ଘରେ କାମ କରିବାର ଫର୍ମୂଲା

କରୋନା ଭାଇରସର ପ୍ରଭାବ। ଏହି ମହାମାରୀକୁ ରୋକିବା ପାଇଁ ପୁରା ଦେଶରେ ବନ୍ଦ ଡାକରା ଦିଆଯାଇଛି। ସମସ୍ତ ସରକାରୀ ଓ ବେସରକାରୀ କାର୍ଯ୍ୟାଳୟଗୁଡ଼ିକୁ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ ରଖାଯାଇଛି।

କିନ୍ତୁ ଅଧିକାଂଶ କମ୍ପାନି ଅଫିସର କାର୍ଯ୍ୟ ଚାଲୁ ରଖିବା ନିମନ୍ତେ ଓ୍ୱାର୍କ ଫ୍ରମ ହୋମ୍ଫ ଫର୍ମୂଲା ପ୍ରୟୋଗ କରିଛନ୍ତି। ଅଫିସର ପ୍ରାୟ ୭୦ରୁ ୮୦ ପ୍ରତିଶତ କର୍ମଟାରୀ ଏବେ ଘରେ ବସି ଲାପଟପ୍, କମ୍ପ୍ୟୁଟର ଏବଂ ଇଣ୍ଟରନେଟ୍ ସହଯୋଗରେ କାମ କରୁଛନ୍ତି।

– ଘରେ କାମ କରିବା ପାଇଁ ଏକ ସ୍ୱତନ୍ତ୍ର ଓ୍ୱାର୍କ ପ୍ଲେସ୍ ବାଛନ୍ତୁ। ଏହା ଆପଣଙ୍କ ନିତିଦିନିଆ ଶୋଇବା ଉଠିବା ସ୍ଥାନଠାରୁ ଅଲଗା ଥିବା ଆବଶ୍ୟକ। ଏହା ଦ୍ୱାରା ଆପଣଙ୍କ ବେଡ୍ରୁମ୍ ଅଳିଆ ହେବନାହିଁ। ନିଜ ଓ୍ୱାର୍କ ପ୍ଲେସକୁ ସଫା କରନ୍ତୁ, ସମସ୍ତ ଦରକାରୀ କାଗଜପତ୍ର, ଲାପଟପ ବା କମ୍ପ୍ୟୁଟର, କି-ବୋର୍ଡ, ମାଉସ୍ ଆଦିକୁ ଯଥା ସ୍ଥାନରେ ରଖନ୍ତୁତ।

– ଅଫିସରେ ଯେପରି ସିଡ୍ୟୁଲ୍ ଅନୁଯାୟୀ କାମ କରନ୍ତି ସେହିପରି ଘରେ ମଧ୍ୟ ନିଜ କାମର ସିଡ୍ୟୁଲ୍ ବନାନ୍ତୁ। ଏହାଦ୍ୱାରା ଆପଣ ସମୟର ଠିକ୍ ବ୍ୟବହାର କରିପାରିବେ|

– କାର୍ଯ୍ୟ କରୁଥିବା ସମୟରେ ଆପଣ କି-ବୋର୍ଡ, ମାଉସ୍ ଓ ଅନ୍ୟାନ୍ୟ ବସ୍ତୁ ସଂଶ୍ପର୍ଶରେ ଆସିଥାନ୍ତି। ତେଣୁ ସେହି ସମୟରେ ନିଜ ହାତକୁ ମୁହଁରେ ଆଦୌ ଲଗାନ୍ତୁ ନାହିଁଁ।

– ଆପଣ ନିଜର ଓ୍ନାର୍କ ପ୍ଲେସ୍ ପାଖରେ ସବିବେଳେ ସାନିଟାଇଜର୍ ରଖିଥାନ୍ତୁ। ଡାକ୍ତରଙ୍କ ପରାମର୍ଶ ଅନୁଯାୟୀ ପ୍ରତି ୨୦ ମିନିଟରେ ଥରେ ସାନିଟାଇଜର୍ ବ୍ୟବହାର କରନ୍ତୁ।

– ଘରେ କାମ କରୁଥିବାରୁ ଆପଣଙକ ଡେଲି ରୁଟିନରେ ଅନିୟମିତତା ଆଣିବାକୁ ଦିଅନ୍ତୁନାହିଁ। ଠିକ୍ ସମୟରେ ଉଠି ନିଜର ନିତ୍ୟକର୍ମ ସାରି ଅଫିସ ଟାଇମରେ ରେଡି ହୋଇଯାଆନ୍ତୁ ଏବଂ କାର୍ଯ୍ୟ ଆରମ୍ଭ କରନ୍ତୁତ

– ଅଫିସ୍ ସମ୍ବନ୍ଧୀୟ ସମସ୍ତ କାର୍ଯ୍ୟ ପାଇଁ ଆପଣ ଭିଡିଓ କଲ୍, ଫୋନ୍ କଲ୍, ମେସେଜ୍, ହ୍ନାସ୍ଟଆପ୍ ଜରିଆରେ ନିଜ ଅଫିସ୍ ଟିମ୍ ସହ ଯୋଗାଯୋଗ କରିପାରିବେ।

– ଏହି ସମୟରେ ସମସ୍ତ ଜରୁରୀ ଖାଦ୍ୟ ସାମଗ୍ରୀ ନିୟ ପାଖେ ଷ୍ଟକ୍ ରଖିଥାନ୍ତୁ। ଘରେ ସଠିକ୍ ସମୟରେ ବ୍ରେକ୍ ଫାଷ୍ଟ, ଲଞ୍ଚ, ଡିନର୍ କରନ୍ତୁତ

– କିଛି ସମୟ କାର୍ଯ୍ୟ କରିବା ପରେ ବା କିଛି ସମୟ ବ୍ୟବଧାନରେ ବ୍ରେକ୍ ନିଅନ୍ତୁ। ଶାରିରୀକ ସହ ମାନସିକ ସୁସ୍ଥତା ମଧ୍ୟ ନିହାତି ଆବଶ୍ୟକ। କିଛି ସମୟ ନିଜକୁ ରିଲାକ୍ସ କରନ୍ତୁ ତା ପରେ ଆଉଥରେ କାମ ଆରମ୍ଭ କରନ୍ତୁ।

  ସାମାନ୍ୟ ସଚେତନତା ଆପଣଙ୍କୁ ସୁସ୍ଥ ରଖିବ |

Comments are closed.