା ପୋଲିସ୍ କର୍ମଚାରୀଙ୍କ ସହ କଥାବାର୍ତା କରିଥିଲେ ଏବଂ ପରେ ସ୍ୱର୍ଗତ ଅଭିନେତାଙ୍କ ଫ୍ଲାଟ ପରିଦର୍ଶନ କରିବା ପାଇଁ ଯାଇଥିଲେ I

ଅନ୍ୟ ଏକ ଦଳ କୂପର ହସ୍ପିଟାଲରେ ପହଞ୍ଚିଥିଲେ ଯେଉଁଠାରେ 34 ବର୍ଷୀୟ ଅଭିନେତାଙ୍କ ଶବ ବ୍ୟବଚ୍ଛେଦ କରାଯାଇଥିଲା।

ଅନ୍ୟ ଏକ ସିବିଆଇ ଟିମ୍ ସୁଶାନ୍ତଙ୍କ ରୋଷେଇ ନୀରଜଙ୍କୁ IAF ଗେଷ୍ଟହାଉସକୁ ପଚରାଉଚରା ପାଇଁ ଆଣିଥିଲେ ଯେଉଁଠାରେ ଫେଡେରାଲ୍ ଏଜେନ୍ସି ଅଧିକାରୀମାନେ ରହୁଛନ୍ତି | ସିବିଆଇ ସୁଶାନ୍ତଙ୍କ ଫ୍ଲାଟମେଟ ସିଦ୍ଧାର୍ଥ ପିଥାନିଙ୍କୁ ମଧ୍ୟ ପଚରାଉଚରା କରିଥିଲେ I

ସୂତ୍ରରୁ ଜଣାପଡିଛି ଯେ ପିଥାନିଙ୍କୁ ଜୁନ୍ ୧୩ ରୁ ଜୁନ ୧୪ ପର୍ଯ୍ୟନ୍ତ ସବୁ ଘଟଣାବଳି ଉପରେ ପଚରାଉଚରା କରିବା ସହ
​​ଏବଂ ସେହି ସମୟରେ ଆପାର୍ଟମେଣ୍ଟରେ କିଏ ଉପସ୍ଥିତ ଥିଲେ ତାହା ଜାଣିବା ପାଇଁ ଚାହିଁ ଥିଲେ I

ସିବିଆଇ ପିଥାନିଙ୍କୁ ପଚାରିପାରେ, ସୁଶାନ୍ତ ରୁମର ତାଲା ଖୋଲିବା ପାଇଁ କିଏ ତାଲା ତିଆରିକଲାଵାଲା କୁ ଡାକିଲା? କିଏ ସୁଶାନ୍ତଙ୍କ ଶବକୁ ଓହ୍ଲାଇଲା? କିଏ ପୋଲିସକୁ ଖବର ଦେଲା ?

ଶୁକ୍ରବାର ଦିନ ସିବିଆଇ ନୀରଜଙ୍କୁ ୧୦ ଘଣ୍ଟାରୁ ଅଧିକ ସମୟ ଧରି ପଚରାଉଚରା କରିଥିଲା, ଏହା ବ୍ୟତୀତ ସୁଶାନ୍ତଙ୍କ ଅନ୍ୟ କର୍ମଚାରୀ ଦୀପେଶ ସ୍ୱାନତ ଏବଂ ତାଙ୍କ ଘର ମ୍ୟାନେଜର ସାମୁଏଲ ମିରାଣ୍ଡାଙ୍କୁ ମଧ୍ୟ ପଚରାଉଚରା କରାଯାଇଥିଲା। ସିବିଆଇ ଦ୍ୱାରା ମିରାଣ୍ଡାଙ୍କୁ ପାଞ୍ଚ ଘଣ୍ଟାରୁ ଅଧିକ ସମୟ ପଚରାଉଚରା କରାଯାଇଥିଲା।

ଆହୁରି ମଧ୍ୟ ଜଣାଯାଇଛି ଯେ, ସି ବି ଆଇ ଫୋରେନସିକ୍ ଦଳର ସଦସ୍ୟମାନେ ବାନ୍ଦ୍ରା ଅଞ୍ଚଳର ମଣ୍ଟ ବ୍ଲାନ୍କ ଆପାର୍ଟମେଣ୍ଟ ଯାଇ ଘଟଣା ର recreate କରି ଦେଖିବେ I

ସୂତ୍ରରୁ ପ୍ରକାଶ ଯେ ଫଟୋଗ୍ରାଫ୍ ଏବଂ ଶବ ବ୍ୟବଚ୍ଛେଦ ରିପୋର୍ଟକୁ ଫୋରେନସିକ୍ ଟିମ୍ ସହିତ ବିଶ୍ଳେଷଣ ପାଇଁ ସେୟାର କରାଯିବ।

ଶୁକ୍ରବାର ଦିନ ଫେଡେରାଲ ଅନୁସନ୍ଧାନକାରୀ ସଂସ୍ଥା ମଧ୍ୟ ଦିଲ୍ଲୀର ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ (AIIMS) ସହିତ ସ୍ୱର୍ଗତ ଅଭିନେତାଙ୍କ ଶବ ବ୍ୟବଚ୍ଛେଦ ରିପୋର୍ଟ ଉପରେ ଆଲୋଚନା କରିବା ପାଇଁ ଯୋଗାଯୋଗ କରିଥିଲେ I
ମୁମ୍ବାଇର ଏକ ଏଜେନ୍ସି ସୂତ୍ରରୁ ପ୍ରକାଶ ଯେ ସିବିଆଇ ସୁଶାନ୍ତ, ତାଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀ ଏବଂ ଅନ୍ୟମାନଙ୍କ କଲ୍ ବିବରଣୀ ରେକର୍ଡ ମାଗିବ।

ଅଗଷ୍ଟ ୬ ରେ, ବିହାର ସରକାରଙ୍କ ସୁପାରିଶ ରେ ସିବିଆଇ କେନ୍ଦ୍ର ସରକାରଙ୍କ ନିର୍ଦ୍ଦେଶରେ ଏହି କେଶ ର ତଦନ୍ତ ଭରା ନେଇଥିଲେ I ପାଟନା ର ରIଜୀବ ନଗର ପୋଲିସ ଷ୍ଟେସନରେ ସୁଶାନ୍ତ ଙ୍କ ପିତା ଏଫ ଆଇ ଆର ଦାଖଲ କରିଥିଲେ I
ସୁଶାନ୍ତ ଙ୍କ ପିତା କେ କେ ସିଂ ଙ୍କ ଅଭିଯୋଗ ଆଧାରରେ ରିୟା ଚକ୍ରବର୍ତ୍ତୀ, ତାଙ୍କ ପିତା ଇନ୍ଦ୍ରଜିତ୍, ମାତା ସାନ୍ଧ୍ୟା, ଭାଇ ଶୋୟିକ୍, ସୁଶାନ୍ତଙ୍କ ପୂର୍ବତନ ମ୍ୟାନେଜର ଶ୍ରୁତି ମୋଦୀ ଏବଂ ଫ୍ଲାଟମେଟ ସାମୁଏଲ ମିରାଣ୍ଡା ଏବଂ ଅନ୍ୟ ଅଜ୍ଞାତ ବ୍ୟକ୍ତିଙ୍କ ବିରୋଧରେ ଜୁଲାଇ ୨୫ ତାରିଖରେ ମାମଲା ରୁଜୁ ହୋଇଥିଲା।
ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ଜୁଲାଇ ୩୧ ତାରିଖରୁ ମୃତ୍ୟୁ ଘଟଣାରେ ଏକ ମନି ଲଣ୍ଡରିଂ ଆଙ୍ଗେଲକୁ ଯାଞ୍ଚ କରୁଛି | ଶୁକ୍ରବାର ଦିନ, ଇଡି ଦିଲ୍ଲୀରେ ତାଙ୍କ ଭଉଣୀ ପ୍ରିୟଙ୍କା ସିଂଙ୍କ ବିବୃତ୍ତି ରେକର୍ଡ କରିଛନ୍ତି | ଏହା ପୂର୍ବରୁ ଆର୍ଥିକ ଅନୁସନ୍ଧାନକାରୀ ସଂସ୍ଥା ସୁଶାନ୍ତଙ୍କ ପିତା, ରିୟା, ଶୋୟିକ୍, ଇନ୍ଦ୍ରଜିତ୍, ମିରାଣ୍ଡା, ଶ୍ରୁତି ମୋଦୀ, ପିଥାନି, ରୁମି ଜାଫ୍ରି ସହ ସୁଶାନ୍ତ ଅନ୍ୟ ଜଣେ ଭଉଣୀ ମିଟୁ ସିଂଙ୍କ ବିବୃତ୍ତି ରେକର୍ଡ କରିଥିଲେ। (IANS )

Comments are closed.